أيش احتاج أخذ معي للحج ؟

تجيني كثير أسئلة حواء أيش احتاج أخذه معي للحج ؟
سواء كنتي أول مرة تروحين الحج او سبق رحتي او حتى سمعتي تجارب الي حولك هذا الموضوع بيفيدك جداً بإذن الله
فجهزي قلم و نوت او سجلي بملاحظات جوالك معي..
١- تحتاجين شنطة ظهر بحيث تحطي فيها الأشياء الي لازم تكون معك طوول الوقت
ليش شنطة ظهر ؟ لإنها أخف حِمل عليك ماتتعب كتوفك من ثقلها بحيث يكون الثقل فيها متوازن ومتوزع
٢- طبعاً سجادة صلاة تحطيها بشنطتك عشان وين ماكنتي تصلين
٣- عباية إضافية لااازم عشان لو توسخت عبايتك معك احتياط و مايحتاج ترجعين الغرفة تبدلين
٤- علبة تحفظ البرودة ٢٤ ساعة تحتاجينها للماء مع الحر العلب العادية بتحتر الموية بسرعه معها لكن العلبة هذي افضضل اختراع بهالوقت مع المشي و التعب لازم تبردي على نفسك سواء بماء بارد او عصيرات طازجة طبيعية أحطها فيها تساعدني ارطب جسمي وانتعش واسترد طاقتي
وممكن نفس العلبة تشترين وحده وتخصصينها للقهوة ابد تعاملينها معاملة الترمس او الزمزية مدري وش تسمونها !
صغيرة وخفيفه وماتاخذ مساحة وتكفييك
٥- حافظة وجبات خفيفة مرره تخدم صراحه احط فيها لي اكل خفيف مكسرات او بسكوت مالح او كوكيز اي شيء احبه خفيف ويسد جوعي فترة المشي ، مرره حلوه كنت حتى اوزع منها على الي حولي و ابسطهم وبنفس الوقت احتسبها صدقة
ميزتها انها خفيفه وتحتفظ بنكهة الأكل وما تسرب هذا اهم شيء
٦- شاحن متنقل ضرووري عشان مايطفأ جوالك بتحتاجيه طول وقتك سواء تقرأين منه الأدعيه او قرآن بدال ماتحطين القرآن بشنطة الظهر ولو احتجتي تتواصلين مع اهلك او زوجك
٧- بطانية خفيفة بالنسبة لي لااازم ماحب انام بأغطية الفنادق احب اخذ معي انظف و أضمن لي
٨- مجموعة الحج و العمرة من بيزلين مرره تخدم رهيبه
٩- شنطة تنظيم صغيرة احط فيها كل الاشياء الي احجامها صغيرة عشان اوصل لها بسرعة و ما احوس الشنطة واجلس ساعة ادور فيها
١٠- مناديل او كيس للمرحاض وانتوا بكرامة طبعاً ضروري وأهم شيء بالشنطة مهما كان الحمام شكله نظيف لا تستغنين عنها .