انصحك انك تخلينها تدرس بالجامعة اي تخصص يكون قريب من التخصص اللي هي تبيه على ما بال ما تخلص اوراقها وابتعاثها يكتمل ..
او ممكن تدخلينها معهد لغة يكون قوي وعالمي ..زي القنصلية البريطانية خليها تدرس لغة من اللحين عشان اذا وصل ابتعاثها يحطونها بمستوى متقدم وتاخذ التوفل بسرعة لأن المعاهد هنا ما فيها لعب..انا والله هذا اللي ندمت اني ما سويته قبل اجي لأني جلست سنة كاملة بالسعودية وزوجي هنا..ولا سويت شي ويوم دخلت المعهد حطوني بمستوى اول <<انهرت يبي لي سنة على ما أخلص اللغة وابدأ بالماستر!!
ولد خالتي دارس ببريطانيا البكالوريوس اربع سنوات ولغتة جدا قوية ومع ذلك لمن جاء هنا لأمريكا اختبروه وحطوه بالمستوى المتوسط وجلس 6 شهور يدرس بمعهد اللغة لحد ما عدى التوفل ..واللحين ما شاء الله بيخلص الماستر قريب الله يوفق الجميع.
الزبدة انه مادام انكم تشتغلون بأوراقها خلوها تدرس لغة سواء بمعهد او تدخل قسم اللغة الانجليزية بجامعة او كلية ..لأنها بكذا راح تختصر على نفسها بالمعهد وبكل الحلات هي المستفيدة..

انا عندي بعد معلومات ابي اضيفها انو اختبار التوفل اسهل من اختبار الايلتس يعني حاولو تدورون لها جامعه ماتطلب اختبار ايلتس او تطلب معدل منخفض في ايلتس او ماتهتم فيه

ومثل ماقالت الاخت انو جامعات بريطانيا من اقوى جامعات العالم وتعبتر جامعه كامبرج الجامعه الثانيه في العالم
وولاده دولي كانت في جامعه ادنبرا وبرشو بيل جيتس السنه الماضيه شرا جميع بحوث جامعه ادنبرا في الحاسب الالي
لكن الدراسه فيها صعبه ومعقده

وانصحك تبعدين عن امريكا لانو واجد درسو وتعبو واخر شي ماقدور ياخذون الشهاده او اذا رجعو زياره مايقدرون يجددون الفيزا بسبب المشاكل السياسيه ..

ومثل ماقالو البنات انو اجراءات الوزارا تطووووووووووول فاذا ماتبين تضيع عليها سنه درسوها او سنه على حسابكم بعيدن تنظم للبعثه اذا الله وفقها

الاخت اللي تسال انو زوجها دوبلوماسي وهل لها الاولويه والله ماادري بس اتذكر يوم رحت اقدم اوراقي قلت لهم انو زوجي مبتعث من جامعه الملك سعود وانو انا باكون مرافقه معه ومعي قبول مبدئي من جامعه في بريطانيا قالت لي الامور هذي اذا قبلناك تقدمينها موب الان ..

اللي سأل و فادني أو حاول حتى يفيدني أسأل الذي حجبته أسرار الجلال أنه
يفرّج همومكم و ياخذ بأيديكم لنصرة دينكم و حمله رسالته و الله يحرم عن وجهكم
النار و يجمعكم بالحبيب في ظل الرحمن و يسقيكم من يده الشريفة شربة لا تظمؤن
بعدها ..!
الله يرضى عليكم ..:26:
احترامي

شوفي الرابط ان شالله يفيدك
http://www.saudistudents.org/mainsite/rules/rules.htm



لاتنسونا من صالح دعاكم

هلا حبيبتي يعطيك الف عافية ما قصرتي
و أسأل الله أن لا يحرمك رؤية وجهه الكريم
احترامي