.. هذا الموضوع هديه مني لكل نحيفه ..
حبيبتي ..(عطيني إذنك وإسمعيني زين )
..كنت مثلك عايشه بعالم إسمه عالم النحافه وعانيت فيه معاناه :(
اللبس مايناسبني وكل مأرجع من عزيمه تلقيني متحطمه
وأعد كم عدد البنات اللي قالولي ((يوووه ناحفه مره ))
عاد فيه بعض الناس الله يهديهم من أول ماتنزلين عباتك
يقولون هالجمله مثل السلام عليكم عندهم..
وتمر ذيك الليله وأنا بغرفتي ألبس لبسي قبل وهاتك ياعد
كم سانتي توسع علي :44:بعد كذا تلقين وجهي بالمرايه
وأتحسر على نفسي ..وحتى إذا شفت لبس حلو بالسوق
أول كلمه أقولها لأهلي (يسمني ؟؟)مايهمني شكله أولونه
ولما أدخل القسم والتجمع حق النحاف أرتاح وترتفع معنوياتي
وألقى ناس مثلي ..
(هذا ملخص مختصر لمعاناتي )..
::الحل ::
1) إلجئي لربك هو القادر على كل شي قبل الأدويه وقبل الخلطات
وعلشان بعد نفسيتك ترتاح خصصي وجه واحد من
القرآن كل يوم وداومي على الأذكار ..والدعاء بالوتر
إذا جيتي تنامين ..وكلام الناس حاولي قد ماتقدرين
تدخلينه من أذن وتطلعينه من الثانيه لأيأثر عليك أبد
وكل ماجت على بالك كلمه سمعتيها منهم إستغفري
وإشغلي نفسك بشي ثاني
(بكذا ضمنتي الراحه النفسيه ونظارة الوجه )..
بعدين إبدئي بالرنامج ::
(ملاحظه .. النتيجه ماتبان إلا بعد 3 شهور وزيادة الوزن تكون بالتدريج البسيط) <<وهذا المطلوب
سمنه صحيه وجسم صحي بإذن الله مو سمنه بيوم وليله
2) روحي للصيدليه وإطلبي الحبوب هذي .. (كبسولات الجنسنج )
أنا رحت للطبيب وشكيت له من الأرهاق والخمول وصرفهن لي وقالي علبه وحده فقط
وهي تصرف للي في فترة النقاهه ..مره إرتحت عليهن ..
بس للأسف مالقيت لهن صورة مطابقه تماما للي عندي
لكن هذي أقرب شي نفس اللون والكتابه بس اللي عندي
أقصر وأعرض والغطاء دائري كبير ولونه ذهبي .
وإسألي الصيدلي عن إستخدامهن ..
3) داومي على (الحلى الطبي ) حلى راائع بكل معنى الكلمه تداومين عليه
كل يوم مع قهوة المغرب أو العصر على حسب عاداتكم
هذا الحلى سبق ونزلته في قسم الحلويات
وكنت وقتها مالاحضت إنه زاد وزني لكن بعده
والكل يشهد إني الحمدلله صرت رويانه وطلعت لي معالم
((بديت أكله من منتصف شهر 11 ومابانت نتيجته إلا من شهر أوأقل ))
وجدا سهل وماياخذ وقت ومفيد جدا وطعمه يجنن صرت ماأستغني عنه ..
وهذا رابط موضوعي ..
http://forum.hawaaworld.com/showthread.php?t=1551715
3)إستعملي كبسولات فارمتون (( pharmaton capsules ))
علبه واحده فقط لمدة شهرين مره باليوم ..
(بعد مايخلصن كبسولات الجنسنج )
وهذي الصوره
زي ماتلاحضين إن الكبسولات لها فتره محدده ماتتجاوزينها أما الحلى أدمني عليه ..
وبكذ إنتهينا ..وإن شاء الله ماتجي العطله إلا وأنتم دبدوباااات وبصحه وعافيه..
ودعواتكم لي بالتوفيق وتيسير أموري ..
وشكرا ً على الإفادة ..
بس الحبوب الثانية حقت وشو ؟