أيش شعورك لو انه وحده جات وسلمت عليكي وانتي ما تعرفيها

السلام عليكم ورحمة الله وبركاته

أخواتي انا اليوم رحت عالبنك ولما دخلت كالعاده سلمت وشفت حرمه ما شاء الله كبيره بالعمر الله يحفظها سلمت عليها وسألتها عن حالها مع اني لا أعرفها وكلمتها شوي حبيت اتعرف عليها لأني والله حبيتها في الله وعرفتها على نفسي ومشي الموضوع بس بعد ما راحت قلت لنفسي يمكن هذي الحرمه تفكر اني انسانه خفيفه ومش راكزه بس اتعرف عالناس بسهوله .
طبعا هي ما عرفتني على حالها يمكن خافت مني . حبيت اعرف شعوركم لأني كل ما اتصرف هذا التصرف مع احد بحس انهم بيخافو مني او بيفكرو اني انسانه غريبة الأطوار .
ايش شعورك لو كنتي بمكان عام وفيه وحده من الأخوات ما تعرفيها ولا حتى عمرك شفتيها جات جلست جنبك وسلمت عليكي وهي مبتسمه كأنها تعرفك ووحاولت ان تتجاذب اطراف الحديث معك بكل لطافه وحسن خلق
السؤال هو هل تتكلمي معها عادي ام انك تكرهي هذا التصرف وتعتبريه لقافه وانه هذي الأخت انسانه خفيفه وما فيها ركاده .