عيالك اعمارهم مره مناسبه تنقلي لهم اسرتهم بغرفه لوحدهم بس شوفي الطفل ذكي ولاتقولين هما يربوني شوي شوي يتعودون شوفي هذا كلامي ونصيحتي لك مجربه انا عندي بنتين لما نقلتهم غرفه جنب غرفتي بس بيننا موزع غرف وباب غرفتي مفتوح اخذت للكبيره سرير عادي وللصغيره سريرها بالحاجز من ولدتها تنام فيه ارضعها كنت بصدري وارجعها بسريرها ولما نقلتهم كانت اعمارهم الكبيره ثلاث سنين والصغيره عشره شهور وجيبي الجهاز اللي فيه كاميرا او بس تسمعين صوتهما وحطي واحد بغرفتهم وواحد بغرفتك وبتسمعينهم ولاتسمعين كلام الناس الي تقول مافي قلوبكم رحمه ليه بالعكس انا بحمي طفلي انه يشاهد مشاهد غير لائقه بعمر صغير خصوصا بعد السنه والنص يبدأو يقلدون ويفهمو غير كذا يتعودو على الاستقلاليه من عمر صغير

المهم ولدك الصغير حاولي تاكيلنه مزبوط قبل النوم شوفي حفاظته نظيفه وبعدها رضعته وحطيه بسريره وخليه حتى لو جلس يبكي يبكي الي ماينام
وزبطي غرفتهم العاب وملونه عشان ينبسطون وترا يفهم هالعمر لاتقولين مايفهم يفهم ويفرض رايه بعد بس عادي بنتي الصغيره اللحين عمرها سنتين وشوفي العناد والبكى وبعدين بكى مو طبيعي عادي اخليها تبكي اللي تسكت واقولها لا حبيبي انا اسفه ماقدر ممنوع كذا بيتعلم واذا سوت شي كويس اصفق لها واقولها شااااطره
الكبير بيتعبك شوي وترا هذا عمره لازم العناد وطفلك جدا طبيعي في دكتور يقول الطفل اذا ماكان طبيعي هذا اللي في خل شخصيته لكن اللي يعاند جدا طبيعي وحطيه بسريره نامي معاه شوي وقومي وبيجلس كم يوم يجيك لغرفتك وخذيه رجعي سريره وبرضه بيبكي ورجعيه سريره شوفي برنامج بيبي ستر باليوتوب فضيعه suppernany

الاكل عوديهم ثلاث وجبات باليوم كامله بينهم سناكس خفيف مرتين فاكهه خضار بسكويت وحطيهم بكرسي طعام حتى ابو عشر شهور يتعلم من اللحين ياكل وحده بيحوسون اقولك بياخذ الموضوع حول اسبوعين اللين يتعلمون

انا مع الاخت روز واذا ماقدرتي تنزليهم في غرفه لوحدهم حطي فرشه بالارض هم الاثنين عليها وخلاص ليش واحد سرير والثاني جنبك

انا عندي سنتين وولد ثاني خمس شهور.

الحمدلله اثنين. ينامون برى عن غرفتي انا معودتهم. ولله الحمد. والصغير ابو خمس شهور ينام لسرير صغير جنبي علشان انتبه له أكثر


انصحك من خلال. تجربتي اذا صارخ ودك لا تولينه. اهتمام هو كذا يبغى يلفت نظرك وبس. وأخوه للأسف تعلم منه. والكبير يصارخ لانه حاس بالغيره

اذا بتغيرين له الحفاظ غيري له بصمت بدون كلام حتى لو صارخ همشي وكلمي غيار ما كأنك تسمعين شي ورتبيه. وسوي كل شي حتى لو صارخ أكثر

حطي. في بالك. التهميش اذا صارخ ولا تعطينه حلاوه او شي الا. لين يسكت. قولي. له اسكت اعطيك هديه حلاوه

كلميه. حاوريه. وينسى الصراخ.. انا ولدي كلامه اغلبه مو مفهم. بس حبيب قلبي يسوي نفسه كبير مثل اخوه ابو اربع سنوات ويسولف. معي وللأمانه انا. ابربر على راسه وانا اشتغل ف بيتي. اسلي نفسي. وبنفس الوقت اعلمه مهاره. الحوار. والحديث...

جربي ماتندمي ولدك اكبر من ولدي بشهرين. يعني راح تقدرين ان شاء الله

الحواااااااار ينسيه الصراخ... وحاولي تخلينه يساعدك ف البيت بس من باب انك تشغلني وقته. وتفيدينه. اعطيه اشياء خفيفه. ينقلها. معك. لمكان ثاني

بالتوفيق ان شاء الله

آسفه ع الأخطأ الأملائيه.......... أكتب من الفون🙈

بنتي كذا تتعبني بتغيير الحفاظ أكرمك الله عمرها سنتين و3 شهور ما تغير الا بعد ما تتعبني ومتعلقه فيه مره من يوم انولدت تنام جنبي وذحين سريرها جنب سريري ❤️ ..

وولدي عمره 6 شهور عودته من يوم كان صغير ينام في سريره مقابل لسريري .. أحس ما أقدر أنام وهما في غرفة ثانية بعيدين عني 😑 ..


والنوم لازم تصحيهم بدري وطول النهار أشغليهم لا يناموا بالألعاب وخذيلهم مرجيحة ودراجة او سيارة ودفتر تلوين والوان لولدك الكبير .. وإن شاء الله ما يجي الليل إلا هما تعبانين ويناموا بسهولة .. بس حمميهم دش دافي بعدها يناموا مرتاحين بإذن الله ..

بالنسبة لولدك الصغير شوفي إنتي بعد كل كم ساعة تعطيه رضعة عشان تجهزيها له قبل يقوم ويصيح ويصحي أخوه كذا تعطيه رضعته ويرجع يكمل نومه ..

والله هذي كلها مجربتها لبنتي بسم الله عليها تنام وقت نومنا وتصحى بدري وطول اليوم ما تنام مره ..

واذا على الشقاوة والصراخ الله يعين عليهم فترة وتعدي إن شاء الله يبغالهم صبر وطولت بال ..