إحساسي بتأنيب الضمير

انا قبل اكثر من ست شهور كان عندي مستأجر في بيتي من جنسيه عربيه وقعد ثلاث شهور وطلعته بالغصب وطلعه روح لانه مايدفع الايجار دفع أول ماسكن وبعدها ماشفت ريال منه وكان مراوغ مسكر جواله واحيان مايرد على اتصالاتي واحيان يدق من جوال ويقول انه جوال ام صديقه وانه بيدفع وماغير يوعد انه بيدفع عالفاضي واحيان يكون معصب ويتطاول علي المهم طلع وكنت ذيك الفتره على دين ووعدت صاحب الدين انه أسدد من الايجار وصار ماغير يتصل ويدقدق علي ونفسيتي مره سيئه
المهم عدت الأيام وجا اليوم مريض غير كسور وكان الدكتور يقوله انه لازم يكون عنده موعد رسمي عشان يشوفه والمريض يقول مااعرف أخذ موعد شوفني والمره الجايه بأخذ الدكتور راح للاستقبال على اساس يسوي موعد قال لآزم يدفع لانه مو سعودي وقام المريض يهايط ويهاوش الدكتور والدكتور قالي اتصلي على الأمن في اللحضات ذي انا ماسكه ورقه المريض وجالسه أفكر ( شكل المريض واللي معه مو غريب واسمه بعد موغريب ) وتذكرته طلع اللي كان مستأجر مني ( عنده كسور مضاعفه ) يالله ي بنات الدنيا صغيره
وانا راجعه البيت جالسه اقول لزوجي عن الموقف قالي ( شكلك دعيتي عليه من قلب ) انا مادعيت بس قلت حسبي الله ونعم الوكيل
أفكر الحين شكلي لاني قلت حسبي الله ونعم الوكيل صار بالرجال كذا
حاسه بتأنيب الضمير حيل