أيام التسدح قدام القناة الأولى
السلام عليكم ورحمة الله وبركاته ,,
المهم انا اليوم سالفتي ياطويلين ويا طويلات العمر عن القناة الأولى
ياحبي لها بالتلفزيون السعودي ايام الطفولة والبراءة
يوم كنت صغير كنت أقوم مع العصافير وأجلس قداام التلفزيون قبل ماتفتح
القناة الأولى اشووف الألوان كانها فوطة الوالد الله يطول بعمره
وبعدها أجلس أغني بصوتي العذب مع السلام الوطني <-----<-----ياعيني
عالوطنيه
بعد السلام الوطني أجلس احتري القــرآن يخلص واذا خلص قلت صدق الله
العظيم <==هذا اللي حافظه
واذا بدا الكرتووون أرووح فيها وافتح هالكشره وماسكرها الا اذا قطعوا
علي الفيلم وقالو الإعلانات التجاريه يرفعوووووووون الضغط
المهم انا اجلس اقلب لي مجلة ماجد الين تخلص هالإعلانات
==============================================
المهم بما اني مدمن افلام كرتون ايام الطفووله ولي ذوقي الخاص
اخترت لكم بعض الافلام اللي حفظتها صم من كثر ما شوفها
الكابتن ماجد
مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله<=== ماشاء الله مصدق
ياخذ بليسه كل ماجيت العب كوره ابتشقلب مثله مايمديني ارفع رجلي الا
واهبد عالارض
والا حركة التوأم منير وأنور هههههههههههههههههههههههههه
بس اللي مشينها اننا عارفين انه فايز فايز بالمباراه حتى لو بأخر ثانيه
يسجل ثلاث اهداف المهم يفوز
بشار (نحول)
اسميه ( بيض عيووون) جابلي الضغط وانا صغير على كبر عيوونه امه تمر
من جنبه ومايشووفها
وانا عاد من زود التحمس اصااااااارخ اقوله امك ياغبي التفت الي يشووفني
يقول يسمعني
والله (90) حلقه وهو يدووووور امه
سالي (حبيبه قلب البنات)
عاد تجيكم سيدة الشاشه الكرتونيه سالي هالبنت قطعت قلبي بس كانت تقهررررني بشي واحد
يهااوشونها وهي ساااكته ويكرفونها وهي منطمه .
هايدي
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان
ياحبي لها هي وبيتر
كلير <--- المشلوله الحمدلله ابشركم مشت
وجدها الشديد <-----<----- بس اخر الايام هجدت شياطينه صار حليل (بس
صوته يروع مرررررره)
عدنان ولينا
هذاا للحين عندي اشرطته من اول شي الى اخر شي
عدنان ذا الي من اول حلقه ماغير لبسه مبهذل واخر حلقه تكشخ وجاب العيد
ههههههههههههههههههههههههههه
والا صديقه عبسي أبو شوشه هاذا عالم ثااااني
ههههههههههههههههههههههههههه
وهو كشته وماغير دايم اصبعه بخشمه
هههههههههههههههههههههه
ولينا ذي الحساسه ياااااااااااي عاد انا اتسدح عندها خصوصا إذا
قالت(عدنان أنقذني يا عدنان)
وعلام الشرير هو وجهه المربع
=================================================
الله يالدنيا الحين كبرنا ماعاد في التلفزيون الا محمد عطيه وهشام
وافلام هنديه وشاروخ خان وفردين خان وتوم كروز وهذا طلع البومه الجديد
وهاذي طلعت فديو كليب كسر الدنيا
الحين القناة الاولى مانقرب حولها (بس انا فيني وطنيه شوي احب اشوف
الاخبار )
ههههههههههههههههههههههههههههه
بس حبيت اعيد ذكريات الماضي <==احلا يالماضي
وايام الطفوله التي لنا انساها ولن انسى ابطالها <=== أقول لا يكثر
منقووول
cach girl @cach_girl
محررة ذهبية
يلزم عليك تسجيل الدخول أولًا لكتابة تعليق.
نـــــجد جده
•
حلـــــــــوه الذذكرياااااااات
zooorq
•
تن تننتن تن تنا تن تننتن تن تنا ))))))))) طبعا هذا قبل تفتح القناه يعني 10 الا ربع
والله الى هالحين الموسيقى ذي براسي
وطبعا نسيتي بنت العز )))))ليدي ((((((((
الي كل فتاة سعوديه تتمنى ان تصبح تلك الانسه الرقيقه الفاتنه ام قرنين
والله الى هالحين الموسيقى ذي براسي
وطبعا نسيتي بنت العز )))))ليدي ((((((((
الي كل فتاة سعوديه تتمنى ان تصبح تلك الانسه الرقيقه الفاتنه ام قرنين
الصفحة الأخيرة