إتيكيت الزيــارة المنزلية🏡🧘🏻‍♀️☕️..' متنرفزةة🔪🔪

تعالوا نفضفض ل بعض عن اشياء تضايقنا في ضيوفنا عسى و لعل ينتشر الوعي و الاتيكيت بين خلايق الله 😤😤


اي نصيحة توجهينها ل ضيفتك اكتبيه هنا👇🏻👇🏻...)


بسم الله نبدأ🏃🏻‍♀️🏃🏻‍♀️>>سباق هجن مو موضوع😹


طبعاً امس جوني ضيوف و كل مرة اقول يارب هالليلة تعدي و تكون جميلة و ما ينفحس قلبي😫♥️لكن الا م تصير اشياء ممكن هي بسيطة لكن خلاص فحست قلب ابو قلبي والله🙂😤


كل اللي بذكرها هنا هي اللي صارت امس👇🏻


الشوز👟<<اكرمكم الله .. انا ما يصعقني الا ذي اللي تتمريح وسط بيتي و تتمخطر ب شوزها!! خير ي ابو الشباب وين !! لايكون ب الربع الخالي حنّـا و انا مادري؟!


اتعب من قبل لا تجي الضيفة ، اكنس الارضية و اغسلها ثم اطهرها و امسحها و المعها لعيونك عشان تجين تلقينها تبرق برق✨✨ و بالنهاية و في اقل من ثلاث ثواني تجين تطبعين بصمات شوزك ب الارض ؟😶 و اااآآخخ اذا كانت الارض سيراميك 💔 هنا البصمة تطلع اكبر من وجهها، تدخل ب الشوز ع اساس انو ما فيه تراب و هذا اهم شيء عندها ما درت ان وطية الشوز نفسه تطبّع و تترك اثر ب السيراميك ، طيب ي بنت الناس باقي بتجي ضيفة بعدك ب ثلاث دقايق ، اقعد امسح ورى بصمات حضرة جناب شوزك ؟ اااهه هني عين من اخذ هالشوز و لبد به ملامحك ي شيخة😤

للاسف اعتبرها قلة ذوق اللي تدخل ب شوزها بيوت خلق الله من باب الكشخة و هي لو جينا للصدق تلاقونها ب بيتها تمشي حافية و بدون جوارب و كعب رجلها كنه مشابك يشيل الموكيت شيل😤😤و عندي مسوية نفسها اتيكيت🙂


>>طبعاً اختكم في الله دابلتن تسبدها من هالنوعيات اللي يتمخطرون ب شوزاتهم وسط البيت😹 لا و اذا انها كعب يتمخطرون اكثر و اكثر عشان يستمتعون بالصوت 😤😤


صعبة على صاحبة البيت تقوّمك او تقول لك قومي افسخي شوزك عند الباب يا فلانة ، احترمي بيوت الناس😤


الناس يحطون جزامة عند المدخل عشان تحطين شوزك فيها
و حتى لو ما حطو الجزامة خلي شوزك عند الباب ، ابداً لا
تقعدين تكشخين به داخل البيت عيب ...!✋🏻
اشوف انو من الذوق تاخذين معاك بالشنطة جوارب او السليبر او اي شيء يريحك و تلبسينه اول م توصلين لصاحبة البيت ♥️
انتِ كذا بتكونين في نظرها ذوق و قمة الادب و الاحترام و بتحبككك يخي ♥️✨
🌟🌟🌟🌟🌟🌟🌟🌟🌟🌟🌟🌟🌟🌟🌟🌟


الجوال🤳🏻📱يوووه عاد ذا اعتبره ضرتي🚶🏻‍♀️💔
تقهرني ذي اللي تسوي لي فيها انها مرررررة مبسوطة بالعزيمة و متحمسة عششان تجي و نسولف وان عندها ثلاثة طن سوالف و و و ...)


و بالنهاية ااذا جت تكون ثلاثة ارباعها على جوالها 😑😑
ليش جيتي طيب؟؟؟😒😒


عاد ذي تهوووون عند ذيك اللي لاصارت ع الجوال و مديتي لها فنجال القهوة و قلتي "سمّي" تنكسر يدك و هي ما باقي اخذت الجوال و فااغغغغغرة في جوالها لدرجة انها ما درت عنك انتِ و يدك اللي بغت تنكسر و انتِ تمدين لها ب الفنجال ،


و بالاخير توطين فنجالها عندها ثم بعد ما تصصحصح من الدلاخة اللي كانت بينها و بين جوالها تقول لك👈🏻 "هاه! ايش ي قلبي؟"


يشيخة اقتلبوا عقل شيطانك و انا استغفرالله العظيم و اتوب إليه ، اشربي قهوتك عساك ما شربتيها الا 🙁🙁!
نفسي اقول لهم المرة الجاية تعالوا بلا جوالات😤😤
🌟🌟🌟🌟🌟🌟🌟🌟🌟🌟🌟🌟🌟🌟🌟🌟


سوالف الزوج💏🧔🏻>> 🤮🤮🤮🤮🤮🤮
لما تجي وحدة و تفتح موضوع الزوج مرة ، مرة ثانية ، مرة ثالثة و رابعة و عاشرة .. ياختي خلاااععععععصصصص يرحم اهلك هبي شحمة 😩😩💔


طول الجلسة ما معها الا زوجي و زوجي ، زوجي و زوجي ، زوجي و زوجي ...)
جاب لي
قال لي
صلح لي
سفرني
مشاني
وداني
ثم تتطور السالفة الى اشياء زوجية خاصة عيب و حرام تنذكر ل احد...🔞❌)!


🏃🏻‍♀️🏃🏻‍♀️🏃🏻‍♀️هات الخيزرانةةةة
كيف تتصرفون مع هالفئات و ايش نصايحكم لضيوفكم خلوهم يقرونها هنا عسى يرتقون شوي😤