أين تذهبين في الرياض سؤال يؤرقني

بسم الله الرحمن الرحيم

اخواتي عندي لكم حتوته صغينونه ممكن تسمعونها وتساعدوني اذا سمحتو,

يجي زوجك هلكان من الشغل وانتي هلكانه وطفشانه من ابنك الي طول اليوم ينطط هنا ويخرب هناك مره يضحك ومره يصيح واذا جا زوجك يتغدى ويرتاح شوي وانت جنبه والولد ينطط قدامكم والتلفزيون شغال تغيرين شوي وتملين بعدين ايش؟؟ مافيه شي! ! تقرين؟ ماتقدرين وعندك ازعاج تسوين شغل ماتقدرين؟؟ تخلين زوجك هالمسيكين يكرف من الصبح لين المغرب وتشتغلين وقت رجعته !!!
وهالمسيكين يجي يالله يرمي نفسه لين العشا وينوم وهكذا روتين ممل يقول وين نروح اقول مدري وش رايك اقول في عقلي غرناطه يرد علي بصوت عالي وش رايك غرناطه اقول كنت بقول يجي بعد يومين واروح اهلي وهو يروح اصدقائه يمر يومين نرجع لروتين ايام الاسبوع وش رايك وين نروح اقول صحارى عشان مطاعمها والعابها يقول يالله يجي بعد اسبوع وين نروح اقول مطعم يقول ايه ستيك هاوس ايه الي بغرناطه اقرب ونروح غرناطه يجي بعد شهر وين نروح اقول لزوجي الحين الرياض مافيها الا غرناطه ينتمشى فيها وهو يرد يقول: اقولك شي الرياض يامطعم يا سوق يا أبو ريالين :) وبس وش رايكم اين اذهب انا وعائلتي الصغيره؟؟؟؟؟؟؟؟
سؤال ياما أرقني