السلام عليكم
أختي دمعه وحزن أنا لما تكلمت عن الخوف من المستقبل ليش على طول فكرتي بالجانب المادي ... أنا أقصد الخوف من ان لاسمح الله اقرب الناس لج يتغيرون مثل ماصار معاها ولا المادة مو مهمه خصوصا اذا كنت بين ناس يخافون من الله

وبعدين لما تقولين ان الكويتيين تاخذهم الحميه على ديرتهم
هل قلنا أنه لايوجد فقراء في الكويت ...... نعم يوجد ويوجد ان شاء الله من يساعدهم
وبعدين في المقال قالت الأخت أنها عملت فراشة في مدرسة لكن الحين محد بمدارس الكويت يقول فراشة ..... يسمونها( منفذة خدمة ) ووايد كويتيات يشتغلون هالشغلة وخصوصا اللي ماعندها شهادة ومتزوجة خليجي أوبدون وتقدر تكمل دراستها وهي تشتغل وأنا أعرف وحده كانت عندنا بالمدرسة منفذة خدمةكملت الثانوية العامة ودخلت معهد السكرتارية ... ومعاشهم اعتقد قريب 150 دينار وهذي تقول ان يوميتها 5 دنانير يعني بالشهر كم يطلعلها اذا كل يوم تشتغل ( صج مدرسة رياضيات :21:)
وبعدين الشغل مو عيب ولاحرام مادام انها توكل عيالها لقمه بالحلال

كلمة أخيرة احنا موقاعدين نمدح بديرتنا ترى الكويت مساحتها وايد صغيرة تفرينها بالسيارة بساعتين :42: ومافي شي يتخبى وأي سالفه ممكن تنتشر بسرعة علشان جذي احنا مو مستوعبين السالفة
مرة ثانية مشكورة اختي دمعه وحزن وان شاء الله الله يوفقج ويحفظ لك زوجك وأولادك ويطرح فيهم البركه آمين


البرتقال تقول الكويتيين ماخذتهم الحمية ويكذبون ما أقول الا ( الله أكبر... حسبي الله ونعم الوكيل )

الحمد لله على الخير والنعمة فى بلادنا .. الله يديم الكويت الغالية علينا .. نحبها ونموت فيها .. والمسكينة اللى اشتغلت خادمة لها ظروف خاصة الله يعينها . ومو عيب تعمل وتساعد أختها وتأخذ منها مساعدة ، بس ما تسميها أختها خادمة ..

وكانت والدتى تحكى لى قصصا كثيرة وقالت لى قبل سنتين : " ان مربيتك توفت ونود الذهاب للتعزية عند أولادها " فقلت لها ومن هى مربيتى قالت : كانت جارتنا امرأة لديها بعض الظروف الاجتماعية الصعبة وبعض الديون .. عرضت علينا تربية الأطفال ، فساعدناها وكانت تحملك على كتفها وتهتم بك فأكرمناها لدينا بالمنزل لمدة عام وكانت تأخذ راتبا شهريا ..

وهذه الظاهرة كانت بالكويت منتشرة بالستينيات والآن تلاشت تماما .. فالناس للناس دوما .. وخاصة أهل الكويت
محبون لبعضهم جدا .. جدا ..

أما تلك المجلات التى تحكى قصصا غير واقعية كمجلة الحوادث والناس والجريمة .. هى لجذب القرآء وشراء المجلة فقط .. ونحن نعلم ذلك .. لأنها مجلات فى قصصها غير واقعية شيئا ما ....

هذا .. وقد اقتضى التنويه .. والسلام .. ختام :26:

ليش مستغربين !!!

اصلآ الجرايد السعوديه كتبت من فتره عن مجموعة البنات السعوديات الي قرروا يشتغلون في البيوت بسبب الفقر ..

ومن ايام الطفره وقبل حرب الخليج كان فيه عوايل ما يلاقون الخبز يأكلونه ..

يعني في كل ديره فيها الفقراء المعدمين ..

والله ما ينسى عبده .. وياما نسمع عن ها الحريم الي مترملات ولا مطلقات ويشتغلون شغله يالله تدخل عليهم

20 او30 ريال انا اعرف وحده تصلح قرص خمير الصينيه الكامله 30 ريال !!!! والله لو تشفون يدها انها

محرقه في كل مكان بس علشان تنسترهي وعيالها واهل الخير يعرفون انها محتاجه ويعطونها اكثر من 30 ريال

بس اسم انها ما ذلت نفسها وقالت عطوني ..

وبعدين اغلب عوايل دول الخليج مرتاحين ماديآ وكل المحيطين بهم مثلهم فيتخيلون انه ما فيه

فقر ..

لكن الي يسأل عن الفقراء ويتفقد احوالهم والله ليشوف ويسمع شي يشيب رأسه ..

لكن ما انقول الا الله يرزقنا شكر النعمه ولا يغير علينا ..

..