أول مشاركة لي مع مشكلتي المحرجة

السلام عليكم و صباحكم ورد يا أخواتي العزيزات
هذي أول مشاركة لي معاكم توني مسجلة و ما
صدقت قبلوا عضويتي و قدرت اكتب هالكلمتين
و أفضفض لكم و أنا في الحقيقة سمعت كثير عن
المنتدى و كنت أقراه باستمرار الى ان سجلت فيه
ياليت أكون ضيفة خفيفة بينكم و تكون بينا المحبة
دائمة و متواصلة و تكونون مثل الخوات افضفض
لكم كل اللي في خاطري من مشاكل و هموم و افكار
تؤرقني و أبحث عن حلول لها ****
خواتي العزيزات مشكلتي محرجة جدا بالنسبة لي
وهالمشكلة مؤثرة علي نفسيا و اجتماعيا كثير
أنا متزوجة من 3 سنين و عندي بنت و زوجي
حنون وطيب القلب وماعندي مشاكل زوجية
الحمدلله لاني ابادل زوجي نفس المعاملة معه
ومع أهله و أوفرله كل اللي يبيه ****
مشكلتي يمكن مرضية أكثر بس ماقدر اراجع طبيبة
لاني خجولة جدا و انطوائية و أحاول اخبي المشكلة
قدر الامكان بأي منتج و بأي شي لكن ماشي فايدة ابدا
لاني ابغي حل جذري مابغي حل وقتي ****
هاي المشكلة بدت معاي من 5 سنين لما بديت اعاني
من نزيف في لثتي و بشكل و هالشي ادى الى ظهور
رائحة كريهة باستمرار ذهبت للدكتور قبل زواجي
مع والدتي لكني استحيت اقوله عندي رائحة كريهة
بس عمل تنظيف و خلاص بلا حبوب بلا سوائل بلا
اي دوا او علاج *****
زوجي ما صارحني أبدا بهالشي مع انه اكيد ملاحظ
و انا احافظ على نظافة اسناني بشكل كبير و اشتري
كل المنتجات و غرغرة و الخ الخ****
و استخدم الرش و كل شي لكن هالاشيا وقتية و انا
اريد حل جذري نهائي فياليت تقولولي شو اسوي
بشو تنصحوني لاني فعلا استحي اروح للطبيبة و اقول
لها ***
الان اكتب و انا خجلانة موت بس شو اسوي مجبورة
لازم الاقي حل ماقدر اصارح غيركم ياليت اللي مرت
بمشكلتي حتى لو على الخاص تكتبلي اي وصفة او
ادوية لهالحالات *****
او اذا كانت دكتورة وعندها خلفية عن الموضوع تقولي
انا محتاجة لكم كثير لان هالشي مؤثر علي نفسيا
و اجتماعيا استويت انطوائية بشكل *****
ربي يجزي كل وحدة تدخل و تحل مشكلتي المرضية
مع الرائحة الكريهة هذي اللي تطلع من الفم باستمرار

أحلى تحية لكم خواتي

أم مريم

:26: