السلام عليكم ورحمه الله وبركاته
أخواتي أنا بدخل في الموضوع بدون مقدمات أنا وقعت ضحيه لشركه وهميه للتداول في الفوركس شفت إعلان عنها في موقع أسعار الذهب وسجلت فيها وهي شركة ( Netotrade ) للفوركس كنت أعتقد أنه تداول في السعوديه وطلع تداول خارجي عبئت إستماره فيها يطلب الإسم والإيميل والجوال وبعد يومين جاتني إتصالات من خارج المملكه تجاهلتها لين أزعجوني ثم رديت على المكالمه طلع رجال يقول أنت سجلتي في شركتنا للتداول وأعطاني المعلومات اللي سجلت بها -إسمي ورقمي وإيميلي- وقال حولي لنا مبلغ نشغله ونعطيك الأرباح كل جمعه وقال لي نبذه عن الشركه وأنها في لندن بعد ماسألته عن موقعها وانه مدير محفظتي وإسمه مجدي حولت له مبلغ 5000 الله يجعلها ناااار في بطونهم
وبعد فتره كلموني وقال معك رامي شاهين مدير محفظتك قلت له لا مو أنت مديرها مدير محفظتي إسمه مجدي قال لي((( لا هذاك إنسيه)!!! قلت ليه قال هو بيفتح حسابات بس وأنا مديرها الان
كلمني بعد يومين رجال غير اللي كلمني من اول وقال لي انت سجلتي عندنا بالاسم الفلاني والجوال رقم وإيميل كذا.... وكانت المعلومات صحيحه لكن يوم سألته عن الشركه إيش إسمها قال (X FOREX ) وقال أنه هو مدير محفظتي قلت له انا ماسجلت أصلا عند هالشركه أبدااا أنا شركتي اللي سجلت فيها (نيتو تريد ) قال كيف أنت مسجله مو إسمك كذا وجوالك كذا وإيميلك كذا قلت إيه قال ممكن معلوماتك تسربت شوفي كيف تسربت وبدأ يسرد طلباته أودعي لنا كذا وبيتضاعف المبلغ بعد يومين لكذا وكللللهااااا كذذذذب
**وقلت بنفسي أكيد أنها لعبه منهم أكيد هم نفس الأشخاص ويغيرون أسماء الشركات ويغيرون أسمائهم الشخصيه لأني ماسجلت ألا في وحده ومن هنا بدأت أشك
من بعدها ماعاد أستقبلت مكالماتهم وأزعجوني ورديت قال معك (مالك ) مدير محفظتك قال اودعي فلوس عشان نشغلها لك قلت له أنا أودعت 5000 وإلى الان ماشفت أي ربح قال لي (( إحنا بندق عليك وأنت مابتردي يابيي ))
ويطالبوني بالإيداع أي مبلغ كل يوم أو يومين ويقولون ربحتي 400 دولار ويوم طالبت بتحويل الارباح لحسابي قال عطينا صوره للهويه الوطنيه أو فاتورة جوال أو كهرباء !!!!
هنا خفت أرسل صوره للهويه شكيت فيهم لأن الإيداع مايحتاج صورة هويه لأن عندهم رقم حسابي وقلت لهم عندكم رقمه اودعوا فيه فرفضوا وتمسكوا بالهويه والجوال والكهرباء أول مره أسمع بتحويل يتطلب فاتورة جوال أو كهرباء أو قسيمة شراء وأنقطعوا شهر مااتصلوا
ثم اتصلوا علي اليوم ورديت وكانت حرمه وطلبت إيداع تقول أن البنك أرسل لهم إنه بيقفل الحساب وقلت لها أنا سبق وحولت وماشفت أرباح رجعت تطلب الهويه وتقول صوريها بجوالك على طاوله وأرسليها ولازم تكون واضحه وتصورين الجهتين من قدام ووراء وأرسليها إيميل وسألت عن أسم المنطقه والشارع والحي واللي أسكنه ...
**** أخيرا هذي هي قصتي مع شركة النصب والإحتيال والله يشهد أني صادقه وماقلتها لكم إلا من باب التنبيه والرسول صلى الله عليه وسلم يقول (لا يؤمن أحدكم حتى يحب لأخيه مايحب لنفسه ) أنا كنت ضحيه وفلوسي راحت وماعاد بترجع في الدنيا ولكن مابتضيع يوم الدين أنا خصمهم يوم الدين عند الله والله ماأسامحهم ولا أحللهم ليوم نوقف فيه أمام الله ويقتص لي الجبار القهار الله يجعلها نار تلظى في بطونهم ويجعلهم يصرفونها في صحتهم ولا تنفعهم ويأخذ حقي وحق عباده منهم أخذ عزيز مقتدر
حاولت أختصار الموضوع عشان ماتملون أرجوا منكم نقلها للمنتديات حتى لايقع أحد في شباك نصبهم وقبل تدخلون في أي شركه تأكدوا انه مصرح لها وأنها غير وهميه وأسألوا وإستخيروا وأنتبهوا ترى الشركات الوهميه كثيره وراح تشوفون بعيونكم تجارب ناس للأسف ماشفتها وقرأت عنها الابعد ماطاح الفأس بالرأس إبحثوا عنهم في قوقل وبتشوفون أني صادقه (في يوم جلست أبحث وكتبت هل شركة نيتوتريد نصابه ؟؟ ولقيت الجواب حسبي الله ونعم الوكيل ولقيت أن هالشركه اللي دخلت فيها وهميه وكلهم يشتكون
دعواتكم لي بالعوض من الكريم ودعواتي لكم أن الله يحفظكم وإيانا من شر خلقه ودعواتي الكثيره للشركه النصابه بالخساره دنيا وأخره
***مشرفاتنا الكريمات أرجوا عدم نقل الموضوع أو حذفه حتى يستفيدون أخواتنا منه
العين تجرح @alaayn_tgrh
محررة
يلزم عليك تسجيل الدخول أولًا لكتابة تعليق.
أمييييين الله يجزاك خير على دعائك
والله ماكنت أعرف والعلم عند الله وحده ولا هالمبلغ ماكان أرسلته
حسبنا الله ونعم الوكيل
والله ماكنت أعرف والعلم عند الله وحده ولا هالمبلغ ماكان أرسلته
حسبنا الله ونعم الوكيل
حسبي الله ونعم الوكيل فيهم ، صار معي نفس الشي اشتركت معاهم وانا كنت ادخل ع موقع عشان أشوف سعر الذهب ومثل ما قلتي اتصل علي واحد من لندن والله انو يتصل ويتكلم يتكلم واهم شي أني أودع بس أنا شكيت لما سالتو مافي لكم فرع في الرياض ، قالي لا، أنا هنا شكيت وقبلت جوالي يومين ولما رجع يتصل مارديت عليه، الحمد لله انها جرت سليمه، والله مو ناقصني أبدا ، وان شاء الله يارب الله يعوضه ياقلبي دنيا وآخره
حسبي الله ونعم الوكيل فيهم ، صار معي نفس الشي اشتركت معاهم وانا كنت ادخل ع موقع عشان أشوف سعر الذهب ومثل ما قلتي اتصل علي واحد من لندن والله انو يتصل ويتكلم يتكلم واهم شي أني أودع بس أنا شكيت لما سالتو مافي لكم فرع في الرياض ، قالي لا، أنا هنا شكيت وقبلت جوالي يومين ولما رجع يتصل مارديت عليه، الحمد لله انها جرت سليمه، والله مو ناقصني أبدا ، وان شاء الله يارب الله يعوضه ياقلبي دنيا وآخرهحسبي الله ونعم الوكيل فيهم ، صار معي نفس الشي اشتركت معاهم وانا كنت ادخل ع موقع عشان أشوف سعر...
أسفه ع الأخطاء اكتب من الايباد
الصفحة الأخيرة
اساسا كيف تثقين فيهم وترسلين لهم هالمبلغ ؟!!