إبنة زوجها

حبيباتي بحكيلكم مشكلة لرفيقتي الله يرزقنا وياها الحكمة والموعظةالحسنة
رفيقتي بنت ملتزمه وخلوقه ومثقفه وله مكانتها في المجالس عمرها تقريبا 29
تزوجت رجل له ابنه من طليقته اللي طلقها من 14سنه طبعا هو يتيم ابوين وزوجوه وعمره 17سنه تخيلو وطليقته اكبر منه ب3سنوات
المهم مااراد الله تكمل حياتهم وانتهت بورده مالها ذنب الا انها تكون ضحيه طلاق
كان عمرها سنه وتربت عند امها رغم زواج الام
شاء الله واصبح عمر الرجل في 32 وقرر يتزوج وتزوج صديقتي رجل محترم ذو خلق ودين ومرتاحه معاه جاب بنته وسكنت عندهم
تقريبا البنت لها سنه ونص عندهم وعمرها تقريبا 15 مؤدبه وشطوره وهاديه
بس الفتره الاخيره زعّلت مرت ابوها كثير وعاتبتها رفيقتي وزعلت منها هي لاحظت ان البنت ملت وطفشت واهملت نفسها وترتيب غرفتها وتطنش احيان كلام مرت ابوها وتنصحها بأشياء وتقول طيب وماتسويها تكذب عليها في امور ....لو غلطت مستحيل تتأسف او تستسمح او تعتذر مرت ابوها تقولها لاني طيبه معك انت تسوين معي كذا احترميني مثل مااحترمك....وصدقا رفيقتي غيرت البنت وعلمتها على اللبس والاناقه والنظافه الشخصيه وكيف تنسقين الالوان وترتبين شعرك بكذا تسريحه يعني البنت تغيرت 180درجه بهيئتها وهذي شهادتي انا والله فرق كبير جدا كيف كانت وكيف صارت
المهم بعد المشاكل الاخيره اللي صارت
رفيقتي قالتلي صرت معها حيل حيل رسميه ابي تعرف اني زعلانه منها ودي تعتذرلي وتحس بخطأها بس ابدا البنت ممشيه الوضع عادي ورفيقتي تقول بصير رسميه علشان ماعاد ابي تصير مشكله وازعل منها اكثر تقول لو طبخت اي شي او سويت حلى اوصله لغرفتتها وادق الباب واروح بس لو الاب موجود وكنت طابخه ناكل كلنا على سفره وحده
لان الاب فتره الظهيره بالاغلب في الدوام والعشاء احيان يتعشى تقول واحيان لا
هي تسألني هل علي ذنب اني اعاملها برسميه وتحس زوجها متضايق شوي بس هي قالتله ودي اعيش معاك بهدوء وسلام وماودي تنشحن القلوب اكثر اهم شي ماتوصلها مني اذيه او حرمان فالرسميه افضل مع الاحترام المتبادل
للعلم البنت لها قسسم خاص فيها ودايما جالسه فيه وماخذه راحتها ماحد يضايقها ...
اتمنى من اخواتي وحبيباتي في الله ان يدلو بدلوهم في هالموضوع وهل اللي عملته رفيقتي جائز
ودعواتكم لها بكل خير