وعلى فكرة معظم الاكلات تطبيق لأكلات أخواتي هنا..والحمدلله مدحوا الأكل لكن لكل شي إذا ما تم نقصان :44: بعض الأكلات الملح كان ناقص وبالاساس في اكلة انا نسييييييييييييت احطي الملح :09: وبعد ما سويت السلطات ما مداني الوقت..واختي قالت بتسوي بس صارت ظروف..يالله خيرها في غيرها ان شاء الله
طيب تفضلوا شوفي الصور..ياليت انا صورت..خليت اختي الصغيرة تصور لانشغالي بتزيين الاكل :42:
نظرة عامة:
بتلاحظون في الصور في ناس مزهبين صحونهم وحاطين الاكل :)
احلى اكله عندي وطلعت لذيذة خاصة وهي بااااردة (ورق العنب) في الوسط فخذ دجاج حطيته بدل الماجي عشان المحشي ياخذ طعمه +وبطاطا+الباقي من العيش المصري
(المسخن) بطريقة صديقتي الفلسطينية وهي الطريقة المعتادة بس ما كان عندنا صنوبر..الدجاج تحت الخبز مستحي خخخخ..ما يا في بالي اصوره
بهالصورة ثلاثة اشيا..اسكالوب الربيان من طريقة اختنا عفاف الله يجزيها الخير والكل مدحه..الا كانوا يتضاربون على اخر حبة خخخ..شيش طاووق بطريقة الأخت هدوبه الله يجزيها الخير قالوا كانه فيه سكر لانه محطوط في السفن اب وخلص كله..وصحن الكشري على طريقة الأخت ام الذرابه الله يجزيها الخير
تابع
نظرة عامة..ولا نستغنى عن الحمص
والفطاير المشكله
أما الحلويات..الله يجزي الخير لأختي اللي اصغر مني والله ابدعت فيهم وماشاء الله قالوا حلو حتى الخدامه واحلى شي حبيبتي (الفستقيه)
طريقتها:
تطحين بسكوت دايجستف طحن زين نص الكرتونة زتصبين فوقه زبده سايحه وتخلطينهم كانهم عجين ووترصين العجين في صحن الفايركس وتنتظرين كذا دقيقة او تحطين الصينية في الثلاجه عشان يتماسك اشوي
الطبقة الثانية عبارة عن فستق مطحون+علبة قشطة+حليب مركز تخلطينهم زين لين يتجانسون وترصين العجين على الطبقة الثانية وتدخلين الصينية للفرن اشوي لين يتحمر الويه وفي الاخير تحطين الصينية بالثلاجة عشان يتماسك زيييييييييييييين... والطعم ولا اروع
الكب كيك والسنابون
وبجذى البوفيه خلصت على خير ولله الحمد وفرحنا واكثر وحدة استانست هي الريحووووونة :) وان شاء الله القاكم ببوفيهات ثانية والسلام