إبني شاذ جنسيا ..!! والحل ؟

بسم الله الرحمن الرحيم

لدي ابني البكر عمره 16 و داخل على الـ17 بعد شهر .. زمان و هوة صغير كنت الاحظ عليه علامات ما كنت احطلها اي عين من الاعتبار .. مثلا كان كثير التعيري .. واخذ هذه العادة من والده .. وكان ولد ابوه المدلعو طول الوقت و عمرو ما رفضلو طلب و عمرو ما رفع يدو عليه و اذا مرض كان ينومو في حضنو .. الصراحة و انا كنت اغير من دي العلاقة .. المهم مرة قبل كم سنة يوم كان ولدي عمرو 13 سنة .. اكتشفت انو يخش احد المواقع الاباحية الخاصة بالشواذ جنسيا .. كلمت ولدي قلي لا عادي اتفرج كل شي حلينا الموضوع بالتفاهم .. قريب و قبل شهر تقريبا جاني ولدي و قلي ماما ابغا اكلمك في موضوع .. المهم قعد يلف ويدور و انا كنت مستلطفاه عشان ما يحس اني حظعل او شي زي كدا المهم حكاني انو يحب واحد ولد عندو في المدرسة يعني زي حب الولد للبنت والعكس .. حاولت اقلو يعني الولد سوالك شي قلي ولدي لا ولا لمسني قلتلو طيب فين دا الولد قلي معاية في المدرسة .. بصراحة اتعجبت وقعدت افكر .. افتكرت انو مرة قلي انو يحب وحدة بنت .. وفي الأخير سابتو عشان واحد تاني عاد تعرفو المراهقين و عمايلهم .. المهم جا في بالي انو دا السبب و جا برضو انو ما حس برجولة في البيت بحجة انو ابو طول وقتو مدلعو .. ولدي انا احبو وخايفة انو يسوي حاجة غلط هوة انسان انطواءي و الصراحة انا اشوف انو كل الناس تحبو .. بس هوة ما يحب الناس .. يحب يقعد لوحدو .. هادئ بطريقة عجيبة .. ما يحب يتكلم كثير .. عمل اختبار الذكاء درجتو طلعت 163 .. قولو ما شا الله جربت اوديه دكتور نفسي ما نفع حاولت اوديه لشيخ عشان يتفاهم معاه برضو ما نفع ..
ساعدوني خايفة من عذاب ربي عليه