إختبار يبين إن كنتي ضعيفه؟؟وإلا مقويه مثلي؟؟؟

سلام الله عليكم....
كيف الحال؟؟؟

بما إني طالبة كليه...وإختباراتي قريبه...قررت وبكل شراسه أسوي لكم إختبار..إيه حبيبتي ما في أحد أحسن من أحد...((يامثبت العقل والدين...ثبتنا على دينك))
المهم....كلكم راسبات..((أول خليهم يختبرون))

سموا بالله والجواب بالقلم الأزرق....وياليت لو يكون أبو خمسه ريال...

لا تغشين إنتي وياها والله لأطلعك من شوشتك برا...إيه تراني قويه...


يالله بسم الله بدأنا بالإختبار....





لحظه...لحظه....

لو سمحتي وخري عن صاحبتك...وإلا وش رأيك تختبرين إنتي وياها بورقه وحده...

((أعذروني بس ركبي تعورني))الحمدلله والشكر...






سموا بالله و إبعدي عن إللي جنبك....ترى مركبه عيون في ظهري....




يالله بسم الله على بركة الله..((مسويه نفسي أبو متعب يفتتح مشروع..الله يسعد ذاك الوجه...))

والله العظيم خلاص..أدري عصبتوا ..
بس حبيت أقولكم إن هالإختبار مسروق من جريدة عكاظ...
((أول مره أسمع عن إختبار مسروق...ماهو مشكله أهم شي أعرف إنتوا قويات مثلي وإلا ضعيفات ؟؟؟
يالله بسم الله...

هل أنت ضعيف الشخصيه؟؟؟سلبي في الدفاع عن حقوقك؟؟؟أسئله نطرحها عليك اليوم..لتعرف حقيقتك..صارح نفسك...دون خجل...حتى يتسنى لك أن تعالج الأمر بسرعه....

1)إن تعدّى زميل لك بالعمل على إحدى أدواتك بالعمل...دون أن يستأذن منك أو يعيدهالك....هل:
أ)تتظاهر بأنك لم تره...
ب)تحاول أن تلفت إنتباهه بذوق ليرد لك ما أخذه..
ج)تعنّفه لأنه حصل على مايخصك دون أن يعيرك أي إهتمام..
بالنسبه لي بأشده من شوووووووووووووشته وأخليه يرد إللي أخذه ويشحن لي جوالي...((تقدرين تأخذين برأيي ما عندي أي مشكله))خخخخخ

2)إن تعدّى عليك أحد الزملاء بالسب....هل
1)تغادر العمل فورا...((خبل لا محاله))
2)تتقدم بشكوى للمدير..
ج)تسبه وتتطاول عليه لأنه هو البادئ((إيه كذا الناس..إهب يالشرانيه))

3)إن إرتفع صوت زوجتك..أوزوجك..لأول مره عليك بالصراخ والتوبيخ...هل
أ)تتأسف لها على الفور وتغادر المنزل...
ب)تأخذ منها موقف..أي (تخاصمها)
ج)تلطم وجهها يميناً ويساراً لعلّلها ترتدع((يجرب ويلطم..والله لأخليه معوق على يدي))

4)إن نسب رئيسك بالعمل أحد أحد المشاريع التي أنجزتها وإبتكرتها إلى نفسه...وأخذ وساماً عليها وترقيه دون أن يشير مجرد الإشاره لك...هل
أ)تكون أول المهنئين له..
ب)تحاول أن تشرح للجميع أنك صاحب المشروع...
ج)تقدم شكوى للمجلس الأعلى للشركه مدعماً بالإثباتات التي تؤكد أن المشروع يخصك...
تدرون عاد وش بسوي أنا....بأطلع في التلفزيون السعودي..وأقول يالحرامي يالسروق رد المشروع لأفقع وجهك أنا وعيال حارتنا...((أشك إني بنت))

5)إن تأخرت عن منزلك العائلي ..وعدت منتصف الليل...هل..
أ)تخلع حذائك وتدخل المنزل بهدوء على قدميك...
ب)تدخل المنزل بهدوء حتى لا تزعج أحداً..
ج)تدخل للمنزل بكل قوه وتقفل الباب بكل قوه وترج المنزل رجاً((إهب يالنذاله))



تم بحمد الله الإختبار..وأبشركم كلكم راسبات...((أول إعرفي إجاباتهم))

شووووووووووووووفوووووووووووووا....ركزوا معي....لا يشرد ذهنك دركيه((على قول جدتي))

الإجابه (أ) تعني ثلاث نقاط...
(ب)تعني نقطتان..
(ج) تعني نقطه.

للي فهمهم بطييييء ويأخذون سنه عشان يحفظون رقم تليفون..تعالوا أشرح لكم...((طبعاً ماهو بلاش الشرح...نيااااهاااا كل شي بفلوس....ريالين على الحصه...ياخيبتي بأجلس سنه عشان أجمع لي قرشين من وراكم...))خخخخ

لو كانت إجابتك في السؤال الأول (ج) قفلي إصباع واحد من يدك يعني أخذتي نقطه...وفي السؤال الثاني كانت إجابتك (أ) قفلي ثلاث أصابع....
كم إصبع مقفل صار في يدك ؟؟؟؟خطأ يالغبيه ماهو عشره...الجواب الصحيح أربعه...وهكذا وهكذا إليييييييين ما يخلص الإختبار..وترسبون على يدي..

للمعلوميه..لو خلصت أصابع يدك..مافي مشكله تستعينين بأصابع رجلك..وإذا هم بعد خلصوا شوفي إللي جنبك ..وكل شي بفلوس الإصبع الواحد بريال..



نتيجة الإختبااااااار...........


أدري بطونكم تعوركم مثلي وقت النتايج كل أمراض الدنيا تصيبني...الحمدلله نجحت بتقدير مقبول منخفض...خخخخخ






**إذا كان مجموع إجاباتك 21إصبع..أقصد نقطه فأكثر**
أنت ضعيف الشخصيه جداً ...سلبي في الدفاع عن أبسط حقوقك..ضعيف في العمل وقطه بالمنزل..راجع نفسك جيداً...لأن من المبادئ أن يكون لك رأي وكلمه....


(((إقتراح لمن كانت هذي نتيجتهم)))
والله من حبي لكم بأعطيكم دوره في الشراسه والدفاع عن النفس و تهشيم رأس كل من يقف أمامك..صدقوني من أول يوم في الدوره..ترجعين البيت..أول شخص أو شخصه تقابلينه بتلقين نفسك لا شعورياً...طايحه فيه ضرب وشد شعر...وحذف بالكاسات...والنتيجه مضمونه أنا وإنتي في أقرب ملجأ للوحوش..ههههههههه


**إذا كان مجموع إجاباتك أكثر من 8 أصابع وأقل من 21إصبع ..وش فيني أنا على إصبع..أقصد نقطه**
أنت رجل أو رجله((يعني حرمه)) مسالم ...لست ضعيف الشخصيه ولكنك دائماً تبحث الحلول السلميه ..إحذر فهناك أمور لايمكن أن تتعامل معها بسلبيه ..خصوصاً وإن كانت مرتبطه بخصوصياتك والحفاظ على حقوقك...
((نصيحه للي هذي نتيجتهم....أحسن لكم تسجلون في الدوره حقتي مع خويانكم إللي مسجلين قبلكم...شوفوني قلت لكم..بعدين لاتقولون أنثى ماقالت...هيا أنا قلت..وإنتوا بكيفكم...))

**وإذا كان مجموع إجاباتك 8 وأقل..فأستبشروا خيراًً..أنتم معي خخخ**
إحم إحم.....أنت قوي جداً..ولكنك عنيف في الدفاع عن حقوقك وعنيف في ردة فعلك في كل الأمور الهامه وغير الهامه... حاول أن توازن بين الأمور التي تحتاج للسلم ...والأمور التي لا تحل إلا بالقوه..إحذر من ردود أفعالك المندفعه حتى لا تجعلك تخسر حب وصداقة الآخرين..

طبعاً إللي هذي نتيجتهم ما يحتاجون دوره عندي...بس يمكن أحتاجهم مساعدين لي..((ما أتوب ..شرانيه))خخخخخخخ

مبروووووووك للجميع الناجحين والراسبين..الأقوياء والخوافين..والضعيفين ما عندكم أي مشكله في الحياه معي...

وفي الختام أستودعكم الله الذي لا تضيع ودائعه...((ترى هذي الخاتمه ماهي مسروقه أبد..يمكن مخطوفه بس مسروقه ما أظن))خخخخخخخ


وبااااااااااقي البنات في الطريق الرد عليكم ...