أيش رأيكم بموقف أخوزوجي لمن شافني من غير قفازات ؟؟

أخواتي أنا ولله الحد والمنة حجابي ساتر وكامل حتى الجونتي ألبسه
لكن تحدث للواحدة منا أوقات ضروف تخليها ماتلبسه مثلا لوهي مستعجله جدا في أمر ما؟؟
لوزوجها نبهها تطلع السيارة بسرعة لأنها تأخرت عليه
لو مثلا في الغسالة !
لومثل دورته والشغالة حاطته بمكان ثاني
أعذار كثيرة مكن تحدث للإنسان في كل شيء مو بس في الجونتي
أمس طلعت مع أخوزوجي أنا وأمه وأمي رحنا لجيران أمه
وأنا نازلة الدرج بسرعة لأن أم زوجي قلبها حار وما تحب أحد يتأخر عليها وأنا ما أبغى أتأخر عليها وبسرعة أركض وأبغى ألبس الجونتي في الدرج وعلى ماوصلت الدور الثاني إلا ألقى أخو زوجي واقف يكلم السواق طبعا أنا أستحييت ودخلت يدي داخل عباتي وقلت ألبسه في السيارة ؟؟
وطلعت السيارة ولبسته والحمدلله
وأتفاجأ ت اليوم برسالة من زوجته تقول

صراحة حزت في نفسي كلماتها ؟؟عارفة إنها تبغالي الخير هي وزوجها بس ليش هم ماعذروني ؟؟
ليش ماحطوا في بالهم عدة خيارات يمكن ويمكن ويمكن ؟؟
ليش الحكم على الشخص من مظهره ؟؟طيب كل الي مولابس جونتي وكان يلبس تغير ؟؟كان طيب وصار الحين فاسد والا انتكس ؟
سبحان الله ؟
الحين أحس الواحد صار يشيل هم الناس موهم إن ربي يكون راضي عنه .تمنيت إني مالبست لجونتي أبدا وإني مثل أمي تدخل ايدينا داخل العباية لخرجت من بيتها ؟؟يا أخوات إيش رأيكم باللي حصل وكيف أرد عيهم؟؟