مرااااااااحب الغالية ......نيــارة :27: :27:

فعلا إن الإخت mantty
تتميز بمهارة فريدة وعزيمة قوية
أرجو أن تبلغيها إعجابي الشديد بها :26: :26:
وشكري لها لحرصها على نفع أخواتها
وأنني من المتابعات لهذا الموضوع

وشكرااا ,,,

البرواز ....أشكر متابعتك لنا في قسم الديكور

سارية ...صديقتنا تتابع ردودكم باستمرار .....و هي جداً سعيده بها

كما وعدناكم نتابع الأن مع المدخل

يالله نبدأ بسم الله
المدخل عباره عن شكل مربع صغير امامك جدار وعلى يسارك زاويه كلهم ممكن نستغلهم بس فيه مشكله ....
المكان مره صغير ما يبغاله اشياء كثيره وكان فاضي ما فيه الا الموكيت.......يا ربي اش اسوي....... ايش اسوي ؟؟؟؟؟

بديت بالزاويه وركبت فيها طاولة مدخل صغيره وساده لأن الأثاث الكلاسيكي ممكن يقلل المساحه وبعدين حطيت فوق الطاوله مرآيه على شكل مربعات متراصه جنب بعض

وحولينهم رسمت زخارف بأوراق الشجر تشكل قوس (زي الصوره المرفقه بالضبط )واعلى القوس خليت الأوراق تكبر ويتخللها عناقيد العنب........


وعلى الجنبين شفت في احد المواقع شمعدان(زي الصوره) يتعلق على الجدار بس من وين اجيبه .....؟؟؟؟؟؟

وقلت لنفسي ليه ما احاول اسوي زيه....وفعلا بديت افكر بالطريقه لين هداني ربي.....وهي كما يأتي :

تعرفون اكيد العلاق الحديد الي يجي مع الملابس من عند المغسله
جبته وفكيته وجلست احاول اشكل نفس شكل الشمعدان ومن هنا ومن هناك لين ما ضبط معي وبعدين لفيت عليه من شرائط الورق الي خاصه لتغليف الهدايا بلون اخضر زيتي وبعدين رشيته ببخاخ ذهبي على شكل بقع يعطيكي شكل معتق وشكلت عليه بعض اوراق الشجر بطريقه فنيه زي الصوره بالضبط وسديت الفتحه الدائريه الي تشكل القاعده بورق مقوى وركبت الشمعه............
بالله عليكم ماني فنانه اي احسن انا ولا ليوناردو دافنشي......وحده شايفه نفسها

الشمعدان طلع مناسب مع الرسم وطلع المدخل ياسلاااااام يفتح النفس

ولاننسى نرتب على الطاوله بعض الأشياء الحلوه ....
فازات......
اصيص نبات طبيعي صغير ..........
واطارات مناسبه فيها ادعية الدخول والخروج من المنزل او اية الكرسى والمعوذات



والجدار الي امام الداخل ماسويت فيه شئ كثير يعني بس علاق صغير للعبايات ورفين على الأرض للأحذيه الله يكرمكم احس انه محتاج اضافات الى الآن احسه ناقص
يا ليت الي عنده اي فكره ما يبخل علي .......

اختي ميمي ونياره وباقي امورات المنتدي ساعدوني ترى العين ما تعلى على الحاجب وانا بدون دعمكم ولا شئ......

باقي الجزء الثاني من الصاله في الرساله القادمة

ماشاء الله والله لايضرك .فعلآ شىيبهر وخاصة فكرة العلاق مسكته والله انى من فتره اتجمعت عندى العلاقات وقلت مستحيل ارميها اكيد بكره نياره وميمى وبقية الاخوات انهم يلاقون لنا شى نسويه فيها وصدق ظنى وما خيبتوه .ولك اختى manty كل التقدير والاحترام ومزيد من الافكار الرائعه حقآولا تطولين علينا نيوره بالجزء الباقى والله يوفقكم لما يحبه ويرضاه

حرفZ .....
أنا مثلك أبهرتني
بصراحة فكرة الشمعدان بالعلاقات مسكته ....
بدون مبالغة أو مجاملات فنانة و مبدعة .....

بالنسبة للجزء الثاني أنتظرها ترسله لي ....
و إن شاء الله قريب ينزل لكم

ماشاء الله عليها.

فكرة الشمعدان رائعة .

الله يعطيها العافية فنانتناmantty

بالله يانيارة بلغيها إعجابي بفنها وسلامي.

الله يسعدها.

أختك:هموسة