السلام عليكم ورحمة الله وبركاته
قمت بعمل بحث عن التدخين...ووجدت كم مشكله عن التدخين قرأتهم واستفدت منهم ولكن رغبه في استفاده اكثر ورغبه في ان يتعظ من مشكلتي الاخوات الباقيات...
مشكلتي مشتعبه قليلا...فسأبدأ بسم الله
اولا زوجي مدخن...هذي مشكله مفروغ منها...وحاولت بشتى الوسائل معاه...مره بالفتاوي...ومره بالنصائح ومره بالزعل الخفيف...ومره بوقفات دينيه...ومرات ومرات...ومرات يزعل ومرات يتجاوب ايام ويرجع للتدخين ومرات يسكت عني الين اخلص كلامي ويرجع للتدخين ولا كأنه سمع اي شي
القنبله ان وجدت ان ابني البالغ من العمر اربعه عشر عام مدخن كذلك...شافه اخي الي اكبر منه بالصدفه واخبر ابوه...ابوه انصدم...طبعا انا ما كذبت خبر...قلت له البركه فيك....انت القدوه في كل شي...لازم بيسوي مثلك...ابوه كلمه ونصحه وزعل عليه...وحسسه انه سوى شي لا يغتفر وجريمه كبيره....وقال الولد انها اول وآخر مره....
معلومات عن ابني...هو الولد الثاني...اخوه اكبر منه متفوق في دراسته وعاقل...اصغر منه ولد ومشي حاله في الدراسه....بعدين ثلاث بنات....
ابني...عنده مشكله دراسيه...كسلان الله يهديه ويصلحه...لكن اجتماعي...وله اصدقاءه من ابناء عمومته الي ظاهريا نعتقد انهم زينين...بس الله اعلم بخافي الامور.....ونحن نعامل على انه كبير ونمدحه...وموفرين له كل شي نقدر عليه تقريبا...
للعلم...زوجي لا يدخن امامي او امام ابنائهم....بس الريحه لا تخفى على احد....ونحن نحاول جاهدين نوفر لهم افضل حياه على قدر استطاعتنا...في كل مجالات الحياه...والحمد لله
زوجي انصدم....قرر انه لازم يلازم ابنه في كل شي...يعني عشان يسحبه شيء فشيئ من اصدقاء السوء....كما يعتقد...طبعا الولد كان في البدايه متضايق...بعدين صار عادي عنده
زوجي سافر خارج الدوله للعيد وراد ان شاء الله يوم الجمعه...
فيه عاده لدي...أفتش اغراض عيالي من فتره إلى اخرى...يعني للحذر فقط....وجدت في جاكيت قديم في دولابه...عده التدخين...اخذتها...واخفيت الجاكيت...عشان لو سأل عن الجاكيت معناه انه لازال يدخن...واذا لم يسأل يعني الاغراض موجوده من زمان وبس
صبح الصبح...دور عن الجاكيت ...سألني قلت له جت وحده فقيره الصبح وعطيتها الجاكيت....سألته ليش كنت تريد الجاكيت...قال لا خلاص..!!!!!!
المهم.....انا ما استحملت بصراحه...رحت وياه نتمشى. شوي حول بيتنا....وقلت له اني وجدت اغراض التدخين...واني اريد اسمع منه كلام صريح وبدون كذب...لاني انا امه واعرف كل شي....عشان ما يحاول يكذب
قال انه يدخن من سنتين....(غريبه كيف محد كشفه!!! يمكن صادق او يكذب ان شاء الله...الله أعلم)....وانه يسوي مثل ابوه...قلت له ليش؟؟ قال بس!...ما عنده رد
شرحت له مخاطر التدخين وذكرته بأشخاص نعرفهم ماتوا وشرحت له ان سبب وفاتهم كانت التدخين...وان فلان اسنانه صفرا...و...و.... (صفات مب حلوه) لانه كان يدخن...وان فلان كل حد ما يحبه لانه يدخن...وان فلان كان يتعالج في الخارج لانه كان مدخن....الخ
وقلت له ان ابوه خلاص ما بيرجع البيت لاننا تزاعلنا وهو السبب...وكبرت له هالموضوع وايد
طبعا....يمكن يكون صادق او كذاب ...هو وعدني انه ما عاد يدخن...واعتذر...بس محد يضمنه...يقدر يسوي اي شي يريده من ورانا....بس متأثر ان ابوه خلاص ما بيرجع البيت
الحين ساس المشكله الاب....كل اتعامل وياه؟؟ اسوي الامر عادي...ولا استغل هالمشكله عشان اسويها مشكله كبيره مع زوجي ويترك هو التدخين...علما ان زوجي متأثر جدا ويعتقد ان كل الي بناه عشان مستقبل عياله وصحتهم وحياتهم وانه يطمح انها تكون الافضل تدمرت بسبب غلطة ولده وتدخينه...وخايف طبعا من الي جاي....
ولدي كيف اعرف انه يدخن ولا لا؟؟؟ هذي اكبر مشكله
ولدي يخاف من خواله...ويسوي لهم الف مليون حساب....شو رأيكم ادز احد فيهم في السالفه؟؟؟ ولا اخلي السالفه داخليه وبس وبلا فضايح
جزاكم الله خير وبارك فيكم...والله يبعد السوء عن عيالكم ويهديهم وينفع الاسلام بهم....
ظبيانيه @thbyanyh
عضوة نشيطة
يلزم عليك تسجيل الدخول أولًا لكتابة تعليق.
عزيزتي انتوا ماشاء الله ماشيين في الطريق الصحيح والتوجيه السليم..أبارك لكم هذا الأسلوب الهادي والعقلاني الله يثبتكم ويزيدكم...
انتي قبل لا تطلعي المشكلة لأخوانك أستني عليه..عشان بعدين لا يحس انك مو واثقة فيه فخلاص تصير مو فارقة معاه وبيدخن لأنك ما أعطيتي الثقة ولا وثقتي في كلمته لما قلك خلاص بيخلي التدخين..
لو استمر هذيك الساعة اطلبي من خاله..وحاولي مثلا تقولي لزوجك يكلم المدرسة يسووا حملة توعية ضد الدخان لأن شبابنا في أمس الحاجة لها خاصة المراهقين..يعني مثلا يقول للمدرسة المشكلة منتشرة والأهل لوحدهم ما يقدروا على التوجيه الا مع المدرسة اللي يقضوا فيها ثلاثة أرباع وقتهم..
وبما أنه أخوه الأكبر منه ماشاء الله متزن وعاقل خلاص هنا مربط الفرس..شجعيه يعمق علاقته بأخوه..قوله هذا هو الوقت اللي تصير قلوبكم وحدة وتساعدوا بعض..خليه ياخذه معاه في طلعاته ويروحوا مع بعض ويتمشوا مع بعض وفي البيت يجتمعوا ويتسلوا..يصير ولدك الثاني يحس انه محاط باهتمام ومحبة هذيك الساعة يبطل التدخين اللي بالأساس لجأله لسبب غامض..قد يكون افتقاره للاهتمام أو شعوره بالنقص الدراسي أو أسباب أخرى الله أعلم
ادعي الله وحاولي انت وزوجك تتفقوا بدل الاختلاف لأنه وقت أزمات الأبناء..مافي شي يحلها الا اتحاد الوالدين..والا صار كل واحد في طريق لا قدر الله
تمنياتي لكم بالتوفيق
انتي قبل لا تطلعي المشكلة لأخوانك أستني عليه..عشان بعدين لا يحس انك مو واثقة فيه فخلاص تصير مو فارقة معاه وبيدخن لأنك ما أعطيتي الثقة ولا وثقتي في كلمته لما قلك خلاص بيخلي التدخين..
لو استمر هذيك الساعة اطلبي من خاله..وحاولي مثلا تقولي لزوجك يكلم المدرسة يسووا حملة توعية ضد الدخان لأن شبابنا في أمس الحاجة لها خاصة المراهقين..يعني مثلا يقول للمدرسة المشكلة منتشرة والأهل لوحدهم ما يقدروا على التوجيه الا مع المدرسة اللي يقضوا فيها ثلاثة أرباع وقتهم..
وبما أنه أخوه الأكبر منه ماشاء الله متزن وعاقل خلاص هنا مربط الفرس..شجعيه يعمق علاقته بأخوه..قوله هذا هو الوقت اللي تصير قلوبكم وحدة وتساعدوا بعض..خليه ياخذه معاه في طلعاته ويروحوا مع بعض ويتمشوا مع بعض وفي البيت يجتمعوا ويتسلوا..يصير ولدك الثاني يحس انه محاط باهتمام ومحبة هذيك الساعة يبطل التدخين اللي بالأساس لجأله لسبب غامض..قد يكون افتقاره للاهتمام أو شعوره بالنقص الدراسي أو أسباب أخرى الله أعلم
ادعي الله وحاولي انت وزوجك تتفقوا بدل الاختلاف لأنه وقت أزمات الأبناء..مافي شي يحلها الا اتحاد الوالدين..والا صار كل واحد في طريق لا قدر الله
تمنياتي لكم بالتوفيق
ظبيانيه
•
الاخت LUMEE والله انك صادقه الدعاء واللجوء الى الله هو الاساس....وان شاء الله ربي يصلحه ويصلح جميع عيال المسلمين وينفع الاسلام بهم
الاخت **بشايـــــــر** جزاك الله خير على الاظافه والنصيحه....بس تبدأ المدراس بروح لهم ان شاء الله....فيه مشكله ان الاولاد في المدراس من اعمال مختلفه ...يعني من الصف السادس الى الصف الثالث الاعدادي....وشي فيهم الي تحسين فيهم لازال طفل...والي عقله كبير...والي ينقص عليهم بسهوله....ومشكله بعد المدرسين مالهم على مشاكل الطلاب ولا متبنين الطلاب ويراعونهم...لا كل مدرس يخلص منهجه وللباب...بعني اذكر لما كنا طالبات فيه مدرسات نتعلق فيهم ونحس انهم قريبات منا...واذا وحده قصرت من الطالبات...تاخذها المدرسه على جنب وتكلمها وتنصحها بأسلوب لطيف....تخلي البنت تتحمس انها ترضي بطريقه او اخرى مدرستها....عند الاولاد ما اعتقد هالشي موجود
اخوه الكبير بحاول معاه...مع اني متأكده اني ما بفلح وياه...الولد الكبير بيتوتي....يعني غالبا ما يطلع من البيت....لاصق في السوني الي قدامه وكل يوم يخلص له لعبه...كأنه في سباق مع شركة سوني يخلص الالعاب قبل لا يطرحون شي يديد.
بعد فرق العمر بينهم ثلاث سنوات...تقريبا شوي كبير بالنسبه للاولاد....بس بعدين اقول بحاول مع الكبير وببين له ان اخوه في خطر وهو الحل والمنقذ...يعني بخليه يحس انه بيسوي شي خارق وبينقذ اخوه...
انتظر ردود الاخوات الباقيات بارك الله فيكم...
الاخت **بشايـــــــر** جزاك الله خير على الاظافه والنصيحه....بس تبدأ المدراس بروح لهم ان شاء الله....فيه مشكله ان الاولاد في المدراس من اعمال مختلفه ...يعني من الصف السادس الى الصف الثالث الاعدادي....وشي فيهم الي تحسين فيهم لازال طفل...والي عقله كبير...والي ينقص عليهم بسهوله....ومشكله بعد المدرسين مالهم على مشاكل الطلاب ولا متبنين الطلاب ويراعونهم...لا كل مدرس يخلص منهجه وللباب...بعني اذكر لما كنا طالبات فيه مدرسات نتعلق فيهم ونحس انهم قريبات منا...واذا وحده قصرت من الطالبات...تاخذها المدرسه على جنب وتكلمها وتنصحها بأسلوب لطيف....تخلي البنت تتحمس انها ترضي بطريقه او اخرى مدرستها....عند الاولاد ما اعتقد هالشي موجود
اخوه الكبير بحاول معاه...مع اني متأكده اني ما بفلح وياه...الولد الكبير بيتوتي....يعني غالبا ما يطلع من البيت....لاصق في السوني الي قدامه وكل يوم يخلص له لعبه...كأنه في سباق مع شركة سوني يخلص الالعاب قبل لا يطرحون شي يديد.
بعد فرق العمر بينهم ثلاث سنوات...تقريبا شوي كبير بالنسبه للاولاد....بس بعدين اقول بحاول مع الكبير وببين له ان اخوه في خطر وهو الحل والمنقذ...يعني بخليه يحس انه بيسوي شي خارق وبينقذ اخوه...
انتظر ردود الاخوات الباقيات بارك الله فيكم...
السلام عليكم
عزيزتي كان الله في عونك
الموضوع صعب ومو سهل وما راح ينحل بيوم وليلة
لانك تتعاملي مع صبي
تقربي الى الابن وحاولي ان تساليه عن امور دينية
وحاولي ان تزيدي الوازع الديني عند ابنك
ابدئي من الان بتحكيم الدين في كل امور الحياة
لا مانع من اجتماع عائلي وان تتكلمو فيما يضايق كل واحد فيكم
اخبري اولادك انهم امانة تسالين عنها
وان اهم ما يعنيكي ان يتقربو لله في مختلف نواحي الحياة
ولا تبدئي بابنك الاوسط بل ابدئي بالاكبر مثلا او الاصغر
اجلسو وتناقشو ما الشيء الذي يضايقهم منك
وانت كذلك اذكري لكل واحد صفة تتمني ان تزول
يعني لا تشعري هذا الطفل انه الوحيد الذي يخطا وان خطاه فادح فيتعلق اكثر بالتدخين
ليدخل مسابقة مع اخواته في تحسين اخلاقه والتقرب اكثر لله
اتمنى ان اكون افدتك
ووفقك الله
عزيزتي كان الله في عونك
الموضوع صعب ومو سهل وما راح ينحل بيوم وليلة
لانك تتعاملي مع صبي
تقربي الى الابن وحاولي ان تساليه عن امور دينية
وحاولي ان تزيدي الوازع الديني عند ابنك
ابدئي من الان بتحكيم الدين في كل امور الحياة
لا مانع من اجتماع عائلي وان تتكلمو فيما يضايق كل واحد فيكم
اخبري اولادك انهم امانة تسالين عنها
وان اهم ما يعنيكي ان يتقربو لله في مختلف نواحي الحياة
ولا تبدئي بابنك الاوسط بل ابدئي بالاكبر مثلا او الاصغر
اجلسو وتناقشو ما الشيء الذي يضايقهم منك
وانت كذلك اذكري لكل واحد صفة تتمني ان تزول
يعني لا تشعري هذا الطفل انه الوحيد الذي يخطا وان خطاه فادح فيتعلق اكثر بالتدخين
ليدخل مسابقة مع اخواته في تحسين اخلاقه والتقرب اكثر لله
اتمنى ان اكون افدتك
ووفقك الله
ظبيانيه
•
اختي واحة الامل....مشكوره على المرور...وفعلا انا حاسه ان المشكله ما بتنحل بين يوم وليله...وحاسه ان في امور تصير من خلفي...يعني لا طلع براا الله العالم شو يسوي...
شاكره لكم جميعا النصيحه وحفظ لكم ابنائكم وازواجكم واخوانكم وجميع المسلمين من السوء
شاكره لكم جميعا النصيحه وحفظ لكم ابنائكم وازواجكم واخوانكم وجميع المسلمين من السوء
الصفحة الأخيرة
وإن شاء الله البنات ماراح يقصرون معاكي .