إتيكيت تصرفاتك في العمل 💗🌧.

العمل مكان مهم جداً وانتي محاسبه فيه ب مكانتك
واخلاق الناس المهمين هناك معك ف بعلمك شلون
تخلين لنفسك بشغلك وزن ومكانه حتى لو كنتي تعملين عمل بسيط جداً🌧✋🏻.
_______________________

حابه أبدا في معلوماتك مع زميلاتك وليس صديقاتك
يعني زماله فقط :

🩰: حياتك الشخصيه ترمينها عند الباب قبل تدخلين
الغموض يخليك مكان اهتمام وفي نفس الوقت مايخلي ولا وحده تقدر تصيد سر من اسرارك وتزعجك فيه 🎯.

🩰:خليك ايجابيه وكلامك كله خير ولاتجلسين مبين وجهك انك زعلانه ولاتقولين ملامحي كذا، الملامح من ضمنها الابتسامه 🌧✋🏻.

🩰: لاتتدخلين في شغل اي وحده او تحاولين تدخلين في امور مهي من شغلك يعني لاتجلسين تسألين في اشياء البعض مايحب يقولها 💎.

🩰:خليك مبدعه في شغلك واعطي فيه قد ماتقدرين لان الله سبحانه وتعالى يحب الي يجتهد في عمله ويتقن العمل هذا 🎯.

🩰: مهما كانت وظيفتك خلي عندك هدف انك ترتقين فيها حتى لو ماكان فيها رتب واماكن خلي عينك على اعلى الهرم وصدقيني لو توكلتي على ربك وسعيتي راح تكونين مديره العمل😌.

🩰:خلي اخلاقك حلوه مع الكل 💎 ولا تجلسين تنطلين كلام وتعطين الرايح والجاي نظرات غريبه هالشي حتى لو ماكان نيتك مشكله تسوينها مع البنت الي قدامك ممكن يعطي انطباع عنك خاطىء مثل انك مشكلجيه او تدورين مشاكل😓.

____________________

مع المسؤوله في العمل :

🩰: تكلمي معها بإحترام ومهما كانت قوة العلاقه بينكم لا تصيرين معها ميانه خلي العلاقه رسميه هالشيء بيعطيك انتي مساحة امان ماتتخلينها
وفي نفس الوقت لاتصيرين غليظه مره شدي وارخي 🎯

🩰: احرصي على انك تبرزين نفسك وكأنك تقولين انا هنا ومثل ماقال سقراط (تكلم حتى أراك ) لاتترددين انك تبدين رأيك حتى لو كان كبار الشخصيات بالعمل يتكلمون انا عن نفسي اعتبرها قوة شخصيه وابداء للرأي ودام الرأي انطرح بشكل محترم ف مارح تصير مشاكل بإذن الله🤍.

🩰: خلي الشغف بعيونك وعلى قد ماتقدرين خليك اليد اليمين للمسؤوله لانه في اي لحظه تجي فرصه ترقيات او رفع مكانه من بعد امر الله سبحانه راح تكونين في قائمة المهمين اذا مو اولهم🎯.


العمل شيء مهم ولازم تبدعين فيه اذا ابدعتي فيه راح تكونين قدوه لغيرك والبعض يموت يبي يصير مثلك ومو عارف كيف وحافظي على غموضك لانه هو سر اندفاعك للحياه ومساحة امان🤍😌.