الاصعب الارمله لان الكل بينظر لها بنظرة شفقة

وبعدين المطلقة فالعانس

السعاده بالقرب من الله عزوجل وليست بالالقاب عارفين ليش لان انا مطلقه وعندي اولاد ولكن والحمد لله مبسسسسوطه اخرج افراح ازور مع اهلي واستقبل لما يجون ضيوف وفبل فتره صبغت شعري وواشتر بعدكل فتره ملابس يعني كل من يشوفني يقول راح تتزوج عشان الناس شايفه انباسطك وبشاشتك واذا انتي ربطي اللقب فيكي لاتلومين الناس لانك انتي الي فرضتي هذا اللقب عليكي انظري للحياة بمنظار حلوو وجميل

انا اشوف اصعب شي عانس بعدين مطلقه بغدين ارمله

برأيي وضع الأرملة أحسن من المطلقة والمطلقة أحسن من العانس خصوصا إذا كبرت كثير وتعدت الأربعين لأنه:
الأرملة راح تصبروترضى وماتشيل في قلبها حقد وكره لأنها عارفه أنه الله أخد زوجها وتحوط على أولادها والناس تتعاطف معاها وتساعدها ويمدحوها كمان لتحملها المسؤولية .
المطلقة راح تصبر بس تعيش وشايله في قلبها حقد وكره لطليقها وجميع من تسبب في طلاقها ومن تشمت فيها و متوتره تبغى تتزوج من جديد مو حبا في الزواج فقط لكن عشان تبين لطليقها وللكل أنه مازال مرغوب فيها والعيب مو فيها وتحس بالإنتصار والجميل في وضعها أنها تكون عاشت وجربت كل شيء في وقته (الشوفه و الخطوبه والملكة والعرس وفستان الفرح..........ويمكن الأمومه كمان) وإذا تزوجت تاني طبيعي تأخد من حالها زوج مطلق أو.........
العانس حالها صعب شوي تكون منكسرة وتحقد على إلي يشمت فيها أويعاملها على أنها فيها نقص وغير مرغوب فيها تعيش حياتها تنتظر والإنتظار صعب وما شافت شيء وماجربت شيء في وقته( الشوفه و الخطوبه والملكة والعرس وفستان الفرح........) ويكون راحوا عليها الأولاد كمان إذاكبرت كثيروإذا تزوجت ما تأخد مثلها أعزب تتزوج مطلق أو أرمل أو...... ويمكن يصعب عليها تسوي فرح وتلبس فستان و تعمل كل إلي تمنته من قبل .
إن شاء الله رب إيفرج على كل مطلقة أرملة عانس معلقة متزوجه ومو متهنية عقيم.. ويسعدهم وينولهم إلي في بالهم ويجعلهم من أهل الجنة لإبتلائهم ويغير نظرة المجتمع إلي ما ترحم لهن وتصبح الألقاب لا تعني شيء ولا نتكلم عنها.

(عانس-مطلقه-ارمله-معلقه )

كلها امر من بعض مو نتيجة الخوف من العنوسه يطلع عندنا مطلقه-اوعانس-او معلقه -او حتى ارمله الناس ماترحم بالذات المتزوجات يخافون على رجالهم منا