السلام عليكم ورحمة اله وبركاته
يعلم الله اننا في حالة مايعلم بها الا الله وماخلاني اكتب لكم الا لأني تمنيت احد ينبهنا من قبل وينصحنا ولا ابغى ذا الشي يصير لو لعدو
بقولكم اللي صار معنا وأتمنى تستفيدون
احنا من الطايف وجينا الرياض نبي نتمشى ( أمحق تمشية ) .. خلاصة الكلام استأجرنا في فندق إسمه ( ميلان ) في حي الحمرآ .. سهرنا انا وأخواتي الين الساعه 7 ونص الصباح وبعدين نمنا .. تخيلو وش صار ؟ دخل علينا واحد واحنا نايمين .. فك باب غرفة امي لقى فيها اخوي نايم وخاف يدخلها . جاء على غرفتنا واخذ رااااحته . سرق لاب توبي وسرق شنطنا وفيها ذهبنا وبطايقنا و جوالاتنا .. وياليتني عمري مااشتريت جوال . فيه صورنا وفيه كل شي ممكن تتخيلونه .. اسأل الله انه يعمي عيونه قبل يشوفها .. وسرق كاميرا فديو . وسوني محمول قيمته 1000 ريال . واخذ مفتاح السيارة حقتنا وسرقها .. القهر مو في الاشياء اللي انسرقت طززز .. القهر كيف وصلت فيه الوقاحة والجرأه انه يدخل على حريم وهم نايمين ويسرقهم ..
القهر كيف الاستقبال والأمن تحت يخلون ولد صايع يطلع فوق بدون مايسألونه وش عندك هنا .. القهر كيف ينزل من الفندق ويطلع قدام الأمن وهو معاه اغراض وشنط نسائية بدون مايسأله احد وش عندك ؟؟
واحد يشتغل في البقالة قال شاف ولد سعودي صغير عمره مايتجاوز العشرين شايل الاغراض وراكب السيارة ومسرع فيها ,,
كل اصابع الاتهام اتجهت للي يشتغلون في الاستقبال وهم مصريين الجنسية .. وش عرف الحرامي ان رقم شقتنا كذا وكذا ؟ ووش عرفهم ان هذي سيارتنا ؟ وكيف قدر يدخل ويطلع بكل حرية ؟ للدرجة ذي انعدم الأمن والأمان عندنا ؟
امانة يابنات كل وحدة بجوالها صور تمسحها او تشيل الذاكرة وتخبيها في اي مكان مايهم ان شاء الله تبلعها .. واذا رحتو شقق تأكدو ان الباب مقفل والمفتاح محطوط بالعرض .. وخلي زوجك او اخوك ينام بالصاله اللي قدام الباب عشان لو دخل أحد يخاف ويطلع ..
وامانة اسألكم عنها يوم القيامة اي وحدة تدخل وتقرأ موضوعي تنبه صاحباتها واهلها عنها .. ندمت على كل صورة صورتها وكل مااذكر ان واحد كلب وقذر مايسوى شي يناظر وجهي انا واخواتي اتحسسسف .. محتاجين دعواتكم لنا .. دعوة المسلم لأخيه المسلم في الغيب مستجابة .. تكفون لا تنسونا من دعائكم ان الله يعاقبه ويرجع لنا اللي اخذه مننا والله ان الخساير مو هينة لكن الحمدلله على كل حال
انتبهوووووووو لجوالاتكم ولصوركم وقفلو ابوابكم .. وذا الفندق لحد يروح له مرررررة مرررررة ولا يغركم شكله فخم وسعره رخيص وربي انهم كلاب وقذرين ..
الله يستر علينا وعلى بنات المسلمين آمين ..
أختكم \ هنوف
bio24 @bio24
عضوة جديدة
يلزم عليك تسجيل الدخول أولًا لكتابة تعليق.
ومعقوله ماحسيتم فيه اخاف انو متفق مع احد لانو ايش عرفه بهذي كلها الله يعوضكم ويستر عليكم دنيا واخره يارب
الصفحة الأخيرة
انا بس اقول كيف قدر يدخل ؟؟
هذا واحد معه مفتاح
الا اذا كان اخوك ماقفل الباب ونساه قبل ينام
انتم سألتوه متأكد انك قافله؟