أيهما افضل لازالة الشعر من الوجة الليزر ام الضــــــــوء الي جربت احدهن تدخل؟؟؟؟؟

السلام عليكم اختي الجميلة النائمة....

بصراحة انا جربت الاثنين
بسسسسسس الضوء لا تقربي منه ابداااااااا
اولا: يطلع الشعر بسرعة في خلال اسبوعين عكس الليزر يطلع بعد شهر تقريبا
ثانيا: يالم جدا جدا لدرجة ما تتصوريها بعكس الليزر
الميزة الوحيدة اللي فيه انه ما يطلع بعد الازالة اية اثار بس احمرار بسيط يروح اليوم الثاني بعكس الليزر يطلع له احيانا اثار تجلس ثلاثة ايام او اسبوع واحيانا ما يطلع له اثار

انا بصراحة ماشيه مع الليزر تمام وصارلي هالحين 6 جلسات والحمد لله ما باقي لي الا جلسة والشعر ما يطلع الا وبر خفيف والحمد لله

ان شاء الله اني افدتك
:24: :24:

اختي انا احذرك من استخدام الليزر للوجه ..

قريبتي استخدمته لوجهها.. الشعر السميك خف و تقريبا راح .. لكن الشعر الخفيف اللي كان بوجهها صار يطول و يطول .. و صارت تضطر تحف كل عدة ايام ..

الطبيب قال لها الشعر الخفيف اللي بالوجه ما يتقبل الليزر .. و هذا حصل مع كثير من الناس ..
و عندي صديقة نفس الشي ,.. و مضطرة تسوي بالليزر لأن يطلع بعد شهرين بعكس الخيط .. يطلع كل اسبوع ,,
المهم انه من تكرار الليزر .. صار وجهها فيه بقع خفيفة ... فصارت تباعد بين الجلسات الى 6 شهور ..

الخلاصة .. شيلي الشعر الخشن بس ... لكن الخفيف لا تقربي منه

حبيبتي ممكن تقوليلي عند اي مركز تسوين الليزر

السلام عليكم

عزيزتي .. انا جربت الضوء.. الحمد لله استفدت .. لقد خف كثيرا .. انا سويت وجهي بس مو كله تقريبا الشنب واللحيه والصواطر .. بس عند الخدود ما فيه خشن كان ناعم وصغير ونصحتني الدكتوره اني ما اسويه لانه ممكن يخشن.. في البدايه كنت خايفه وان وجهي يحترق او يتشوهه .. ولكن الحمد لله ما صار لي شي مره زادت الدرجه شوي وبعد ما خلصت التهب وجهي زياده بس حطيت ثلج والحمد لله ما صار شي ... انا الان اكملت اربع جلسات ومثل ما قلت استفدت والحمد لله .. بس للحين باقي شوي في اللحيه والشنب لانه يبي ليه بعد
وطبعا بعد ما تنتهي الجلسه تحدد الدكتوره لك انه يمكنك ازاله الشعر في خلال عشر ايام باي طريقه تريدين بالحلاوه بالخيط المهم بعد العشر ايام يجب ان لا تلمسيه ابدا حتي تبدا دوره كامله لشعر بالنمو وطبعا الدكتوره راح تعطيك موعد وعاده يكون كل سته اسابيع..
طبعا يمكنك ان تزيل الشعر في هذا الوقت بالشفره .. نعم بس يعني ممكن تتحملين لانه ما راح ابين شي لان الاولصعب وانا قلت في نفسي ياريت ما سويت بس بعد شوي بتلاقي النتيجه ان اشعر ما راح يطلع اصلا وبعد الجلسه راح يسقط بروحه ...

يمكن تريدين نوعيه الشعر عند .. اسود وخشن والسبب هرموني

انا سويت عند مركز بن سيناء في ابوظبي ... وارجوا ان ما يكون دعايه للمحل لان ما قصدي طبعا...
سعر الجلسه 850 درهم .. وقت لدكتوره هذا كثير والله قالت انه بسبب تكلفه الجهاز .. شنسوي امرنا لله.. انا رحت عند هذا المكان لان ناس قبلي جربوا ...

ملاحظه :: في واللحيه عندي بعض الشيب طبعا ما تروح لانه الشعر الابيض ما يتاثر..
عن الالم نعم هناك بعض الالم الذي يمكن ان يتحمل .. بس مو كثير يعني


عزيزتي هذا كل شي بالتفصيل واذا عندك اي استفسار تفضلي

بالنسبة للضوء يقال انها طريقة جديدة وتصلح للشعر النااااااااعم


يعني برائيكم الليزر احسن