أول مره أحط مشكله وكلي أمل بآرائكم اتمنى ماتبخلون علي

والله يا أختي مدري شقولج اذا كنتي متضايقة وهومتضايق
لاتبينين له انج متضايقة وخلي روحج رياضية معاه وقولي له هذا اختبار دنيا وقولي له : عادي ماصار شي واذا رسبت انقلبت الدنيا .

يعني حسسيه انه معطي الامر اكبر من حجمه وهذا شي ما يسوى وارفعي من معنوياته.

لا تحزنين معاه انتبهي ترى بيحس بعدين بالفشل والضعف وبتشين نفسه ويكره حتى نفسه واحتمال يأثر حتى على ارتباطكم بيني له انه ماكو شي بالدنيا يسوى يضيق على شانه.
والله يسهل عليج وعليه.

و الله انا اقول ان المفروض انج ما تتعاطفين وياه (بهالطريقه الخاطئه) بأنج حطين نفسج بمكانه ..
و تحزنين .. و بدال ما تكون نفسيه واحد فيكم محطمه بتكون نفسيتكم انتوا الاثنين ..

دراسات عليا و شنو يعني؟ :o

الحياة كلها علم ..
يمكن يكون اختبار من ربج له ..!!؟؟
يمكن ربج يبي يرزقه علم أكثر من اللي تعلمه اهو ..!؟؟
يمكن ربج مدّخر له شيء احسن و افضل من اللي كان مخطط له ؟؟؟


قوي ايمانه بكلامج له

و وعيه و خيريه و اهم شيء انج تقوليله هالكلمه اللي بقولج اياهااااا ..

لو ان الانسان تخيّــر بين الطريق(اللي الله كاتبه له)و بين الطريق(اللي اهو يبيه)
(لو كان هالأمر مو في علم الغيب طبعا) ثقي عزيزتي بأن الانسان راح يختار الطريق
اللي رب العالمين اختاره له .. و الخيره فيما اختاره الله ..


و ارد و اكرر انج لازم تشجعينه و تقولين له : لو انك طموح بالفعل و عارف طريق النجاح
كان أدركت ان الفشل اهو اول النجاح .. و ان عمر الطموح ما بيوقف عند المشاكل اللي بتواجهها ..
و مافي شيء يجي بالساهل
اللي يجي بسرعه و بساطه بيروح بسررررررعه و بساطه.....
انتي لازم ما تتعاطفين معاه بالطريقه الخطأ
(ما تحطين نفسج مكانه و تتحسرين ابداااا ابدا و لا تحاولين تحسسينه بهالشيء)
لالالا انتي المفروض تكونين السكن و الراحه له و مركز الاستقرار النفسي
......
أتمنى أكون فدتج بشيء ..
لي عوده اذا احتاج الامر الى تلك العوده

صح انا اتفق معاهم عادي قول لي الحمد لله على كل شي ولكل جواد كبوة وراح ان شاالله يعوضها في المستقبل

السلام عليكم ورحمة الله وبركاته .


ـــــــــــــــــــــــــــــــــ

عزيزتي : يسمة ملاك


اولا وقبل كل شيئ ..
قولي الحمدالله .. لو أطلعتم على الغيب لاخترتم الواقع ..
يمكن هذا خير وصلاح لكي وله .. ولاتسألين كيف
لان هذا وحده بيد ربي .. ربي له حكمه في ذلك أخفاها عنا من رحمة ربي فينا ..
قال الله سبحانه وتعالى ( َعَسَى أَن تَكْرَهُواْ شَيْئاً وَهُوَ خَيْرٌ لَّكُمْ
وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ )
صدق الله العظيم .


ثاني حاجة ..
لاتعترفين ان هناك شي اسمه فشل .. هناك تجارب وكل تجربة
نطلع منها بدرس وعبرة وفائدة وربح .. سمعتي من قبل ان الفشل مدرسة؟! ولاأنا .
وثقي تماما ان الفشل يكتف العقل عن التفكير ويقيد القدم بسلاسل الاحباط
والعجز .. وهولو عنده مثقال ذرة من احساسه بالفشل بيتقدم خطوة للأمام
وعشرة للخلف .. وفي مقوله : حتى ولو كانت شعرة فلها ظل ..


ثالث حاجة :
هذي اول عاصفة تهب عليكم ..
داري على شمعتكم حتى تمر العاصفة بهدوء وسلام ..
علميه ..
ان ينحني شوي للعواصف عشان ماينكسر .. كيف ؟؟
يعني الحياة تبي مرونة شوي ومطاطية .. لو تم قاسي وصلب
مع الحياة بيتعب .. يعني اغلق باب في 100 باب مفتوح ..




مضمون الكلام ..
خليه يشوف الجانب المشرق من التجربة ..
شوفي الشمس يوم تغيب عن جانب فهي تشرق في الجانب الاخر من الارض ..
علميه كيف يبتدي وعينه على النهاية ..
علميه كيف يتحدى نفسه ..

ـــــــــــــ

احترامي .

وعليكم السلام ورحمة الله

احب ابارك لك اختي يسمة ملاك والله يوفقكم على الخير

انا اقترح انك تحاولين تخلقين جو ترفيهي يخفف من صدمة الفشل اللي حصلت

وربي بيوفقك باذن الله