موضوع حلو

يالله عزيزاتي

شاركونا بأفكاركم

افضل شي يكون الفرش عالراحه’يعني ما يكون مره وحده لانه يستهلك جهد وماده فالتريث افضل الحلول

ان من رأيي الوحده تبدأ تشتري الاشياء المهمة جدا جدا جدا .. من اجهزة للمطبخ وللحمام وللبيت عامة .. ولاحظو المهمة .... اللي تحتاجين لها يوميا وبشكل ضروري .. واولهم طبعا المكيفات اذا البيت مو مركزي ... بعدها الثلاجات الفرن المكروويف الغسالة المكنسة ..

خلصنا من الاجهزة نبدأ نفرش اول صالة المعيشة اللي نقعد فيها يوميا ونحتاج لها بشكل ضروري .. نفرشها من كنب الى ستائر الى سجاد الى طاولات .. وانخلي الاكسسوريز لبعد فترة .. لانها مو مهمة ..

خلصتي من المعيشة روحي لصالة الضيوف او مجالس الضيوف .. كملتي منها .. وقلنا الاشياء الضرورية فقط مثل صالة المعيشة ..

بعدها غرفة نومك اخذي لك صوفا مريحه وياها كرسيين على جنب وطاولة صغيرة ومكتبة تلفزيون اللي تنغلق وما يبان التي في فيها .. وسجاده وستاير .. وطبعا ما بتنتقلين للبيت الا وغرفة الملابس مفصلتها اما اذا لا فنصيحه تسويها بالاول لان تعب والثياب تصير مبهدلة ومتنثرة في كل مكان ..

روحي لغرف العيال وفرشي بس الغرف اللي تحتاجيها فقط ؟.

بعدها روحي للمطبخ وجهزيه من ادوات للأكل وللطبخ ولللضيوف ... الخ .. وطبعا تأخذي الشئ اللي تحتاجينه فقط .. من اطقم وادوات للطبخ وطناجر وصواني وصواني تقديم ..

بعدها غرفة الطعام اشتريها ومعاها البوفيه وياها .. والسجاد والستائر ..

خلصتي من هالاشياء كلها ..

نبدأ اللحين نأخذ الاكسسوريز والكماليات .. مثل .. التحف والبراويز واللوحات والشراشف .. الخ ..

خلصتي من اكسسواارات الغرف والصالات والمطبخ والحمامات .. وكل ملحقاتها ..

روحي اللحين لحديقة المنزل اخذي لك اصايص زرع اخذي اشياء تتعلق .. العاب خارجية للأطفال .. سوي لكم جلسة في الحديقة .. جيبو زراع يعتني في الحديقة ا1ذا الزوج خااااايب وماله مزاج ..

وتوته توته خلصت الحدوته .. خخخخخخ ..

غلا الروح فديتج تسلمين الغالية على إفادتج

ورايج صحيح 100 % وتسلمين والله