السلام عليكم
بسم الله الذي لايضر مع اسمه شي في الارض
ولا في السماء وهو السميع العليم
ياربي لك الحمد والشكر على كل نعمة ظاهره وباطنه
المهم اليوم يوم التميز اول اليوم ماكان حلو كله نوم
طبعا نمت بعد الغدا وانا ماحب نومت العصر بس كسل
بس بعد المغرب نفضت غباري وقمت قلت في نفس عيب عليك
يابطه انتي سنعه ماهازا البيت
صليت وقمت اول شي من بعد القهوه ادمان تعرفون
طلعت كل الكنب اللي في غرفة الحرمات على قول عيالي متاثره الاخت
المهم غسلت الارض بكلوركس وداك بالصنوبر وبعدين شطفته ورجعت كل شي مكانه وتومي يساعد مساعده تجيب الهم بس مشي حالك
وبعدها صلحت عشا لعيالي وكملت على الصاله والمكتبه والبلازما والرفوف وبعدها المجلس جا زوجي وسلمته المنشفه والبخاخ قلت بخ كل شي قدامك وبخني اول شي ههههههههه وبعدها ماقصر نظف المريات
والبلازما اللي في المجلس والرف والطاولات كل شي واللاب توب مع طريقه المهم انا خلصت من المجلس غسلت حمام الرجال والغساله والمرايه وبعدها المطبخ غسلت الارض والفرن والمجلى وصلحت ا لعشاو شاهي وجلست وظهري خلاص مكسر بس استغفر علشان ربي يساعدني
ومن بعد العشا جلست شويه عند بدايه وقمت غسلت حمام الحرمات والغساله والعاب عيالي والجلاسه وملابس عيالي
وبعدين بخرت البيت كله وغرفة النوم شغلت فواحه ومسحت السرير بمنديل فيه نفس عطر الفواحه وسكرت الغرفة طبعا ميته خوف على عيالي من البخور والفواحه الله يستر بس
والحمدلله اللهم لك الحمد والشكر حتى ترضى وبعد الرضى
ايوه روشت بتوت وقصصت اظافره وكرمته من راسه الي رجوله
يعني حطيت فيه كريم ومشطت الشوشه تهبل ملفلفه ههههههه
تكروني صغير استغفر الله
بكره ابمسك ان شاء الله وبعونه المطبخ عميق يمكن الفرن من جميع الجهات ومن تحته وفوقه وراها كله يعني بالجدار اكيد
وسلامتكم

براءة ادري كم عمرك بس استهبل عليك ههههههه يعطيك العافيه دائم ادعيلي معاك
دمعه فرح الله يساعدك ويخفف وحمك انتبهي لحالك واشربي على الاقل سوائل
دعاء السجود الله يفرج همك
ام مروان ليه زعلانه خلاص قدر الله وماشاء فعل انتي فكري كيف تتغيرين
يعني امشي على الجدول معنا وخليك واثقه من حالك والشغل مايخلص
انتي قبل النوم استغفري الله وقولي سبحان الله والحمدلله ولا اله الا الله والله واكبر وشوفي الفرق واذا على الشغاله يمكن خيره انتي بيتك صغير قلتي يعني ان شاء الله ماتحتاجينها في شي بس نظمي وقتك بس مع العيال وشغل البيت
ومبروك عليك الاغراض الجديده تتهني فيها اشتريت مفرش للسرير والا نسيتي
جوى الحب الله يسهل امورك يارب مقدرين ظروفك
ياسمينه ماشاء الله عليك والحمدلله ماطولت المويه يعطيك العافيه
غروب القمر مشكوره على الموضوع
رانيا ونون الانشوده اسمها حبيبي اللي سكن في العين مدري القلب من زمان
ماسمعتها المنشد سلوم السلوم بس حطي بدون موسيقى وبالتوفيق
اخاف تشوفين الاخ وتضيع علومك خخخخخخخخخخ
زاهده يعطيك العافيه ماتقصرين , وتومي شاطر في الصباح المصيبه طلو من يوم جا البردمطفشني كل يوم لازم اخترع حكايه على الصبح واضحك واقول ماشاء الله وامدح لين يقوم وانا نفسي اضربه بس امسك اعصابي
ام عبد الملك ياهلا والله ماشاء الله عليك هاه بشري كيف الاختبارات
والحمدلله اهم شي عيالك اخذو التطعيم والدلع ترا بس قدامك والله ماقد شفت احد خواف في حياتي زي طلو والحمدلله بدون مسوي شخصيه الاخ ماعليك قوي قلبك
فرواله نفسي اساعدك بس مدري عن المكان كبير والا صغير بس كبيره الغساله لازم مكان كبير وان شاء الله تلاقي اللي يعجبك
منيفه وينك احسك مشغوله والا فيك شي صح متغيره
مريم ام خالد ماشاء الله الجو خيال وكل شي حلو يعطيك العافيه
ام غلا يعطيك العافيه
ام سامر ماتقصرين
سنبوسه يعطيك العافيه في انتظار الصور
امون الله يساعدك بس الحين اذا نام ولدك قومي خلصي شغلك لانه خطر عليه روائح المنظفات خليه بعيد عنك وفتره وتعدي
الشمس المحرقه ياهلا والله بالجيران ماتقصرين كم مره تجينا ولا مره ردينا الزياره
زبده البنت ماهي مره حلوه مافيها الا عيونه وتبغينها بالشكولاطه بعد
ههههههه امزح ابجيب لك بنات يهبلون الصدق اهم شي الصحه وتجي سليمه والله الشكل اخر شي الله يرزقك بنوته تهبل سليمه شوفي ذي
اموت فيها صوره خلفية الشاشه تهبل اجمل بنت فلسطينيه

ام ختروش اخاف يوم اغلط في اسمك واجيب العيد حاسه الله يسعد ايامك
سما تسلم يمناك على الموضوع مره عجبني وهذي اكثر شي عجبني وياكثرهم الحين الله يكفينا شرهم
لا تقاس الطيبة ببشاشة الوجه ..
فهناك قلوب تصطنع البياض ..
فهناك من يجيد تصنع الطيبة ..
ويخبئ بين زواياه خبثاً وريبة

لا يقاس الحنان بالأحضان ..
هناك من يضمك بين أحضانه ..
ويطعنك من الخلف بخنجر الخيانة ..
والفرق شاسع و مدفون ..
بين المُعلن والمكنون ..
هدوء والله عرفت ردك وانا ماشفت معرفك الله يسعدك تجبرين الخواطر
اليوم شفت برنامج وتذكرت جدتك يقول الدكتور تشرب سؤال كثيره
علشان اذكرك تقولين جسمها يابس مدري ثقيله يعني زي كذا ويعطيك العافيه
على الشغل السنع والردود وسلامة عمار انا عيالي اعطوهم تطعيمه وحده والحمدلله ماعورتهم
كرستاله الله يساعدك على حوسة العمال هاه انفك الحصار والا نمتي
ام الجود الله يعطيك العافيه ويساعدك الحين عندك استنفار في الاختبارات
اندريفنا حلوه مره عجبتني نسيت الرد ذكرتيني بحاتم ارسله غرفة النوم
يروح يفتح الثلاجه ههههههههههههههه ماقصرتي الله يسعدك
دمعتي تكسر عنادي الله يزيدك من فضله راح فيها الرجيم يام الفتافيت لاتشوفين غمضي بس احنا كككككككك تسلم الايادي
هنو يوسف سلامتك ماتشوفين شر
سود العيون يعطيك العافيه وهلا فيك اول مره اشوفك
جمول وفراوله واحلى ايمي اوراق ذابله دلع الحويه سنبله الجلسه روعه النسيان اموون ام حسومتي يعطيكم الصحه
صموته وينك
سجود السحر وينك
اذا نسيت احد سامحوني والله نفسي ارد عليكم كلكم بس انسى
يعطيكم العافيه

السلام عليكم ورحمة الله أحب أسلم على كل اللي سأل عني واللي ماسأل وتسلمي ياسمبوسة ماتقصري والله بس أنا مسوية الطريقة هذي وأحفظ أغراض زوجي في كيس وأخلية هو اللي يطلع الحاجات الزايدة بس بصراحة أسويها أغلب شي مع أوراقة لأنها تجيب الهم هو مدير مدرسة وأوراق المدرسة كلها عندي ليه ماأدري بس شكلي معطيته وجة زيادة وانتي عارفة خرط المدراء طبعا ألقى أوراق فيها تعهدات إن الطالب فلان بن فلان دخن واتعهد أنا الطالب إني ماعودها ههه كلها تخويف بس الله يرحم على أيام زمان كان نخاف من سيرة التعهد ما ندري إن أخرتها الزبالة وياسمين سألت عنك العافية إن شاء الله وإذا قدرت إن شاء الله أنزل صوري أقصد صور مطبخي ههه دلوعة عبودي تراني مركزة معاكي شوي لية لما صحيتي الصباح تروشتي وصليتي الفجر كخ كخ كخ كشفناكي إعترفي ماعليكي لاتستحي يابنات ألغوا الجانب الجمالي لفترة مؤقتة أنا شايفة أعداد الحوامل في إزدياد هههه خلاص الوحدة مشطبه شغلها ومبخرة بيتها وتجي أخر شي تعطيها لمسات جمالية وبعدين الله لايوريكم كسلانة فيني نوووم و الصباح برد خليني أخلص الشغل العصر هذا الدلع كله بسبب السهر بلا قلة أدب إنتي وإياها وكل وحدة على شغلها هههههههه

الياسمين
يعطيك العافيه عالجداول استفدت منها

اليوم سهرت عالمطبخ واللحين تعبت مره بروح اجهز سندوتشات عيالي عالسريع
وبنوم باقي ساعه ونص قبل الاذان احس ماراح اقدر اواصل لين اصلي كتوفي وظهري يشتكون خخخخ

السلام عليكم ورحمته وبركاته
كيفكم ياقموررررات شكلي صرت مدمنة الهمم ربي يسعدكم صابني نشاط وخصوص بعد يوميات ياسمين اعطتني جرعة نشاط خخخخ اول يومياتي ماقمت انا وحسام غير المغرب زوجي عنده شغل الصباح وجامعه العصر يدرس الله يوفقه يارب
قمت صليت رتبت البيت وغسلت الحمام ومسحت جميع التحف والمكتبه وخشب غرفة النوم والمريات كمان وكنست البيت كله. ماخليت ولا غرفه ومسحت السرميك باالعملاق وكذا انتيت من البيت الشغل اليومي مع وجبة ملابس في الغساله وبعد العشاء سويت العشاء وتعشينا وعلى المطبخ حطيت حسام في العربيه عندي غسلت المواعين وشيكت على الغاز الحمدلله يلق ونظفت الشفاط وهو مكانه وعلى الخزنات العلويه اطلع الاغراض وامسح باالفيري والكلور وغسلت علب البهارات والشاي والسكر وطقم الضيوف غسلته وخليته يجف ورجعتها كلها مكانه بس اليوم خلصت الخزنات العلويه +الشفاط +علب الشاي والسكر والحمدلله وخلصت مجموعة كوي مع العنايه الشخصيه قناع وترطيب الجسم وذحين قاعده اكتب لكم وحسومي الاستاذ يلعب جنبي وحطيت لي عصير كيوي وبسكوت

السلام عليكم ورحمة الله وبركاته

شو اخبار الصبايا ، بسم الله عليكم الرحمن الرحيم
استودعكم الله الذي لا تضيع ودائعه ، بجد سنعات الله يحفظكم من كل شر ..

استاذتنا الحبوبه بروءه ، برايه ، مسطره ، اختاري الإجابه الصحيحه

يوم السبت قمت وكلي نشاط ما شاء الله بديت بالدواليب العلويه المهم وانا بنص الشغل الا الشوكه الحمرا بدت تشرف تعبتني مررره وبالقوة خلصتها كلها بحمد الله وتوني منظفه علب السكر والشاي ، وسطح الدولاب مرتفع مرره وما عندي سلم ، وقلت بريح واكمل شغل لكن مافيه فايده معدتي جاها الم اللهم لك الحمد ، يادوب قمت رتبت البيت وسويت قشر قلت يمكن اخف شوي ، بعدين نمت ..

الأحد : الحمد لله خفيت كثير ، فطرت ولدي الصغير واتجهت للمطبخ وبديت بالدواليب السفليه دواليبي ما شاء الله كثيره والحمدلله انتهيت منها وصورت كل الدواليب بعضها تحملت وبعضها عيت تتحمل ، طبعآ مع الشغل اليومي تحضير الغدا وغسل المواعين وترتيب البيت يعني اليوم مافيه عميق الا الدواليب ، وبكره بإذن الله الجدران والشفاط والشباك ، اسأل الله تعالى ان ييسر لي ..