الله يشفي بنتك

اسال الله العظيم رب العرش العظيم ان يشفي بنتك ويجعلها قره عين لك ياحي ياقيوم

اسأل الله ان يشفي بنتك شفاء لايغادره سقما
ويطلق لسانها ويطلق لسان ولدي ربي يحفضهم ونفرح فيهم ان شاء الله

حبيبتي انا ماعندي القياسات المعياريه ممكن استخدم للمعيار كاس جبنة بوك
وثاني سؤال ماعليك امر ممكن تكتبي بالتفصيل يالغاليه ايش هي المقادير الجافة والسائلة
بالتفصيل ايش انحط وايش نسوي لأني جربت عجاين وكلها راحت خساير وتعقدت اسوي بعد كذا
لكن ان شاء الله بجرب حقتك وادعيلك كل ماسويتها انتضرك ياقمر لاني بسويها اذا ربي راد اليوم بروفة لرمضان
الله يعيدها علينا وعليكم بالصحه والعافيه يارب

اسال الله ان يشفي بنتك يارب العالمين

جزاك الله خير الجزاء على دعواتك


بالنسبه للمقياس اي استخدمي كاس الجبن السايل ينفع

واهم شي اعجنيها تقريبا عشر دقايق لو بيدك وكل ماطالت فترة العجن افضل

ولو بعجانه سبع دقايق تقريبا




بالنسبه للطريقه والمقادير مثل ماكتبتها





...............


الطريقه

نخلط المقادير الجافه اولا

(الدقيق+السكر+الحليب النيدو+ بكنج بودر+خميره +ملح)

ثم نضيف السائله.....(الزيت+ثلاث ارباع كاس اللبن السائل+زبدية اللبن الزبادي)


......ونعجن اقل شي عشر دقايق....حتى تتكون عجينه تلتصق باليد قليلا..


نتركها ساعه تتخمر


ثم نشكلها ونتركها خمس دقائق (اكثر تتركينها افضل لين تشوفيها انتفخت شوي ربع ساعه او ثلث ساعه بس لو مستعجله خمس دقايق كافي)

وندخلها الفرن مراح تطول عشر دقايق او ربع ساعه كافيه...حتى تتحمر شوي



ملاحظه..(ممكن تضيفي شوي دقيق لو احتجتي المهم تكون العجينه معك ناعمه وتلتصق قليل مو قاسيه)


ملاحظه2: للحصول على لون ذهبي رائع اخلطي حليب ابو القوس مع صفار بيضه مع قليل من الماء.وادهني فيه وجه العجينه او حوافها بعد الانتهاء من التشكيل كاخر خطوه




.......



المقادير مره ثانيه:


3 ونصف كاس دقيق (لازم كويتي)

3 ملاعق كبيره حليب نيدو

3 ملاعق كبيره سكر

ملح ملعقه صغيره شاي

1 ملعقه كبيره خميره

1ملعقه صغيره باكينج بودر

ربع كاس زيت

ثلاث ارباع كاس لبن سائل (المراعي او الصافي او الطازج).........(هذا سر البياض بالعجينه)

زبدية لبن زبادي صغيره ام ريال