أول سنه عندك ولد أوبنت يدرس أدخلي وسولفي معي ....

يا حليلك خليها تروح ما عليها الا العافيه
بنتي تمهيدي العام
اذكر كان ودي اقعد بالحوش استناها اخاف ما اسمع الجرس ولا اتاخر ما افتح لها
وهي مطنشتني مستانسه ما ودها تجي:42:

كانك تتكلمين عني عايشه يومي خوف وقلق وما انام من الفجر حتى يرجع ولدي
السنه اللي فاتت سجلته تمهيدي روضه اول اسبوع خايفه لكن اللي طمني اني اذا بغيت رحت له وسئلت عليه واكلمهم بالتلفون لكن هالسنه غير قام بالمهمه عني زوجي
تخيلي ولدي ما يعرف احد بالمدرسه وهذا اللي مقلقني لكن اذا طلع للباص اقول دعاء (استودعتك الله الذي لا تضيع ودائعه ) وارتاح والله يحفظه يارب ويخليه لي

تخيلي هو وحيدي علشان كذا كل تفكير عليه وهو اشوي خواف يقول البوه امس اللي هو اول يوم ليش تخليني يا بابه في المدرسه لحالي ترى بغيت ابكي
ما درى اني انا اودعه والدمعه في عيني لكن الله يعدي ها لمرحله على خير

وياليت اللي عندها خبره في هذا الموضوع تفيدنا فيها
كيف يابنات احببه في كتبه ومذاكرته لاني احسه لعاب مره وما يهتم

والف شكر على الموضوع الرائع خليتيني افضفض مع الصبح

يابعد عمري ياأم خزامى

ماألومك كان ودك تقعدين بالحوش

أنا ودي أقعد عند باب الشارع أنتظرها ..

تصدقين مابغيت أصحيها من النوم رحمتها والله

الله يحفظها ويحفظ بنات المسلمين ..

جود حبيبتي الله يخليلك ولدك

وجزاك الله خير على التذكير بالدعاء ..مشكلت الرجال عادي عندهم

مايهمهم إذا دخلوهم بالمدرسه المشكله قلوبنا يالأمهات ماتصبر لازم الوحده منا تجيها الوساويس ..

والله يعينك ويعيني ..:)

يا سبحان الله يا اختي الجود كنت اظن نفسي انا لحالي و لدي هو بس لعاب تطلع في احد ذيه!!!!

انا كمان ولدي الوحيد هذا السنه اولي ابتدائي فعلا احس قلبي بيطير من محله انا تخيلو من قبل المدرسه بشهر وانا في حاله لا انام وبس افكر كيف حيروح مع ابوه كيف انا اجلس في البيت بس افكر والمشكله ان ولدي خواف جدا واذا اي احد صرخ يخاف وما يحب الشخص الى صرخ كل شويه اقول كيف اذاكر له كيف احببه في المذاكرة يا الله ربي يعلم كيف حالي

لما كان تمهيدي انا كنت اروح اخذه للمدرسه وكل شويه اتصل على المعلمه بس هذه السنه غير استاذ يارب يطلع ابن حلال ويحب الاطفال ويعلمهم بامانه يارب

ادعو يارب يحببهم في المدرسه والمذاكرة ويصلح حالهم ويهديهم