أخواتي هذي رسالة وصلتني من احدى الأخوات هنا فضلت عدم ذكر اسمها
وهي عبارة عن بوح لخواطر أم ضحت وتعبت وربت
لكن في الأخير بما يكافئها ولدها ؟؟!!
تعالوا نقرأ ما جاء في الرسالة :
(( اي نعم
هذي رسالة من أم زوج قلبها يتألم من ولدها الحبيب وزوجته المصون
رسالة حقيقية
من أم الزوج المهضومة اللي كل من يلومها
اللي يريدونها خادمة لهم ولأولادهم
اللي يزورونها وقت حاجتهم لها ويختفون عنها إذا كانوا مبسوطين ويا حريمهم
الأم اللي تعبت وهي تدور لولدها الزوجة اللي تسعده وتريح قلبه
وهو أول شيء يكافئها بنسيانها وقت وناسته مع زوجته
يعرف يهدي زوجته أحسن الهدايا ...لكن أمه !! ما عنده فلوس مسكين !!
زوجته تشتهي ترفه عن نفسها ، يسفرها ، يوديها لأحسن المطاعم ، يحترم أهلها ، يوجبهم ....وأمه ... ماعنده وقت ..ما يعرف ......
وفوق هذا ... أمه تزوجه عشان ترتاح ... وهو يجيب لها الشقا والتعب ..
ماكفاه تعبه وغثاه يومنه طفل .. ويومنه يدرس بالمدرسه ...ويومنه شاب ...
والحين يبغاها خدامه له ولزوجته ...
لا .. ويبيها ملاك ما تزعل
يبيها تحترم زوجته وتربي عياله ...
وإذا أمه بغت منه شيء يتهرب منها بكل طريقة !
لا تقولون أمه خذت حقها وعاشت حياتها
مو كل الأمهات أخذت حقها من قبل
فيه أمهات صرفت كل طاقتها لجل عيالها يرتاحون
وقصرت على نفسها بالمال اللي ما تحصل عليه الا بطلعة الروح عشان هالولد يستانس وينبسط ولا ينقصه شي
ويوم جت الزوجه المصون
تشوف الأم عمرها ستين أو سبعين سنة
وعندها شي حلو
تبي تاخذ كل شيء حلو من بداية حياتها
مادرت كيف هالأم ضحت سنيييييين وصبرت سنييييين وكافحت سنيييييين عشان تحصل شي بسيط يسعدها
كتبت هذي الكلمات لما شفت الإتهامات الموجهة لأم الزوج وكأنها عدو مو أم ...
يقولون ليش بعض الأمهات تزوج ولدها وهي ما تحترم زوجته وتقدرها
طيب أنتي يوم تزوجتي هل كنتي قد الزواج ومسؤولياته ؟
هل قدرتي تريحين أم زوجك وتخففين عليها مسؤولياتها من ولدها زوجك الحبيب والا زدتيها هم وشقى أنتي وزوجك وعيالك ؟
الأم ياعمري ما تتكلم تخاف يزعلون تخاف يقولون ما تبينا
وإذا فيه أمهات يتكلمون
فيه أمهات (أكثر) يتحملون ويحملون أنفسهن فوق طاقتهن عشان عيالهن ما يسيؤون الظن فيهم ...
فهمتي قصدي أيتها الزوجة الحين والا تحتاجين شرح أكثر ؟..))
:44:
الله يحفظها ام زوجي مسكينننة ياما جاها من حريم عيالها
لدرجه القذف في اعراضهم ولكن العيب على الرجال عيب ينقله رجال