أختي سمحيلي حتى احنا الحريم
ما عندنا حل وسط
يعني يإما نهلك نفسنا بالشغل
أو نهمل مره وحده

موشرط اني يوميا اكنس البيت
لا اكنس وانظف السراميك مره في الاسبوع وإذا توسخ شي امسح أول بأول

والغسيل أنا أشوف ثلاث مرات بالأسبوع مره حلو
يوم للملابس البيضاء ويوم للملونه ويوم المناشف والشراشف والزي منه

والكوي مره في الأسبوع أو إذا احتجت
والثياب عند المكوجي

والطبيخ مو لازم اسوي ثلاث وجبات
أنا اشوف وجبتين أفضل والثالثه نطلبها دلفري

والمكياج والتزين صعبه انك تحطي يوميا مكياج
كذا البشره راح تروح فيها
لكن أهم شي يكون الوجه نظيف وشوية كحل على روج وصلى الله وبارك

والجسم بعد ماتخلصي طبيخ تشطفي وبدلي ملابسك
وعشان ترتاحي خصصي لك لبس خاص للطبخ وارتاحي


وووووبس
وإن شاء الله مايفكرووو في غيرنا
وترى ياأختي اللي يبي يتزوج مابيرده شي

مشكورين الجميع على الرد
اختي بساط الريح
( اما الزواج باخرى فهذا ما له علاقه بالدلال فالزوج اذا بغى يتزوج بيتزوج ولو كانت زوجته شايلته على راسها )
صحيح في رجال مايثمر فيهم بس في رجال كثير يتزوجون ولهذا السبب أنا سألت زوجي ليش الرجال يتزوج الثانيه قالي هذا واحنا عرسان ماجبنا عيال قال الرجال بعد سنوات من الحياه يبغي يغير يكون طفش من زوجته والحياة صارة ممله بينهم وتكون هي كبرت عشان كذا يدور على الثانيه قلتله طيب لو كانت هي دائما متجدده وتغير في شكلها ولبسها ومهتمه في زوجها أخر اهتمام يتزوج ؟ قالي أكيد لا . لأنه الرجال ما يبغا دوش الرأس اذا كانت الأولي مريحته وانتهى النقاش بيننا
المهم أنا اتذكر هذا الكلام وحرصت اني أخليه أولى أهتماماتي وأهتم بنفسي وغيرة
وأنا الان ماني قادره أوفق بين هذه الأشياء وأهمل من كل ناحيه شويه ولقيت أن كلامه صحيح 100 % علشان كذا حطيت هذا الموضوع أبغا حلول منطقيه لهذه المشكلة غير الشغاله لأنه رافضها وبشده
اختي اذكري الله
صدقيني ان افضل حل هو احتساب جميع ماتفعله المراه لوجه الله تعالى
وبذلك لن تخسر شيء وييسر الله امرها ويكون المعين لها في كل شيء
كلامك جميل وهذا حل من الحلول
اختي قلب نقي
حلك جميل بس هو اللي نتكلم عنه انو الوحده ما تقدر توفق بين هذه الأشياء
ونسيت الأطفال اللي انت تنظفين وهم يوسخون يعني اذا كنست اليوم بكره ولا كأنك سويت شيء يعني مراح تقدرين تتركين البيت مره في الأسبوع ولا حتى مرتين لازم يوميا
والكلام هذا ما ينطبق على العرسان ولا اللي عندهم طفل طفلين
أنا من وجهة نظري ان ثلاث أطفال وبيت وزوج يدمرون المرأه تدمير
وعلى قول أختي مهاوي كيف لو دخلو المدارس وهذي مسؤوليه جديده

اختي لاتسرع الماء أمانة
والله ياكثر الحريم اللي عندها شغاله أو شغالتين
لكن مع ذلك آخر اهتماماتها ( زوجها)!!!!!

وياكثر الحريم اللي ماعندها شغاله وعندها عيال ووظيفة وبيت ومسؤوليه
ومع ذلك زوجها هو( اول اهتماماتها)

كلامك صحيح بس أنا اتكلم عن الحرمه اللي تبغى زوجها واسرتها وبيتها أول اهتماماتها ولاهي قادره ومن وجهة نظري مستحيل توفق لازم تنقص أكثر من عنصر

انا مادري اسمي شفاف ما ينشاف؟ :angry2:

والله غريبة في اكثر ردودي :huh:

عالاقل انا شفت كلامك و علقت عليه .. يعني ابشرك اسمك ينشاف

لكن الظاهر انا اللي اسمي شفاف ياحلوة الطباع .. : )

المشكله ان صاحبة الموضوع معلقه على مشاركات ناس و تاركه ناس !!

ليش مادري ؟؟؟

حرام عليكم ياحلوة الأطباع ويا شموخ
والله اني قريت كل الردود وردودكم من الردود اللي ما عليها كلام بس أنا لو تلاحظين رديت على العضوات المعارضات للموضوع واللي يقولون انه تقدر توفق بين هذة الأمور
اما اللي تابعو موضوعي ومؤيدين ليه فأسديت لهم الشكر في أول الرد
حاجه ثانيه هذا أول موضوع أنزله فيه نقاش وشكلي ماأعرف كيف الرد على المواضيع
ولا يهمكم المره الجايه راح ارد على الجميع ولا تزعلون علينا