اغلب بيوتنا تحتاج عاملات
يد العون بعد الله💛
و اليد المساعِدة💛
الاغلب بيوتهم كبيرة
او مسؤولياتهم كثيرة
او حالتهم الصحية متدنيّة
لذلك نرضا ب الامر الواقع و نستقدم الحبايب👀
الموضوع مهمة قراءته من كل النواحي
يوم كامل اكتب و خففت منه قدر الامكان ف يارب ما يكون ثقيل عليكم 💛✨.
لازم لكل منزل اتيكيت ، لكن اتيكيت التعامل مع العاملة شيء اخر و مهم ..
🎀عدم كسر الحواجز بينك و بين العامِلة..
ذي النقطة هي على رأس كل النقاط✋🏻، اذا هدمتيها فاصبري على متاعبها يا عزيزتي☺️هذا ما جنته ميانتك☺️❌ اغلب العاملات بس يحتاجون الضوء الاخضر من كسر الحواجز 💡عشان يتمادون في اسلوبهم و طريقة عملهم و تحكُمهم🤨 و هذا الشيء يُفترض يكون من الربّة مو العاملة✅انتبهي..
🎀الإحســان..
احسانك للعاملة و احترامك لها راح يكون لك مفتاح في انها تقابلك ب نفس الاسلوب 💗 ابداً لا تحقرينها💔 لا تجـرحينها او تحـرجينهاقدام اطفالك او زوجك او ضيوفك ❌ لا تهددينها ب انك ما تعطينها محصود تعبها (الراتب) ، او انك فعلاً تحرمينها منه💸 و نتذكر قول النبي ﷺ: يقول الله: ثلاثة أنا خصمهم يوم القيامة، ومن كنت خصمه خصمته، رجل أعطى بي ثم غدر، ورجل باع حرا فأكل ثمنه، ورجل استأجر أجيرًا فاستوفى منه ولم يعطه أجره.✨ ، لو حسيتيها متضايقة من شيء فعلاً ينكّد خذي بخاطرها ب اسلوب لطيف و قصير الوقت ، لا يمر يومك كله و انتِ تستلطفينها، الكلمةالطيّبة صدقة ، تخفيف العمل عليها وقت مرضْها💗
🎀كفّ الاذى ..
كفّي اذاك عن العاملة 🚫 مو شرط تخلينها حديث المجلس للفضفضفة و الشكوى❌ اعزليها عن مشاكلك الاسريّة و الزوجيّة✋🏻يعني مو وقت هوشتك انتِ و زوجك تحطين حرتك فيها ، او ولدك جننك تقومين تنفخين عليها انها ما مسكته عنك❌ غلط .. لا تخلينها تنام في بيت اهلك او اهل زوجك بحجة انك زعلانة عليها و قاعدة تعاقبينها ، لا تكلفينها ب مهمات اكبر من طاقتها عشان انك مقهورة منها🚫 اوتحرمينها اغراض شخصية هي في حاجتها..
🎀تهادوا تحابــوا ..
لطيف منك تهدينها في مناسبات معيّنة💗 مثلاً عيد✨، او سافرت لبلدها فترة و ترجع تشوف قدامها هدية ✨، كسوة بسيطة بالذات قبلحلول الشتاء ، حتى لو سليبر يدفيها من برودة السيراميك او جاكّيت واحد راح يفرّحها💗
🎀الإنسـانيّة..
هي حالياً دامها على كفالتك و تاكل من اكلك و تنام تحت سقفك ف هي زيها زي اليتيم اللي يكفلونه وجَب عليهم الاهتمام💛، تمرَض! وديها للمستشفى ، يدينها جافّة! وفّري لها مرطبات و قلفزات
، وفّري لها اغراضها الشخصية الخاصّة اللي تحتاجها اي انثى
(ديودرَنت ، فوَط صحيّة ، فوَط يوميّة ، شامبو ، فرشاة و معجون ، غسول للمنطقة ، ملابس داخلية ، مشط ، لابيلو ، شفرات)🧼🧴
>>و هذا يكون ضروري توفّرينه من مصروفك قبل لا تدخل بيتك .. و بعدها من راتبها الشهري توفّرين نواقصها💗💸 هي اللحين في امانتك لا يقصَر عليها قاصر من الاشياء المهمّة✨ تحسَسي وجباتها المفضّلة💛 و صيري وفّريها مع مقاضي مطبخك ، هم زيّنا يشتهون اكلات تالي ليل و في الصباح ويخطر ع بالهم مرة حالي و مرة مالح ومرة حامض💛 و يحبون الاندومي صدقوني☺️🍜
🎀مواعيد و مواقيـت..
دائماً و ابداً خذيها قاعدة يمشون عليها عاملاتك من اووول ما يجون✨ (لستة مواعيد شهريّة تكون خاصّة لهم) 👌🏻 في اللستة حددي تاريخ لطلعتهم الشخصيّة 📆>> عاملتك تحتاج السوق زي ما انتِ تحتاجينه ، تحتاج بدْلات للبيت تحتاج اغراض شخصية من الصيدلية تحتاج بجايم نوم او ارواب ، حددي لهم اوقات للتواصل مع اهاليهم مثلاً بعد مرور كل 5 ايام📞، حددي لهم تاريخ يكون نازل فيه راتبهم الشهري💰، حددي ساعات عملها و موعد نومها و اخر حد ل موعد صحوتها⏰ ..وهكذا💗 ب المختصر👈🏻نظمي جدولهم افضل لهم ولك ..
🎀 المسؤوليّـة..
عاملتك جت گ عاملة منزليّة فقط لا غير ✋🏻
ما جت گ مربّية و طبّاخة ❌ على كل ربّة منزل انها تقوم بدورها گ ام و صاحبة طبخ و ربة منزل .. ضروري تفرّقين بين مسؤولياتك ومسؤولياتها ✨عدا وجبَاتها هي اذا انها ما تفضل اكلكم فمو مشكلة عطيها حرّيتها تطبخ لنفسها ما تشتهي💗
🎀المراعــاة..
راعي اختلاف لهجتها عنكم ، لا تستعجلينها في انها بطيئة في فهم لغتكم مثلاً✋🏻 وفّري لها كتيّب ترجَمة صغير يضم اهم المصطلحات اللي تحتاجها💛 راعي اختلاف المنازل ، غالباً منازلهم او مأوى معيشتهم صغير و بسيط و بدون تكلفة فما يحتاجون الجهد الجهيد في العمل والتعب🏕عكس بيوتنا كبيرة و اكثر من طابق و اثاث باحجام كبيرة و سلالم متعِبة و مسؤولية اضعاف مسؤولية مأواهم الصغير.. فترة و تتعود و مع الوقت راح تتمرّن💛✨ راعي اختلاف توقيتهم عنّا ، البعض يتعبون في البداية بسبب اختلاف توقيت النوم و الصحوة بيننا و بين بلدهم⏰☀️
🎀التعليمات..
خبريها عن دستور منزلك💘عن طريقة شغلك و مواعيد اعمالك اليومية و الاسبوعية✅📆 و بالاصح خليها اول سبوع تشوفك حتى تتعلم منك جدولك و طريقةعملك💗وضحّي لها اسماء المنظفات و كيف تُستخدَم و ايش الاشياء اللي تستخدمها لتنظيف دورة المياة فقط عن ادوات تنظيف باقي المنزل🚽
🎀المحضورات..
من اول يوم وصول لهم في منزلك عطيهم تعليماتك المهمّة👌🏻 المحظور و المباح✅ ب اسلوب رقيق و لطيف 👇🏻
ممنوع جوال او شريحة خاص لك❌ ممنوع السهَر❌ ممنوع مجالسة الاسرة في حال وجود رجُل بالغ❌ممنوع انتقاء الزيّ الضيّق او العاري سواءاً زِيّ العاملات الرسمي او زِيّ النوم❌ ممنوع فتح الايشـارب عن الشعر❌ ممنوع تطلّع الزبالة لسلة المهملات اللي بالشارع❌>>و عاد كل ربّة منزل تحدد المحظورات اللي ما تبيها مو شرط نفس ما ذكرت انا .. يعني خذي من كلامي اللي يعجبك واستثني اللي ما يعجبك☺️✋🏻💛
🎀المظهَر والإتيكيت..
عاملتك صُورتها من صُورتك💗 انتقي لها الزيّ الرسمي الانيق الخاص للعاملات👕🦋 السليبر او الشوز المهذّب🧦👟🦋لون الايشارب المناسب لبشرتها و ملامحها🧕🏼🦋اذا حسيتي ان طريقة اكلها غير مهذّبة خليها تشوف طريقة اكلك و مسكتك للملعقة و تحديد شقك و مع الوقت راح تكتسب الاتيكيت منك🍜🦋احرصي على تشجيعها في تنظيف نفسها بشاور ب شكل يومي قبل النوم🛁🦋لان في بعض الدول العمالة منهم غير مهتمّين بهالنقطة ابداً ، احرصي انو من اول ما تدخل المطبخ و تبدا شغل تشتغل ب قلفزات حتى ما تتأذى بشرتها💛🦋 احرصي انها ما تطلع من غرفتها في الليل ابداً الا و هي لابسة روب طويل فوق بجامتها🥼 (لعدم لفت اي نظر من قِبل الذكور) لكن بدون ما تخبرينها السبب🦋
🎀لكْ..
مو شرط تاخذين العاملة في كل مكان تروحين له❌ بتطلعين في الشهر اقل شيء 10 مرات ،، مطعم كوڤي جمعات مستشفى سهرات اسواق زواجات...الخ) ف الافضل ما تعودينها💛 .. الا لو عندك عذر و كان ضروري وجودها معك .. خلي طلعاتها معك محدودة و اختاري الاماكن المناسبة💗 ضروري تفتيش اغراضها اول يوم توصل فيه بيتك و اخر يوم بتطلع فيه من بيتك🧳و الاهم من كذا هو عمل فحوصات وتحاليل شاملة لها من قبل لا توصل بيتك🦠💉 اغراضها الشخصيّة ضروري تكون عارفة انها من مكافئتها مو من مصروفك💛 اسرارك موشرط تعرفها 🚫 مناقشاتك الحادة مع زوجك ما تكون قدام عيونها✋🏻 ابداً لا تطغين على اطفالك ب الضرب او الالفاظ قدامها انتبهي انتبهي انتبهي🚫بيتك ركّبي فيه كاميرا (عدا غرفتها❌)و خبّريها بوجود الكاميرات🖲 غرفتك ما تدخلها بتَة البتَّـة❌وقت غضبك منها التزمي الصمت معها لفترة طويلة حتى لو ايام ، ثم اذا بدت تحتك فيك من باب الاعتذار ناقشيها ب هدوء و عقلانية انتبهي اذا غضبانة تجادلينها ب الفاظ او مدّةاليد👋🏻 انتبهي لتصرّفات اطفالك معاها✋🏻✋🏻حركة انهم يمططون ملابسها او يشدون شعرها و انتِ تضحكين او يرمونها ب اي اداة اويتلفظون عليها او يبصقون بوجهها او يرفعون صوتهم عليها ف هنا يا عزيزتي صلحي لهم آبديت تربية✋🏻🚫 ضروري توجّهينهم وتحذرينهم و تحثّينهم ع احترامها و تعلمينهم ب حدودهم معاها ..ضروري .. ضروري💗 باب بيتك يكون مقفل ب المفتاح تماماً🔑 الهدايا خليها مرتين ب السنة لا تكثرين ابداً ❌✋🏻انتبهي لملابسك قدامها ، اطفالك ابداً ما يفسخون او تغيرين حفوظاتهم قدامها ابداً ابداًابداً❌ اذا عندك اولاد في سن المراهقة او اكبر ف هنا وجَب عليك توسيع مسؤوليتك اكثر و اكثر ، يعني عينك ع العاملة و على ولدك الشاب👀 ب الصيدليّة عينك لا تنشال عليها ضروري تكونين جمبها تشوفين ايش الاشياء اللي قاعدة تشريها (لكن بدون ما تحس انك تراقبين)>> هالنقطة وضحتها للحيطة من بعض الاشياء زي حبوب منع الحمل او اي شيء مثير للشك..💊 من ناحية مكافئتها الشهرية ضروري عليك الحرص على هالاشياء👈🏻(توفّرين دفتَر صغير و حبر البصمة الازرق ، اكتبي فيه الراتب اللي عطيتيها اللحين مع التاريخ و اليوم و خليها تبصّم على انها استلمته سواءاً راتبها بتحوّلينه ع حسابها او بتعطينها في يدها)
يعني زي كذا (1000﷼،الاثنين،27ينايـر،2020)و تحته تحط بصمة إبهامها ثم رجعي الدفتر و الحبر لمخبأ سرّي ب غرفة نومك.. هالدفتر انقذ عوائل كثير من افتراء بعض العاملات صلحيه من باب الحيطة لااقل ولا اكثر💛🦋.' غرفة نومك ما تطلعين من بيتك الا لما تقفلينها ب المفتاح اذا ان العاملة ب تبقى ب البيت💛اذكاركم اليومية صباح ومساء و لا تنسين تحصنين اطفالك و حتى زوجك💛🦋 الاذكار تحفظ من اذى الانس و الجن ب اذن الله💗
هنيئا لك هذا الرقي
🌱🌱🌱🌱🌱