ها أنا أعود بمشاركه جديده مع إبداعات معشوقتي الشكولاته..
مشاركتي الأولى كانت:
http://forum.hawaaworld.com/showthread.php?t=3446716&page=10
وارم مولتن كيك أو الـ لافا كيك..
نجي لـ حلانا اليـــــــوم لذيذ بشكل، و هو بكامله من إبتكاري لا هو تطبيق لأحد و لا فكرته من موقع بل فكرتي أنا خالصه مخلصه..
~~نحتاج التالي:
ْشكولاته خام (السودا أفضل شي)
ْشكولاته بيضا (ممكن تستغني عنها و تكتفي بالخام في كل شغلك)
ْتوفي (ممكن تستخدمي الجاهز)
ْحليب مركز (أنا جهزته في البيت)
ْجوز هند
ْبندق(اختياري ممكن تستغني عنه)
ْبسكوت دجستيف (ممكن تعملي كل الحشوه جوز هند بس أنا ما أرغبه كتير)
إذا عندك قوالب السيليكون الصغيره المخصوصه للشكولاته أحسن ، أنا ما عندي فـ استخدمت أكواب الورق (البلاسيه) الحجم الصغير و مشي الحال متل ما رح تشوفو..
~~نشوف الطريقه:
ْسخني الحليب السائل لدرجة الغليان و صبيه على جوز الهند واخلطيه معه مع القليل من الفانيلا الى ان تتكون عندك عجينه لا سايله جدا و لا جامده جدا ، أنا عملتها على العين بدون مقدار لكن تقريبا لكل كوب جوز هند كوب حليب مركز ،و الحكمه من غلي الحليب المركز هو انه يخلي جوز الهند يفشفش عندك و ما تكون الحشوه ناشفه و جوز الهند قاسي..
ْذوبي الشكولاته البيضا و اعملي فيها خرابيش في القاع متل الصوره و حطيها في التلاجه تبرد و ممكن تستغني عن هـ الخطوه و تبدي بالخطوه التاليه..
ْادهني القوالب بالشكولاته الخام المذابه و تأكدي انها تغلفت كويس علشان ما تتفتت معك بس تفكيها ، و حطي البندق لو استخدمتيه..
ْبعد ما تتركيه يبرد في التلاجه تماما ، طلعيه و حطي في القاع توفي تقريبا نص ملعقه صغيره ، و فوقها خليط جوز الهند بعد ما تبرديه و واسي السطح..
و هون أنا جمعت الخطوتين اختصارا للجهد في تحميل الصور..
ْحطيها في التلاجه على ما تسيحي الشكولاته للتغطيه..
هون بعد ما طلعتها من التلاجه و لاحظو اني حشيت الأكواب اللي دهنتها بشكولاته بيضا بالدجستيف المفتت علشان أميزها و من باب التغيير..
ْغطيها بالشكولاته المذابه و انا خلطت بيضا مع القليل من الخام علشان تعطي المنظر الرخامي..
ْبرديها في التلاجه و بعدين طلعيها من القوالب ( أنا قطعت الورق من حولها )
هاي أول صوره..
كمان وحده..
و شوفو من جوا كيف التوفي مع جوز الهند..
~~حبيباتي لكم حرية الإختيار في نوع الشكولاته و كيفية استخدامها و ممكن تعمليها كلها بنوع واحد (خام أو بيضا)
و ممكن تتحكمي في الحشوه حسب ما تحبي..ممكن كمان توفي و شعيريه باكستانيه
أو توفي و مكسرات
أو توفي و فواكه مجففه
أنا حبيت أعطيكم الفكره و يا رب تكون أعجبتكم..
و اللي بتصلحه و تقهويني و الله ما أردها هههههه
قبل ما أعتمد الموضوع ، أسأل الله الكريم رب العرش العظيم لي و لكم صلاح الحال و هداة البال و فلاح الذريه و سعة الرزق و للمتأخرات الذريه الصالحه الفالحه و للعازبات الأزواج الأتقياء الأغنياء و للمرضى الشفاء العاجل و للموتى الرحمة و المغفرة..
دعواتكم خواتي و لكم بالمثل يا رب
نسيت أشكر مهجة قلبي و نظر عيني و نطفة فؤادي بنتي لأنها سلّفتني صحنها علشانه مسطح و حوافه عاليه و لا قالت شي هههه ، الله يحفظها و يبلغني فيها و في اخوانها