أنوار السنة @anoar_alsn
عضوة نشيطة
أيش الأحسن تتمسكي بيها ولا تستغني عنها
أخواتي حبيت أطرح هالظاهرة الخطيرة اللي مالية بيوتنا وأشوف آرائكم ، ظاهرة الشغالات سواء النظاميات ولا المخالفات والمساوئ اللي يجيبوها معاهم للمنزل غير عن النفسية المعقدة اللي يكونوا شايلينها نتيجة البيئة اللي جاؤوا منها، يعني إذا عاملتيهم بالطيب يركبوكي وإذا وريتيها العين الحمرا شوي والله تعملك مصيبة ولا تهرب لا وأولا ما تيجيكي تتمسكن وتسوق الهبل وتاخدك على جد عقلك وانتي يا المسكينة تفتكريها هبلة غير عن طبع اللؤم والمكر والإستغلال وأسلوب الهبالة والتطنيش وغير عن روح الغيرة والحسد اللي تكون حتنط من عيونها ، أنا أقول هالكلام عن خبرة، يا كثر ما جربت شغالات ومن أكتر من جنسية والله أغلبهم يحملون نفس الطباع، ما ادري كيف طباعهم تتطابق كدا ،خدي قصص وحكاوي من تأليفها وانتي معاها ومصدقة وتحزني عليها ، وبالأخير نفسية ربة البيت تكون منهارة، يعني ما فيه راحه نفسية مع إني أستغرب من الحريم اللي يركنوا بكل شي على الشغالة ولا يتَبعوا عليها وكمان دايما خارجين برا البيت وتاركين الشغالة تسرح وتمرح بالبيت على كيفها، أنا ما أعمم هادا الكلام ، أكيد فيه بعض الشغالات المسكينات والمسالمات واللي جايين بس يشتغلوا ويعيشوا لكن للأسف الطيبات منهم راحوا بعروة السيئات،عشان كدا يا بنات لازم تكونوا حذرين وصاحين لبيوتكم تراها أمانة حيحاسبكم عليها ربنا يوم الدين، أكيد فيه حريم عندها ظروف صعبة تطر فيها تستعين بالخدم كمرض أو ضيوف كتيرة أو حجم البيت كبير، أنا برأيي إذا كان من الممكن الإستغناء عنهم يكون أحسن ونستعيض عنهم بالشغالات اللي بالساعة والنتيجة حتكون راحة نفسية أكتر وأمان وكمان يعطيكي نشاط أكتر بدل ما طول الوقت نايمة ولا قاعدة والشغالة تتحكم فيكي على الرايحة والجايو
ولا شو رايكم يا بنات,,,,,,,,,,,,,,,,,,
9
564
يلزم عليك تسجيل الدخول أولًا لكتابة تعليق.
أم قتيبة الجزائرية
•
ولماذا تستعين المراة بالخادمة مهما كانت الاسباب فعلى المراة ان لاتدخل بيتها مراة اجنبية تقيدها وتذهب الراحة النفسية على المراة ان تشمر على ايديها وتنظم وقتها واذا احتاجت للخادمة تستعين بخادمةا.الي بساعة واله ان من ورائهم لبلاوي نحن عندنا بيوتات كبيرة وبالرغم من هذا لانحتاج لخدم تنظيم الوقت ومساعدة الاولاد وتعليم البنت... .
ولماذا تستعين المراة بالخادمة مهما كانت الاسباب فعلى المراة ان لاتدخل بيتها مراة اجنبية تقيدها وتذهب الراحة النفسية على المراة ان تشمر على ايديها وتنظم وقتها واذا احتاجت للخادمة تستعين بخادمةا.الي بساعة واله ان من ورائهم لبلاوي نحن عندنا بيوتات كبيرة وبالرغم من هذا لانحتاج لخدم تنظيم الوقت ومساعدة الاولاد وتعليم البنت... .ولماذا تستعين المراة بالخادمة مهما كانت الاسباب فعلى المراة ان لاتدخل بيتها مراة ...
والله انا معك قلبي مالها داعي فكرة الشغاله ولالازم بس الله يهدي
الحريم الي اخذوها فشخره عند بعض بدون حاجه
الله المستعان لك حبي
الحريم الي اخذوها فشخره عند بعض بدون حاجه
الله المستعان لك حبي
الصفحة الأخيرة