السلام عليكم
بالبداية أنا عضوه جديدة وأنا متابعة للمنتدى الرائع من زمان والحمد لله قدرت أسجل وانضم لكم :)
المعذره على العنوان لكن عندي مشكلة لصديقتي أحب أطرحها وأستفيد من خبراتكم ورفضت إلا يكون العنوان كذا وهي :
تقول أخوي أصغر مني عمره 23 سنة وبعد كم شهر بيكمل 24 طلب من الوالدة البحث له عن زوجة وهنا بدأت المشكلة ، أخوي انسان حساس وعاطفي بدرجة كبيرة ويحب الأطفال كثير وأنا وخواتي وأخواني وحتى بنت أختي اللي عمرها سنتين تردد اسمه دائما وحنا متعلقين فيه مرة ومانقدر نحتمل بعده عنا ، المهم حنا في القصيم وهو يعمل في أحد الشركات الكبيرة بالرياض وماتتخيلون قد ايش نفرح لما تجي عطله نهاية الأسبوع ويجي لنا كأنه أب لنا مع أن الوالد موجود الله يحفظه يحل مشاكلنا ومتحملنا ويحب يفرحنا بأي وسيلة وسبحان الله ربي معطيه على قد نيته وفاتح عليه الدنيا بسبب أنه يحب يساعدنا دائماً بمبالغ أحياناً كبيرة ومايسأل عنها ، حصل لي موقف معه كان قبل كم يوم عندنا وبصراحة هو اللي خلاني أتاثر : كان الجوال معي وجته رسالة أعطيته الجوال وفتح الرسالة حسيت الولد تغير المهم سوى نفسه عادي وابتسم لما طلع أخذت الجوال وقريت الرسالة كانت ( السلام عليكم ... نبارك لـ فلان ... بمناسبة المولوده ..) لأحد أصدقائه بنفس عمره تقريباً ، المشكلة لنا فترة تقريباً 9 شهور واحنا نبحث والرد كان الرفض بسبب عمله في الرياض وهو مايبي الا من القصيم على الرغم أنه والله كذا واحد من أقاربي أهدوا بناتهم له وكان رافض بسبب أن أمي ماتبي القرابة وهو بيرضيها وحتى بعمله وآخر واحد أحد أصدقاء أبوي كلمه وحتى كلم أبوي وهو رفض قال أبيكم تكونون تعرفون البنت وطريقة تفكيرها أو على الأقل تقدرون تسألون أحد يعرفها
ساعدوني ودلوني الله يجزاكم خير ايش الحل من جهة أننا متعلقين فيه ومن جهة كيف نبحث له يمكن طريقتنا غلط ؟؟؟
سراب ! @srab_62
عضوة جديدة
يلزم عليك تسجيل الدخول أولًا لكتابة تعليق.
حقق حلمي ياقادر
•
الله يرزقه ويعطيه على نيته الطيبه ويفرحكم فيه ااااااااااامين
عادي الي تشوفون فيها المواصفات الي يبها ...وتكونون تعرفون
اخلاقهااا افضل وطريقة تفكيرها باختصار انتم الي عليكم سووه ...
وصدقيني اذا ربي سهل الامور بتسهل ...وبنسبة تعلقكم باخوكم
عادي كل الناااس متعلقنين بعيالهم...وانتم اهله مراح يتغير عليكم
الا انه ينشغل شوي وادعو له بالزوجه الصالحه .....
اخلاقهااا افضل وطريقة تفكيرها باختصار انتم الي عليكم سووه ...
وصدقيني اذا ربي سهل الامور بتسهل ...وبنسبة تعلقكم باخوكم
عادي كل الناااس متعلقنين بعيالهم...وانتم اهله مراح يتغير عليكم
الا انه ينشغل شوي وادعو له بالزوجه الصالحه .....
اختي مبين عليه اخوك محترم
الله يحفظه
واذا على قولتكم هو ملزم يبي قصيميه ياكثر القصيميات اللي يتمنن العيشه بالرياض
تركدوا ودوروا والله يرزقكم ببنت الحلال اللي تقربكم من بعض ماتبعد
اما بنسبه لموضوع تعلقكم فيه خفوا عليه شوي
بكرى اذا تزوج زوجته ماتبي احد يشاركها فيه
تعرفين طبع الحريم وهذا من حقها
حقكم عليه الاحترام وصلة الرحم
بس لو شافتكم مره متعلقين فيه بتشب الغيره بقلبها ويمكن تاثر على حياته
اسأل الله ان يرزقه بالزوجه الصالحه
الله يحفظه
واذا على قولتكم هو ملزم يبي قصيميه ياكثر القصيميات اللي يتمنن العيشه بالرياض
تركدوا ودوروا والله يرزقكم ببنت الحلال اللي تقربكم من بعض ماتبعد
اما بنسبه لموضوع تعلقكم فيه خفوا عليه شوي
بكرى اذا تزوج زوجته ماتبي احد يشاركها فيه
تعرفين طبع الحريم وهذا من حقها
حقكم عليه الاحترام وصلة الرحم
بس لو شافتكم مره متعلقين فيه بتشب الغيره بقلبها ويمكن تاثر على حياته
اسأل الله ان يرزقه بالزوجه الصالحه
الصفحة الأخيرة