ماليزيا فيها طبيعه بس طبيعة اندونيسيا احلى بكثير

مرت خالي توها راجعه من شهر راحت ماليزيا 13 يوم واندونيسيا 7 ايام

قالت ان اندونيسيا احلى كطبيعه بكثير

انا انصحك باندونيسيا ارخص من ماليزيا

في اندونيسيا الغرفه الوحده في فندق فخم ب250 ريال


عندك في الجبل بونشاك في فندق اسمه سيروني مره معروف وعليه زحمه

سعر الغرفه عندهم احيانا يوصل ب180 ريال يابلاش

لانه مره روووعه وفخم جدا

التاكسي تاخذوه من الصبح للمغرب ب150 ريال فقط

اذا بتروحي اندونيسيا روحي جاكرتا وبونشاك فقط

على قد ميزانيتكم

وعندكم جزيرة بالي في انونيسيا مره تهبل بس غاليه شوي



الهند حلوه بس ماتصلح لاطفال مافيها ترفيه


انا باروح بعد 11 يوم الهند ولاية كيرلا

فيها طبيعه ماشفت مثلها ابدا

دخلت تقارير اوربا

بس ما اعجبتني مثل كيرلا

صحيح انها دوله فقيره ومافيها ترفيه

بس تكفي الطبيعه والمنتجعات اللي فيها عذاااااااااااااب

بس ماتصلح للأطفال بيملوا منها

انا باخذ الكبير عمره 4 سنوات وباخلي الصغير عمره سنتين

انا انصصحك باندونيسيا بما انو عندك اولادك

بما أني زرت الثلاث دول راح أرتبها لك من وجهة نظري

1- ماليزيا
فيها كل اللي تبين ترفيه لك ولأطفالك وطبيعية وتسوق وأسعارها أغلى شوي من إندونيسيا بس تستاهل فرق السعر..
مدة الرحلة من الرياض 7 ساعات و40 دقيقة

2- سيريلانكا
أفضل لو فكرتي تسافرين لها من دون أولادك لأن ما فيه ترفيه للأطفال طبيعتها أحلى من ماليزيا واندونيسيا
وشعبها تعامله لطيف جدا وما عندهم حركات استغلال الأندونيسين والماليزين
والأكل عندهم محدود يعني مع بكج الرحلة اختاري وجبتين فطور وعشاء
واللي تقولك ما فيه أمان بسيريلانكا صدقيني ما زارتها
مدة الرحلة من الرياض 5 ساعات


3- إندونيسيا
طبيعتها جميلة وشعبها مبتسم واستغلالي لو عطيتهم فرصة و السعر دايم يضعافونه لو حسوا إنك مو عارفة ولو عرفوا يستغلوا راح تكون ماليزيا عليك أرخص وزحمتها لا تطاق خاصة جاكرتا وأسواقهم حلوة وفنادقهم أرخص من ماليزيا.
مدة الرحلة من الرياض 9 ساعات

شيكت لك على أسعار التذاكر باعتبار الرحلة من الرياض بإجازة منتصف الفصل الثاني والإجازة الصيفية لـ 2 بالغين و3 أطفال فوق السنتين وعالخطوط السعودية
ماليزيا وإندونيسيا أقل شيء 11 ألف وطالع
سيريلانكا 6500 تزيد أو تقل بـ 200 حسب الرحلة

نصيحتي لك غيري توقيت سفرك لإجازة نص السنة الجآية مثلا غالبا تنزل عروض للطيران والفنادق تكون أرخص
وتجنبي نهاية ديسمبر وبداية يناير أسعارها تصير أكثر من الصيفية


قرري على أي دولة ناوية وابشري بمن يرتب معك كل اللي تبغيه من سكن وأماكن سياحية خطوة بخطوة وأبعدي عن المكاتب السياحية لأنها برتفع عليك السعر وبعد ما تحددي وتقرري راح أعلمك كيف تحجزين كل شيء بنفسك من النت بدون ما يستغلك أحد وراح أحط لك جدول يومي يعني ما تسافرين إلا وإنتي عارفة وش لك وش عليك..


ولا تأخذين معلومة من وحدة ما جربت الشيء خبرك طبع النسوان عندنا أحلى شيء بنظرها اللي جربت فقط هههههههه ولكل دولة مزايا وسلبيات فمن خبرتي كل الثلاث دول تستاهل الزيارة وخاصة لأنك أول مرة بتسافرين والدنيا تساهيل..




والله يوفقكم

ماليزيا رائعه بالنسبه للتسوق وترفيه اطفال لكن الميزانيه تحتاج لها زياده
بالذات اذا سافرتي بالاجازه سافرت انا من كم سمة كانت التذكرة على السعوديه قريب ل4000
التذاكر بس كلفت حدود 17000 كنا شخصين كبار واربع اطفال


سيرلانكا روووعه واسعارها حلوة وليش تقولوا مفيش امان بالعكس ناسها طيوبين
زرتها مرتين ولو تطلي على المالديف يكون احلى
سيرلانكا حجزها على السعوديه مش غالي زي ماليزيا

اندنوسيا ولله الحمد مازرتها ولا عندي ميه>> خايفه من تسونامي ههههه


من القرقر اللي فوق انصحك ماليزيا ولاتنسي الحجز المبكر يفيدك علشان التوفير

تاكدي السفر مع الاطفال عذاااب
انا لما سافرت ماليزيا مع اطفالي انحبست بالفندق
لان بنتي مرضت سخونه وصلت ل40 والسبب اختلاف الجو
والاقلاع والهبوط
اذا مصرة تاخذيهم خذي الادويه معاكي وحليباتهم والحفايظ

اختي ليش الخوف من السفر الدولي بالعكس متعه
تشوفي الدنيا وشعوب الارض والدول اللي انتي متردده بينها
سكانها كللش طيوبين وبشوشين
علشان تكسري هالحاجز اقراي في المنتديات المهتصه بالسفر
العرب المسافرون وسفاري ودليل ماليزيا تلاقي صور للاماكن
ااسياحيه وحتى اسعار الفنادق والمواصلات يعني تاخذي فكرة شامله
عن كل شي قبل ماتروحي للمنطقه علشان تكوني عارفه بكل اللي حولك
ومااحد ينصب عليكم وهذا اكثر شي يخوف في الرحلات الدوليه
ومع كل هذا لازم تكونوا حريصين كمان وبالتوفيق واذا عندك اي استفسار
في حال حبيتي تسافري سيرلانكا على الخاص