أولاد وبنات الصف الأول .......... تعالوا !!!

أجوبتة ابني بالصف الأول وعمره خمس سنين ونصف بالضبط اليوم صار خمسة ونص .
مستواه الدراسي وسط لا هو متفوق ولا هو كسلان.

ماما شريرة ونفسي أغيرك لوحدة تانية تلبس مشلح ومشخلع .
ولما شافني بوزي شبرين قال : لأ لأ اخاف اللي تييجي تكون اظافرها طويلة وشريرة أكثر وباسني وقال خلاص ما بغيرك بس اسمعي كلامي حتى اسمع كلامك.


بخاف من بابا أحيانا بس حتى لو زعل شوي وبيرضى ما بيطول الزعل.

أحب المدرسة لما يكون في حصة الرياضة ولما يكون امتحان ما احبها .

أحب اللإنجليزي أكثر والفرنسي والرياضيات لأنها سهلة والعربي صعب لأن المعلمة مش كويسة معانا .

أحب أصير كبير حتى اخلص 12 جريدز ( صفوف ) وبعديها أسافر أدرس الجامعة وأتزوج ولا تخافي بزورك بالصيف متل ما احنا بنزور الجدو والجدة بالصيف .

( طبعا دخلت معاه في حوار طويل عن الغربة انها مش لازمة وهو مصر بأن الولد بيسافر مثل ما أبوه سافر للدراسة لكن ابني فتح واشطر من ابوه وحاط بباله بيتزوج في البلد اللي بيروح يدرس جامعة فيها )

بابا وماما بيحبوني بس ما بيسمعوني وما بيردوا على طلباتي .

انا ما بحب ماما تقرأ لي قصص بيكفي كتب المدرسة فيها قصص.

أنا ما بقرأ لوحدي ولا بحاول أقرأ.

ماما ما بتعطيني كل شي صارت شريرة كانت كويسة زمان وبعدين تغيرت وصارت شريرة بس لما اجيب علامات كاملة بالامتحان بتحبني كتير.


كل شي عندي بس بدي حيوانات نفسي ألعب مع اسد والا نمر أو عالأقل سحليات كتار بالبيت
او قرد وما تخافوا راح البسه يلبس أندرويرز وما بيعمل شي بالبيت .
ماما ما بتحب الحيوانات في البيت واحنا واخواني بنحبها .