شوفوا حبيباتي أنا من النوع اللي مايحب المقدماااات الطوييييله علشان كذا بدخل بموضوعي على طول .
بصراحه أنا غيرت غرفة الحريم فقلت خليني بالمره أغير لون الجدران فحطيت ورق جدران جدار لونه فوشي غاااامق وثلاث جدران نفس اللون لكن فااااتح .
والحين أنا أبغى أشتري الكنب ومحتاااااااااره بإختيار الألوان والموديل المهم نزلت لسوق الصواريخ اللي بجده ولقيت بصراحه موديلات والوان مررررره حلوه فصرت محتاره أكثر فقررت اني أصورها وأخليكم تساعدوني بالإختيار والكنب اللي يجي عليه التصويت الأكثر راح أتوكل على الله وأشتريه .
تقريبا حاسه إني مقتنعه بهذا أكثر شي لكن ماراح يكون نفس الموديل يعني محل الجلوس راح يكون نفس تصميم الظهر مربعات كبيره وراح يكون القماش مخطط تخطيط طولي والظهر زي الصوره والخداديات الصغار بعضها مخطط والباقي مشجر وراح يكون إطار الكنب جلد تقريبا لونه رمادي مع إني لسى محتاره بين الرمادي والسكري شوفوا الصور وقولوا لي إيش اللي يناسب أكثر .
وهذا الكنب تقريبا زي الموديل اللي أنا شرحته لكم الظهر مشجر والجلسه مخطط ومكان الجلد الأبيض راح أحط واحد من اللي أخترتهم فوق .
أو أختار هذا الكنب
ولا هذا
إيش رأيكم إنتم أي واحد يمشي مع الوان الغرفه أكثر .
قبل لا أنسى من خلال جولاتي وصولاتي الأسبوعيه في أسواق الصواريخ من أجل البحث عن غرف نوم للأطفال وجلسات كنب تفاجأت إن جوالي ملئ بالصور لأني كل ماشفت شئ عجبني أصوره فقررت إني أنزل لكم موضوع مستقل يشتمل فقط على هذه الصور علشان البنات اللي مايعرفوا عن سوق الصواريخ أو مستقلين بقيمته يتفرجوا على الصور اللي راح أنزلها بعدين يحكموا لأني بصراااااااااحه تفاجأت بإن عندهم جميييييييييييييييع الموديلات العصريه والكلاسيك وجميع الألوان الجريئه .
المهم لو جلست أتكلم ماراح أخلص لأن عندي كلام كثير راح أخليه لموضوعي اللي راح أنزله في الأيام القادمه .
الله يتمم لك يارب ويوفقك ويجعل داركم عامرة بذكر الله