ياحبيبتي ياديانا الله يجزاك خيرو يوفقك ربي تتكلمين قصيمي اكيد فيه عرق منا والا من الله يجزاك خير على نصايحك
"بجامات القطنيه الداخليه لس ولبنتس" *ممكن توضحين اكثر*
اختي يعني تقصدين البجامات اعاديه اللي نلبسها للنوم او قصدك اللي تكون تحت الملابس !!؟؟
والبخور والفحم والمبخره بعد رايك مايدقرون لنا بالمطار ؟وش رايكم
يعني رايك اجيب معي مكياجي وخرابيطي وكم طقم بلايز وتنانير واكسسوار ..؟؟
يالله انا بالأنتظار اي شيء تتذكرينه قوليه جزاك الله خير تراني بحاجه لأي شيء لو بأدق الأشياء لوشيء سخيف بالنسبه لكم عاد قولو لاتستحون ..

على فكره اي وحده تدخل وهي بنفس الولايه اللي انافيها لاتنسى تقولي علشان نكون علاقه من اللحين >>>>>الله يعينكم لصقه :D

لاولله ياعمري ماني قصيميه انارياضيه من الرياض ولا هانو القصيميت ونعم فيهم
وانا اقصد البجايم الي تحت الملابس ولا البجامات العاديه هين فيه منها( قومه واقعده)

والبخور لا مايقولون فيه شي ابد اطمئني ولا حتى الفحم انا اخذه من العربيه للعود وش زينه
وايه جيبي معك ماكياجك اذا تستخدمين شي من ماركة نيناريتشي ترى ماعندهم الله يقطعهم
وزي ماقلتلس جيبي معس شويه ملابس حلوه

وبقولس شي اذا ابالس تحملين جيبي ادوية النفاس اكيد تعرفينها
لاني انا صار فيني منكح حملت وماكانت عامله حسابي وتبهذلت وشفت الشين
مع ان اهلي ماقصرو ارسلولي بس تعرفين مومثل لاالوحده تقضت لنفسها بنفسها



وابي منس تدعيلي نرجع لديرتنا باسلامه

والله يوفقك وسهل اموركم

البنات مشالله ماقصروا
واهم شي زي ماقالت DAINH 2007 ادويه الدوره الخاصه فيك

اذا انتي راعيه حلويات
جيبي معاك سميد خخخخخخخخخخخخخخخخخخ

<<<<<<<<<<<<<< جالسه تسوي بسبوسه بس الريحه ماتشجع حتى اني اطل عليها
وجلاتين وجيلي وقشطه وفانيلا مع انها موجوده بالمحلات العربيه بس مدري احس شي السعوديه طعمه غييير
ومعمول تمر جاهز اذا تحبينه
انا مو راعيه حلا بس من الفضاوه صايره احوس بركن الحلويات هاليومين
وايه صح جرررررريش
ومرقوق (مطازيز)
وعجينه سمبوسه
احب اخذ خلطات بهارات جاهزه
زي بهار السمك وبهار الكبسه وبهار الكشنه
مع ان بهاراتهم هنا خطيره .. بس احيانا اشتاق لطعم اكلاتنا

واي شي للبيت واشياء كهربائيه لاتجيبين كل شي بامريكا موجود
<<<<<<<<<<<< بكندا بس داخله لقافه

ساندويش تونه ايش اخبارك ..بعد اذن صاحبه الموضوع
قماش العبايه اخذ الجينز والاقمشه المخططه حقت المرايل ولا ايش رايك ؟؟؟

عندي سؤال هل البن المطحون و الهيل و البهارات المطحون مسموح بدخولهم
لأنه حسب ماسمعت ان موظفين الجمارك بيعملوا عليها مشاكل
وشكرا