أول فطور سويتيه لزوجك .. تذكرينه ؟

السلام عليكم ورحمة الله وبركاته 







اليوم أول فطور أسويه لزوجي في أول سنة زواج لأن رمضان اللي فات كنا في بداية زواجنا وكنت عند أهله وما أطبخ 

أنا حاليا ماني في بيتي ، عند أهلي لأني في شهري الأخير لكن حبيت أول يوم أنا أسوي الفطور بنفسي ، أهلي قد شافوا وذاقوا من أكلي وطريقتي في رمضان لكن زوجي لا فحبيت أوريه شغلي ويكون أول يوم فطور من يدي وحيجي يفطر معانا 

لفيت السمبوسة من أمس ، وعملت السلطات ، ولفيت عجينة ''البف باستري'' سويت بريك بالجبن 

وحسوي سلطة ثانية بالزبادي لأن أخواني يحبوها 

الحلى تخصص أختي حخليها تقوم وتسوي أي شيء أو أي طبق ثاني 

والعصير فيمتو أكيد والحمد لله إنه يعشق العصير هذا من يدي

وبعد الفطور الاول يعني بعد مايرجعوا من صلاة المغرب حطلع
الشوربة والشاي ، والشوربة تعتبر أول مرة أسويها  وأخذت طريقتها من النت 

هذا فطوري الاول ان شاء الله 

والله يتمم هذا اليوم وأقدر أسوي فيه وأجهز كل اللي في بالي 

تعرفوا وضع الحامل ماينضمن وضعها أبدا 






يلا كل وحدة تفتكر وتقلنا ايش كان فطورها الاول ؟؟!

اللهم اغفر لنا فيه يارب