أول ليلة من الزواج

السلام عليكم أخواتي الغاليات
اليوم حبيت إني أطرح موضوع جديد
عشان أخواتنا المقبلات على الزواج
مايخافون من أول ليلة من زواجهم
وياليت كل وحده تحط أهم الأحداث في ليلتها
يعني أحداث مضحكه أو عادية أو محزنه
وأنا ببدأ بنفسي
يوم زواجي أمي وخالاتي وخواتي وعدوني يزفوني
لين الفندق المهم يوم طلعت من صالة العرس
بيزفوني إلا أمي وخواتي و خالاتي نقعو فيه النذاله
وأنا لو شفتو الخوووف إلي ياني ماقدرة أشل ريلي
من الأرض المهم طلعت من الصاله وأنا مبوزه شبر
والريال عدالي يبا يطالع شو حالتية هل أنا مبوزه
أو ممشيه حالي المهم ماشل عينه عني تقول واحد مستقطع
المهم
دخلنا الغرفة وانا عينكم ما تشوف إلا النور ميته من الخوف
قام الحبيب وقعد على الكرسي وقالي مبروك يا أحلى بنت بهالوجود
قلتله الله يبارك فيك
وقالي فيه لج 5 هدايا في هالغرفة دوري عليها
والله أقولكم أنا ماصدقت خبر نسيت سالفة أمي
وبقيت الشلة قمت أدور وأدور وأدور
والأحلى من هذا كله إني كنت أدور بفسان العرس والفستان كان ثقيل
وأنا أسحبله من مكان لمكان وأماكن الهدايا الله لا يراويكم
تحت السرير في الكبت
والريال حسيت أنه بينقع من الضحك عليه

وأنا قولو جمعه الهدايا كلها ملقوفه خخخخخ وجافني الريال لفرحانه
ومبسطة جان يقولي زين أنهم مايو معانا وخلينا ليلتنا كلها ضحك في ضحك
وفي إنتظار مشاركاتكم
أمانه كل وحده تدش تكتب
والأمانه مسؤوله منها ليوم الدين