انا ولدت مرتين .. من قبل .. مره عند أهلي ومره في بيتي ..
تبون الصراحه .. انا ارتحت في بيتي أكثر
لان عند أهلي الضيوف كثار رايحين جايين ( صديقات امي وجيران هلي والاقارب وناس كبار في السن ما تقدرين تقولين لهم الوقت غير مناسب ) وتعرفون الوحده أحيانا مع عفسة الطفل والتعب ودها تنام وترتاح في أوقات غير الناس .. ولا أحيانا تكون ماكله خرابيط النفاس أو ما ادري لبسها شلون صاير بنطلونين فوق بعض وبلوزه عجيبة
وبعدين تعرف أن في ضيوف راح يجون.. ويالله شوفي الحوسه والركضه والأعصاب التعبانه وطبعا لازم تستقبلين الناس وانتي انيقة ومرتبه ومبتسمه حتى لو عندك اكتئاب ما بعد الولادة

لكن في بيتك تقدرين تولدين من سكات .. وتضلين أسبوع أو أكثر ما تعلمين الجيران والصديقات .. وبعدين لما ترتاحين شوي بعد اسبوعين مثلا تقدرين تتصلين عليهم وتعلمينهم أنك ولدتي بالسلامة .. وتحاولين تنسقين أن زيارتهم تكون في وقت واحد قدر المستطاع .. عشان تفتكين .. وطبعا انتي مش مطالبة تخدمينهم فقط يكون الشاهي والقهوه جاهزين على الطاولة مع الحلا وهم يخدمون نفسهم
وممكن إذا عندك اختك أو أمك في نفس مدينتك يساعدونك وقت زيارة الضيوف

أو ممكن إذا الوالدة متفرغة وغير موظفة تجي وتساعدك وتنام في بيتك

الله يكون في عونك
وتولدين بالسلامه ويرزق كل من تتمنى

:27: :26:

اهو بالولد الاول والثاني غالبا يكون عند الاهل..بس لما يكثرون العيال ويكون عندهم مدارس صعبه الروحه للاهل..ممكن الام اذا ما عندها ارتباطات تجي عندك..او ام زوجك..
واذا كان بيتك كبير وممكن تستقبلين الضيوف في بيتك فاجلسي فيه وبس..مع ان الروحة للاهل احسن وتلاقين عناية افضل وتغيير جو..وتجديد للعلاقة الزوجية بعد..بس احيانا الظروف تحكم..

شكراً لك أختي صباح النور :26: والله فكرتك حلوه انك ما قلتي لأحد إلا بعد أسبوع :27: بس ما حسيتي بملل وأنت لحلك؟
يشرفني ردك أختي ورد الريف والله يقبل دعائك:24:
الله يعطيك العافيه أختي أم فوفو شكراً لمشاركتك ومن ناحية البيت هو كبير مايحتاج بس المشكله في النفسية أخاف ماتصير كبيره :17: وصدقتي مافيه مثل الأهل :24:

اهم شي يابنات الوحده تولد بالسلامه وتنسئ هم الولاده وبعدين يسهلها ربي انشاء الله
احس الوحده تتنفس عنداهلها اريح من بيتها عند اهلها ماوراها غير البيبي لاكن في بيتها كل شي عليها كل شي لازم تشرف عليه بنفسها وهي مب ناقصه هم:24: