احترت فين احط الموضوع قسم الحلويات ولا المعجنات و وقفت دقيقه قدام الاقسام اطب واختار ,, وأنا من هذا المنبر اطالب اداره المنتدى بشق قسم صغنون يسمى بإسم تنظيم الحفلات لتسهيل الوصول للمواضيع تبع الحفلات للي حابه تآخذ افكار واطباق و كمان عشان نبطل نحتار ثاني هههههه
الحفله تبعنا حفله عائليه بسيطه وكانت مناسبتها انو اختي تعينت بعد انتظار طااااال لكن مو هذا سبب الاحتفال ,, السبب اني اختي هذي بالذات تعز علي جدا جدا الله يوفقها يارب
ومده التجهيز للاحتفال اسبوع ,, وللاسف ما صورت اي شي من خطوات العمل لاني اشتغل لوحدي وماعندي اي مساعده ولو حتى بالتصوير ولانني ما فكرت اني ممكن انزلها هنا
طبعا اول شي عملتو اني حددت ميزانيه الحفله وكانت الميزانيه صغيره تقريبا 700 ريال ,, اهم شي في الاحتفالات القاتو لانها بتعطي الاحتفال جوه عشان كدا اول شي سويته اني إتصلت على كم وحده اعرفهم يسوو قاتوهات باشكال مميزه وطعم كويس ,, اخدت من كل وحده حجم الكيكه و الشكل اللي ح تسويه ليا واهم شي السعر ,, قارنت بينهم وقررت اني استقر بالاخير على وحده ناسبني عرضها من ناحيه حجم الكيكه والشكل المميز والسعر المناسب لميزانيتي و اتفقت معاها ع كل التفاصيل ,, وهنا ارتحت من اهم حاجه بالحفله
ثم بدات احدد الاطباق اللي ابغى اسويها ولانها حفله عائليه فالاطباق بسيطه وتعتبر خفايف بدون مقبلات او عشاء ,, المنيو احتوى على كب كيك + حلى التمر بالكيك + القاتوه
والمالح كان ورق عنب + كبه دجاج + سبرينج رول الخضار + ميني بيتزا طبعا بالاضافه للعصيرات
والحفل كان من تنسيقي واعدادي كليا ,, اما الميزانيه كانت مشتركه بيني وبين بقيه اخواتي والحمدلله لعيون نيشو تهون الصعاب والحمدلله اني بيضت الوجه والاطباق كانت ممتازه
والحمدلله الحفل كان جميل وانبسطنا ببساطه الحفل و اترككم الآن مع الصور
يــتبع
