تسلمين ياهنو يوسف على الرد

مساء الخير وصباحه..

اليوم مافيه انجازات تذكر تسدح وتبطح
حتى طبخ مافيه يالله راحه ويكند وش ورانا بكره الشغل الله يسهل..
امس سويت معجنات وعلى الفريزر واليوم كلا يسخن وياكل بالعافيه .

برووو...حمد لله على السلامه والله يعطيك العافيه ياقمر
والله يجزا امك خير سلمي عليها..
دلع..عودا حميدا يالغلا اشتقنا لك
بدووو...تعالي عندنا تدفيييي هع اخبار بتوت الله يشافيه
هنو يوسف.... ياهلا بهنو انا كنت بتجمع المدارس اخبارك؟
يعطيك العافيه ولا عليك من كلام الناس بس انتي خليك
معنا وراح تحسين بتغيير..
حبيبة حبيبي....يعطيك العافيه
ام سعيد...عساك على القوه ويعطيك العافيه
دمعتي تكسر عنادي...ماشالله يوميات ولااروع الله يقويك وحلو التغيير

يعطيكم العافيه وربي يبارك في اوقاتكم

صباح الخير عليكم
الحمد لله اليوم كان يومي نمت الين الظهر قمت وسويت فطور ليا ولعيالي وقعدت على الاب توب عشان اصحصح واتحمس وقمت اول شي غسلت ملابس ورتبت البيت وغسلت الحمامات الله يكرمكم ومسحت اثاث البيت كله ومسحت مرايا البيت كله وكنست غرفة المعيشه ومسحتها ورتبت باقي البيت وطلعت دجاجتي عاد وسويت غداي وجاء زوجي المغرب وتغدينا وغسلت المواعين وبعدها سويت قهوه تركي بالحليب وتقهوينا وطلعنا شوي رحنا السوق تسوقنا و الحين اكتب لكم يومياتي
برؤه معليش اليوم كان شغلي اليومي كثييير فاجلت الغرفه بكره اسوي جدول السبت والاحد لانه بيكون جدولي خفيف بكره

وناسه النومه بغرفتي بعد ما غيرت فيها هههه



المهم اليوم ما فكرت وش بسوي
يمكن تنظيف ادي للبيت كنس وغسل مواعين

السلام عليكم كيفكم ياقائدتنا انتي والبنات ان شاء الله بخير انا اليوم ماسويت شئ لانه ابوي تعب علينا مره ودخل المستشفى وقالوا لنا احتمال جلطه بالقلب وينتظرون يحللون له بعد اربع ساعات ادعوا انه يقوم لنا بالسلامه وانا من الخوف شكله سني يوجعني مررررره بس انا الحين اهم شئ عندي ابوي يقوم بالسلامه ويكون ماعنده شئ بالتحاليل يارب ياحي ياقيوم ياذا الوجه الاكرم والا سم الاعظم والعطيه الجزلى اشفي ابوي يارب