سبحان الله ماادري الزمن تغير ولا الناس تغيروا ..

الحمدالله اني مالحقت على هذه المهازل ..قبل 8 سنين حفل التخرج حقنا كان كله حزن على الفراق وكل وحده تتسامح من الثانيه ابدا ماكان فيه اي شي من المذكور ^^^ اذكر ان وحده من المدرسات جابت فكره العباية وطاقيه التخرج الا ان الاداره منعتها منعا باتا واللي تحضر هالعباية ماتدخل الحفل .... استغربت جدا من الكلام المذكور.. الله يعين الجميع ..

الله يستر على جيل عيالي ... اللهم احفظنا وارحمنا فوق الارض وتحت الارض ويوم العرض عليك ..

مثل ماقالوا الماكياج عادي وبعدين البنات الحين صار يحطونه في ايامهم العاديه يجون الصبح والكحل والروج وحمره الخدود والمدرسه ماتقول لهم شي
الرقص في حدود المعقول بين البنات
حركه العبايه وتكلفتها الماديه انا معك في النهايه وين مصيرها
المفروض يكتفون بشال او اكسسوار او شي بسيط فقط

جزاك الله خير لكن يالطيبه لا تعقدين الامور ولا تخلطين الحابل في النابل

اذا الرقص على اناشيد بدون موسيقى خلاص بكيفهم مافيه دليل يحرم هذا الشئ
والمكياج ماهو حرام حتى لو طلعوا انفسهم مهرج ذوقهم وبكيفهم
والعبايات فيه رخيصه وفيه الغاليه
والشعر والزينه من اساسيات الانثى تسوي الي تبغى وهذا اليوم مره في العمر تبغين يمشئ بحزن ياختي خلي العالم تفرح

اما الحفل بالليل ويوم الخميس وين المشكله خليهم يحتفلون وش ضرك هم ماخالفو الدين ولا اساؤ لأحد


لاتكتبون وتصبغون كلامك بالصبغه الدينيه
ترى الدين يسر ويدعوا للفرح والتفائل
ابعدو ع التعقيد شوي الله ييسر لكم الافرح

بصراحه انا رجعت لملفك الشخصي وطلع مثل ماكنت متوقعه انك معلمه ولست طالبه تتكلم عن حفل تخرجها

انتي نزلي عقليتك للمرحله اللي تدرسيها عشان تقدري تتفهميها وتستمتعي بالتعامل معها
اما من ناحية التكريم للمعلمات فاتوقع ماتتذمر منه الا المعلمه اللي مو كفو تكريم وهذي خليها تتذمر لين نهاية السنه
لان اللي تبغى تتكرم تعمل بأخلاص وتخلي لها بصمات الاعمى قبل المبصر يشوفها ويحس فيها
واللي ماتقتدر تحط لها بصمه او جهد واضح فتحمد ربها على الوظيفه وتفرح لاختها المجتهده

اتمنى انك ماتزعلي من ردي عزيزتي

أنا معك في كل كلمة قلتيها
انا حضرت حفل نجاح اختي في مدرسة اهليه
وشفت العجب العجااااااااااب وكأننا في حفلة زواج ماهو (نجاح)
المفروض تكون الحفلة ارقى بكثير واكثر عقل وحكمة فهي حفل تعليمي ماهو زواج
لبس قصير وبناااطيل ورقص وعري
وين هيبة العلم؟؟ وين هيبة المعلمة اللي جالسة تهز وتتمايل قدام طالباتها؟؟
يانااس ..هذا صرح تعليمي ..حفلة نجاح مدرسة..يعني ماهو زواج .. ولكل حفل اتجاهاته