أول عيد بدون أخوي وحزن أمي ، ايش اسوي عشان اخفف عليها

السلام عليكم ورحمة الله وبركاته

بنات انصحوني ايش اسوي مع امي

امس المغرب قلت لها ما شريت اكسسوارات وجزمة الله يكرمكم للعيد

راحت قالت لي / لك نفس تلبسي وأخوك توه متوفي

اخوي متوفي من 4 شهور ونصف تقريبا

امي شاريه لها ثوب قطني اكمامه طويله لونه عنابي أو عودي مع وردي مالبسته بتخليه حق العيد

قلت لها يمه ما يصير كذا تلبسي هاللبس لأنها صغيره بالسن عمرها 43 تقريبا

بس رافضة تقول مالي نفس البس بعد وفاة اخوك

وعلى قولها ما بتحط إلا كحل وروج خفيف جدا

وهي شبابية عادة تتمكيج وتصبغ شعرها من فتره لفتره

وتتدلع بلبسها حتى كثير اللي يشوفها يعطوها اصغر من عمرها

بس حاز بخاطري تصرف امي ونفس الشيء امي كلامها حز بخاطري لما قالت لك نفس تلبسي وتتزيني واخوك توه متوفي

رحت قلت لها الحمدلله على نعمة النسيان أنا ما أقصد الحمدلله على نعمة النسيان يعني إني نسيت أخوي اعوذ بالله
أنا قصدت إني يوم عن يوم بديت أنسى الحزن
وبديت أرتب ببالي لقاء مع أخوي بالجنة بإذن الله ، واتصدق عنه وادعي له ما أنساه من دعائي له أو صدقاتي وما أنسى ذكرياتي معاه

راحت عصبت علي وهاوشتني حسستني إن قلبي حجر وإن المتوفي ما يقرب لي :(

بعدين وضحت لها ايش قصدي من كلمتي الحمدلله على نعمة النسيان والأمور مرت تمام

بس برضو أمي والله العظيم تركتها قبل ساعة ونصف تقريبا وهي على فراشها تبكي على أخوي :(

أبي كلام يخفف عليها