ميمي كيوت ميمي @mymy_kyot_mymy
عضوة جديدة
إبني شاذ جنسيا ..!! والحل ؟ ( الجزء الثاني )
يا بنات ألحقو علية و على مصيبتي .. عارفة انكم حذرتوني بس الي صار صار .. ولدي عزم صاحبة عندو في البيت عشان يبات معه .. انا ما رفضت الفكرة عشان ممكن يحس بالرجولة .. المهم دخلت عليهم و لقيتهم بوضع مقرف .. كرهت ولدي يا نااااس .. قاعد يبوس الولد ... المهم انا ما طولت بعد يوميت سافرت برى ورحت لدكتور نفساني متخصص في كندا .. طبعا كلمت زوجي زي ما نصحتوني .. المهم بعد ما انتهت الجلسة الأولى الي دامت ساعتين و نص خرج الدكتور يقول .. ولدكم عندو الانحراف مو شهوة بس صارت غريزة و هوة يحب الولد الي كان معاه .. قلتلو كيف كدا يا دكتور دا كلام مو معقول ؟!! قال الموضوع حيطول عشان هية في أشد حالاتها ولا تخافو الولد ما سوى العملة الكبيرة بس بوس وزي كدا .. قلتلو طيب يا دكتور في اسباب ؟! قال عندو اسباب كثيرة .. ولدك يحبك لدرجة انو ما يتخيل نفسو مع احد من جنسك ( الجنس الناعم ) .. ودي تقريبا اكبر مشلكة .. ( وفي غيرها بس افضل اني اسكت عنها ) .. قلتلو طيب يا دكتور هوة ما عليه علامات انو منحرف يعني في اللبس او اي شي زي كدا .؟ قال الدكتور السبب يرجع انو انسان عادي بس مجرد انو غريزتو تقودو لحب الأولاد عشان اخد صدمة من البنات .. وبس وصاني عند احد الدكاترة هنا في البلد عشان يكمل معاه .. :44:
17
3K
يلزم عليك تسجيل الدخول أولًا لكتابة تعليق.
الله يشفيه يارب ويصلح حاله ويرزقك صلاحه وبره اكثري من القراءة عليه وحاولي انك تشغلينه برحلات وسفر وشغلات كثيرة ممكن تنسيه هالاشياء الي يحب يسويها
الصفحة الأخيرة
الله يستر على امة محمد يارب والله اكثرت هالمواضيع بشكل الله يحفظ عيالنا ويهدي ولدك يارب