إحم إحم أنا رجعت من الحرب

ربنا يرزقك الذرية الصالحة يارب

يارب ثبت أجنة أختي وحبيبتي زوجة رجل طيب يارب ياحي ياقيوم ياملك العرش والسموات

لينا

:26:

وياك:)

أول شي الحمدالله على سلامتي وما أشوف شر<<< تحب نفسها خخخخ

المهم أنا توي راجعه وأي كلمه غلط ولاشي إعملة نفسكم ماشفتوها لان مازالت أثار البنج موجوده ودايخه بس قلت اعطيكم العلوم قبل لا أنام

رحت المستشفى الساعه 8 وعلى طول دخلوني غرفة الافاقه وخذو الظغط ولبسوني لبس العمليه وحطولي المغذي وياشين ابرة المغذي شيناه طول الابره نفس طولي خخخخ المهم وأعطتني تحمليه وقالتلي حطيها من ورا :eek: وشلون احطها من ورا ماعرف المهم وبعد عناء طويل وصلت للمنطقه وطلعت نمت عالسرير وكان معي ثلاثه عندهم سحب وانا كنت الاخيره دخلت اول وحده غرفة العمليات وكان بينا باب وسامعين كل شي وماشوف غير ذيك البنت الي تصرخ أ ه ه ه يادكتور خلاص ماعاد ابي خلاص وتصييييح انا والبنت الثانيه انهبلنا واتمغصت بطونا قلنا اذا هاذي اولها ينعرف تاليها والتفت قلت للمرضه أنا أنسحب ماعاد أبي شي تعالي شيلي المغذي:eek: الممرضه قعدت تضحك تحسبني أمزح قالت ليش قلت اسمعي ذي تصرخ وانتي تقولين ماتألم :angry2: قالت لا هذي مو هي خاذي غرفه ثانيه (( تضحك علي )) المهم طلعت وعيونها منفخه صياح قلتلها تألم قالت مررره واصييييييييييح:06: المهم دخلت الثانيه واستنى تطلع الصرخه ماطلعت قلت بس البنت راحت فيها من الألم واشوي الا هي طالعه تضحك وتقول مايألم ولا شي ((اختلف العلماء)) قالت الممرضه يلا ياحبيبتي قومي فضي بالحمام قتلها مفضيه قالت لا قومي ثاني اعصري نفسك (( خرقه هي اعصرها)) قالت اذا الدكتور شاف الرحم مو واضح راح يسويلك قسطره قلت لالالالا الحين ركض عالحمام وادخل وانا قاعده اعصر نفسي على قولتها وماشوف الا ذاك الشي الي يقول طاك واطلع الا التحميله طاحت :09: قمت سويت نفسي هبله طلعت للمرضه قلتلها التحميله حقت ايش قالت مسكن للألم قلت بنفسي راح تسكن ألم التواليت موب انا وماقلتلها انها طاحت خفت تماطل فيني وانا ابي اخلص المهم ويجي دوري واسحب المغذي وادخل غرفة العمليات وياهي بارده برد موب طبيعي والقهر ان الممرضه رفضت تخليني لابسه الشراب تقول لازم تشيليه وانا مابي لاني ماحب رجولي تدلل وماعليها شراب المهم حطوني على السرير ابو رجول وعلقولي الرجلين وربطوها ((رايحه مستشفى المجانين)) المهم قاتلي الممرضه انا بعقملك المنطقه وتحط بوز البطه اكرهها وبعدين دخلت مثل الشاش في معقم وياهو بارد برد أنا شكيت انها حطت ثلج موب معقم المهم قالت يلا نادي الدكتور المريضه جاهزه دخل الدكتور ها كيفك يافلانه مستعده قلت ماهقيت بس يلا بدينا قال إذا بتصرخي ترى راح نكسل العمليه قلت أماااااااا قويه ذي كثر منها <<حسيت اني عربجيه وانا اقولها المهم طبعا الراس شغال مراقبتهم واشوف الادوات:unsure: واسأل عن كل أداة وش له المهم جا الدكتور يبي يبدى واصرخ اقووله لالا لسى ماخدرتوني قال انتي ماعليكي استرخي بس الحين يبدى المفعول قلت كيف يبدى المفعول وانا ماخذته اصلا قالت الممرضه الا ياحبيبتي حطيتلك اياه والتفت أثاريها ساحبه يدي لورى وانا ماحسيت فيها قلت معقوله مااحس بيدي المهم قالي يلا عدي من 1 ل10 واعد بغيت اوصل مليون قال طيب عدي من 10 ل1 ((يخفف دمه)) المهم مامداني قلت واحد اثن ماكملتها الا انا بعالم اخر تماما عالم في عصافير وناس تنادي من بعيد والدنيا حلوه واخر عسل:laugh2: مع الابره قلتلهم راسي ثقيل قالو ايه المخدر واقعد اسولف واهذري مادري عن نفسي وارجع اطخ وانام وكل ماسكر عيني يجيني ذاك الكف يصحيني:icon32: مايبوني انام قالي الدكتور قومي شوفي البويضات كيف تنسحب وارفع راسي بشوف الشاشه وطااااااااااااااخ راسي عالسرير وانام ويرجع يصحيني وانا اقوله خليني خليني نايمه مابي اشوف شي واقوله خليني انام عشان ماصرخ <<<< أهددهم :S_45: بس وقام يسحب يسحب وانا فوووق فوووق بعالم آخر تمام وقلت ياسلام ماودي يخلص المفعول واقعد انادي بامي وابوي وزوجي واقول وينهم اتذكرت حتى الي ماشفتهم من سنين المهم ومالكم بالطويله مه كل هالهذره الدعوه ماخذت خمس دقايق على بعض بس حسيتهم سنين ورجعوني غرفة الافاقه وافطرت وقلتلهم خلاص زهقت بمشي <<<دايم مستعجله وهم يقولو انتظري شوي يخف الم بطنك قلت لالا بروح انام واقوم ويجيني ذاك الألم الي يودي بستين داهيه كأنه مغص الدوره بس أشد شوي المهم شالو المغذي ولبست ملابسي ورجعت البيت وسلامتكم هذا كل الي صار والحين مازال مفعول الابره السحريه موجود وبروح انام لاني خرمااااانه نوم:23: وانشالله بالليل ارجع ادخل يكون خف الالم