الحقوني تراني خبيره في المطاعم عن نفسي افضل شينج يانج على القصر الصيني بالذات اطلب دجاج سيشوان وشوربة الدجاج بالدره وسبرينغ رولز بالجمبري ورز مقلي مشكل ودجاج شينج يانج بالطبق الساخن واللحم بالبصل وعلى فكره كل اطباق سيشوان لذيذه عنده اما مطعم عكاوي مدحوه ولما رحته لا باس به لكن طلبت فاهيتا دجاج ماعجبتني وكانو حاطين معاها سلطة بطاطس مخمجه وبعدين طلبت دجاج بانيه كانت طعمه وبنارها واجواؤه رومنسيه لكن قررت ما اعيد الزياره وبالذات بعد ماراحته وحده اعرفها واعرف انها صادقه ولقت في السلطه الخضره دوده حيه ولما نادا جوزها الجرسون وشافها اعتذر ونادا الرئيس واي حاجه تطلبوها على حساب المطعم وما اخدوا منهم الحساب وتاني يوم اتصل عليهم صاحب المطعم ويعتذر وتعالوا عيدوا الزياره مجانا اما المشويات الركن الشامي ممتاز لكن زحمه دايما زين كويس واسعاره كويسه الكمال الدمشقي كويس بس ماعنده تشكيله كتيره زين كتير يمدحوه الغريبه ما احد ذكر مطعم كرم الضيافه يمكن لانه جديد هادا ياحلوين فتح مكان سلطان الشام اللي في سلطانه قدام ديرسن بصراحه عجبني وعنده منيو مشكل من ايراني لمصري لصيني لايطالي لمشاوي لحمام محشي باختصار كل شي عنده حتى سي فود واسعاره مناسبه واما الردادي حبيت اقول للي ما يدروا ترا عنده توصيل طلبات بس اقل شي 90 ريال وجينا للمهم الفنادق الموفنبيك عنده بوفيه حلو والاحلى انه كل يوم من بلد يعني السبت شرق اسيا الاحد اظن مصري ويوم ايطالي ويوم سي فود ويوم مشويات ويوم عالمي وما ادري ايش والشخص ب 80 او 75 والهلتون البوفيه حقه ممتاز لكن بس ويك اند والباقي منيو والابروي حلو وحيفتح مكان سوق الحزام القديم مطاعم واحد منها ايطالي لما يفتح اجربه ان شاء الله واقولكم كفيت ووفيت وتعبتوني واي استفسار انا حاضره

نسايم الفجر والله ما شفت المشاركه الا بعد ماحطيت مشاركتي

بنوتة حلوه
مشكوره حبيبتي وان شاء الله أزورهم
ويارب ترجعي جده وتستقري فيها

نسايم الفجر
كلامك صحيح المدينه ماهم مهتمين كثير بالمطاعم والمنتزهات
لكن يقولوا الأمير الجديد موجه أهتماماته لها ان شاء الله يطورها
وخلو المتحف منتزه بالعنبريه دخول بعشره وركوب القطار بـ40 ريال
والمطاعم جربتها ماعدي الدوار ماتشجعت له

وفين بوابةا لكباب؟ ابغا اجربه

وبوابة المدينه هل هو بيت المدينه الي بالدائري
لان بيت المدينه جلسته حلوه لكن اكله لأ
وابو طربوش والنورس نفس الشئ بس راح اجرب صينية السمك

وبالنسبه لعكاوي جلسته حلوه وهاديه لكن اكله لأ
هذا بالمره الأولي لكن بالمره الثانيه أزعاج وقلة أدب وكلام بذيئ
ومن عائله وحده بل كذا عائله
والا تغني مع زوجها ولما تخرج يسلام علي الحجاب والأحترام و....ألخ

سر الهنا
مشكوره ويعطيك العافيه
وانا كمان يعجبني شينق يانج والقصر الصيني كمان اكله حلو
وراح اجرب أختيارك ان شاء الله

وعكاوي خلاص انا اهم شئ الأكل بعدين الجلسه لكن اروح واتورط لأ

والركن الشامي حلو واكله كمان بس زحمه وأزعاج
الكمال الدمشقي ماجربته

والردادي راح يفتح للعائلات بالحزام وجربت السله اعدل حاجه فيها القمبري
الباقي عادي سمك المزين ألذ

زين رحت مره وكان فاضي واكله ماعجبني كثير يمكن تغير

وكرم الضيافه ماجربته جربت سلطان الشام وكان ماشي حاله

ودايم أسأل نفسي أيش راح يعملوا بسوق الحزام القديم
ومشكوره وفعلا خبر حلو يعني في تطور بالمطاعم
بالذات الحزام فتح فيه كودو كمان وخفيفه لفيفه حلو
وبعد مستشفي الولاده راح يصير الشارع حيوي اكثر

بنات مطعم السقالة اللي في ابحر احد جربه؟؟