اذا اهلك وهم اهلك ماتحملوك اعذريني الله لايلوم ولد الناس انتبهي من تصرفاتك وخصوصا انك تقولين انه كل مكالمه تصير مشكله يعني انتي عنده وانتي بعيده متعبته وعلى قولتك هو شايف حياته مع أصحابه ولاعاد يسال وبدا يسحب واضح ان الرجال مل والله يستر على نقاشاتك معه حتى بالجوال وهو بعيد ماتتطور لطلاق راجعي نفسك وخفي عليه من المشاكل والزن ترى مالكم شي متزوجين يعني مابينكم عشره سنين يتحسف عليها ويذكرها لك راااجعي نفسك ونصيحتي ابتعدي عنه خفي عليه بالمكالمات والرسايل ولاتقولين له انت ساحب انت ماتسال انت ماتدور انا اللي اسال عنك ان كلم لاتردين عليه على طول خليه يتصل مرتين اقل شي وردي خليه ينشغل تفكيره بك مو على طول يتصل يلقاك متزهبه له اما من ناحيه اهلك لاتناقشينهم بشي ماقالوا قولي صح ارتاحي يختي وش مشقيه عمرك ليه تسدحي وتبطحي وساعدي اهلك باللي تقدرين عليه من شغل البيت ترى مالك الا الله ثم هم تعاوني انتي وخواتك بالتجهيز للمولود وبترتيب الأفكار والتقديمات الهي عن زوجك واشغلي نفسك اقري على اللي فبطنك قران اذكريالله الا بذكر الله تطئن القلوب اسمعي محاضرات لهي عمرك قسم بالله الأشهر تطيير ماتحسين فيها والله يقومك بالسلامه

الله يفرج همك ويصلح حالكم نصيحه ارجعي لزوجك وحاولي قد ماتقدري انك ماتعاندينه اصبري بداية الزواج كذا على بال ماتعرفوا شخصية كل واحد منكم

كذا الغربه انا زوجي مبتعث ونفس الشي قليله مكالماتهم
ويحس انه خفيف هناك بسلما اروح عنده لا بالعكس يحس
بالمسؤوليه والاهتمام واذا انتي باول الثامن قولي بجيك
فكرت ياخذ طفلي الجنسيه احسن بس اتوقع ممنوع الطيران لك احسن لما يكون حولك يهتم واذا برى


سوى زعل والا بدون يحس انه مرتاح ويخاف يسأل تطلع له مشكله وانتي خففي من عنادك

طيب واذا ولدتي في الغربة ايش المشكلة ؟ ترى الانجاب في الغربة بوجود فقط الزوج يعطيكم فرصة للتقارب وانو يساعدك ويكتسب عادات الاجانب في التعامل معك والبيت والبيبي
وسالفة العصبية ياشيخة كلنا واحنا في بيوت اهلنا عصبيات ونفسية وياويل اللي يزعلنا وبس تزوجنا تعودنا انو الرجال مو زي الاهل
الاهل يصبرون عليك وفي النهاية انت بنتهم لكن الرجال بدالك غيرك ما يتحمل الحال المايل
انما الحلم بالتحلم
انت لسا في اول المشوار وتعلمي تمسكين لسانك في البداية ولا ترادينه وخلي ردودك عليه تتسم بالذكاء والمزح وايضا التودد كذا بينقلب الشجار لعياره وهذا اللي يحبه الشمالي
غير كذا بيتك كيف ما يكون مرتب وانت واياه بس ! معليش للحين ما جاك طفل لازم ترتبين امورك وتنظمينها بحيث تقدرين تتعاملين مع حياتك
بكره بيزيد الحوسه وقل النوم والعصبية اذا ما حاولتي تتغيرين وتنظمين حياتك صح

ارسليله مسج وقولي يافلان انا مرررررا مشتاقة لك وتعودت عليك ولا اقدر اعيش بعيد عنك .. احجزلي اذا هالشي مايضايقك .. وشوفي رده اذا يبيك بيحجز اكيد واذا اعتذر اعرفي انه جد انشغل عنك لازم حبيبتي تراجعي نفسك وتمسكي لسانك كم بنعيش مره في ذا الدنيا ؟ بكره رح تندمي لو خسرتيه للأبد