بسم الله الرحمن الرحيم
أخواتي كل وحده تقرا موضوعي تدعي لأختي بالشفاء ( والله لو شفتوها تقطعت قلوبكم عليها)
بداية مرض اختي كان من 3 سنوات ونصف تقريباُ.. ارتفعت حرارتها بشكل يخوووف ويقلق وظهر لها ورم خلف أذنها اليمين.. الورم قاسي ولا يألمها .... وقتها على طول راحت للمستشفى وقالوا لازم تنويم ..
نامت بالمستشفى إسبوعين وسووا لها فحوصات وتحاليل وخذوا عينة من الورم وأجمع الأطباء إن كل شي سليم والحرارة جتها من إلتهاب بسيط بالبول(أكرمكم الله) والورم غدة ملتهبة مع حرارة الجسم وعلاجها بالمضادات ولأن اللي فيها شي مخيف وظهر لها فجأة خفنا تكون (عين ) فجاء الشيخ السدحان بعد ترجي وواسطات ولأنه يعرف زوج اختي قرا عليها بالمستشفى وبعد ما خلص من قراءته سألها:وش شفتي وأنا أقرأعليك؟؟ قالت ناس ,, قال لها 3 حريم ورجال واحد؟؟ قالت إيه (سبحان الله ).. سألها عرفتيهم قالت حرمتين.. نامت ليلتها وحلمت فيهم وظهروا لها الرجال(من معارفنا) والحرمة الباقية كانت( زميلتها في المدرسة ),, أخذنا من أثرهم وتحسنت ولله الحمد
وفي رمضان اللي فات رجعت لها الحرارة الشديدة (بعد كل هذي السنين)وسوينا فحوصات وطلع نفس التشخيص اللي قبل(الحمد لله على كل حال) ومع المضادات تحسنت.
والآن المصيبة الكبرى اللي لاهي على بالنا ولا خاطرنا المصيبة اللي قتلت شي إسمه فرحة في قلوبنا ..
رجعت لها الحرارة بشكل متصل ماتنزل أبداً وخذناها للحبيب وقالوا لها بعد ماسووا فحوصاتهم ,, معها إلتهاب بول وعطوها مضاد بالوريد وهي قبل لا تروح لهم كانت تاخذ مضاد من مستوصف ثاني وقلنا للحبيب تراها تاخذ مضاد عن طريق الفم ولا اهتموا ,, النتيجة (المضادين تضاربوا من قووتهم وسببوا لها استفراغ متصل وارتفعت حرارتها زيادة وصداااع براسها لدرجة تتصيح بينفجر ).
لما شافوا حالتها كذا على طول عطونا ملفها قالوا ماعندنا علاج خذوها لخالد الجامعي ,, وبالفعل رحنا للإسعاف الملك خالد وجاء إستشارييين وجلست يوم كامل مابين أشعة وتحاليل وخذوا منها خزعة من النخاع الشوكي(اشتبهوا بالحمى الشوكية) وفشلت وكرروا مرة ثانية ونجحت الخزعة لكن في كل مرة تاخذها اختي كانت تموت من الألم وبعد كل هالشي اللهم لك الحمد طلعت نتايجها سليمة حتى البول (تكرمون) سليم لكن الحرارة يقولوون فيه التهاب بالدم مجهوول وماينشاف لكن موجود .
وفيما هي بالمستشفى كانت فيه وحدة تتصل على أهلي ولما كملوها قالت أبي أكلم( هاجر) قالوا هاجر تعبانة ونايمة بالمستشفى فجأة جلست تبكي بالتلفون وتقول أبيها أبيها لي إسبوع أدور رقمكم وجبته من الإستعلامات قلنا من انتي قالت (فلانة زميلتها بالمدرسة من 4 سنين) وهاجر تجيني من اسبوع بالحلم وأنا نايمة تقول فلانة أنا محتاجتك محتاجتك ,, فلما قالت هالكلام قالت لها اختي اللي تلكمها مادامك قلتي كذا ترى يافلانه هاجر شايفتك لما قرى عليها الشيخ وهو يقول انك صايبتها بعين ,, ردت وقالت إيه أنا حاسة بكذا وما أنزه نفسي أبداً ولا أنزه أهلي حتى لأني كنت معجبة فيها مرررة وهي سالفتي ببيتنا عند أهلي قايمة قاعدة مالي إلا سيرتها,, وبروح لها للمستشفى وبقرا عليها بجيب لكم من أثري وأثر أهلي بعد (جزاها الله خير .. بنت أجاويد)
وطلعت من المستشفى وهي تعبانة على حالها حرارة واستفراغ وألم بالراس
واليوم جاء شيخ وقرا عليها ولما قرا عليها صار لها شي مخيف (عيونها شخصت وقامت تدووور وطلعت على فوق وفمها كأن أحد مسكها وسحبه من الجهتين ورقبتها رجعت لورا لصقت بظهرها )والله والله شكلها الحين مخيف مدري غريب عضلات وجهها تتحرك لا إرادي (كلنا نبكيها نبكي حالها اللي يدمي القلب_ _
هاجر زواجها بأول الإجازة (الله المستعاااااااااااان)كانت تقول اكتبوا لي قائمة وش اشتري وش أجهز بروح أسوي وبفصل كذا وكذا وفجأة في لحظة رااااااااح كل شي كل شي ياناس حاسة اختي تموت شوي شوي أشوفها وأقول بنفسي مدري يمكن تكون هذي آخر مرة أشوفها صايرة زي المجنونة ماتدري عنا وعيونها طايرة بالسما وفمها مسحووب وأسنانها ما تقدر تسكرهم على بعض تقول أحس بألم شديد ويحتكون من غير ما تتحكم فيهم( ياااااااربي الطف بها يارب يارب ارفع عنها البلاء يااارب ) وش صار فيها وش جاها تكفووووووووووون طلبتكم خواتي تدعون لها بصلاتكم لاتنسونها الله لايريكم مكروه بمن تحبون ..
الأطباء الحين مشتبهين ب3 أمراض (التهاب الدماغ- الذئبة الحمراء- بكتيريا بالدم)
الله يخليكم ادعوا لها تراها بحاجة الدعاء (ياربي عافي أختي يارب فرح قلوبنا بعافيتها ياااااااااااارب يارحمن يارحيم ارحمها وخفف عنها وثبتنا وصبرنا يااارب العالمين)
الأطباء الحين مشتبهين ب3 أمراض (التهاب الدماغ- الذئبة الحمراء- بكتيريا بالدم)
ضيعت إسمي @dyaat_asmy
محررة برونزية
يلزم عليك تسجيل الدخول أولًا لكتابة تعليق.
ღزيـ أم ـادღ
•
أسأل الله الكريم رب العرش العظيم أن يشفيها ويعافيها ويمن عليها بالصحة والعافية
لاتتركون القراءة عليها حتى لو في شيخ كل يوم أقرأوا عليها سورة البقرة والرقيه والفاتحه سبع مرات
أسأل الله العظيم الكريم أن يشفي أختك شفاء لا يغادر سقما
يارب الطف بحالها يارب
أسأل الله العظيم الكريم أن يشفي أختك شفاء لا يغادر سقما
يارب الطف بحالها يارب
اولا اسأل الله العظيم رب العرش العظيم ان يشفي لكم هاجر وهذي مايبي لها كلام شكلها محتاجة رقية شديدة انصحكم تداومون على رقيتها عند الشيخ السدحان لا تملون واذا احتار الأطباء في مرضها هذا معناه 100% انه عين قويه ارجوكم كثفوا القراءة عليها الليل مع النهار انت وامك وابوك واخوانك تناوبوا على القراءة وخلي امك وابوك يدعون لها حرام تضيع فرحتها بزواجها وان شاء الله ربي بيشفيها
توته!
•
اسأل الله العظيم رب العرش العظيم ان يشفيها ويزيل مابها من مرض ويريح بالها ويجعله في ميزان حسناتها
الله يطمنكم عليها يارب
الله يطمنكم عليها يارب
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
داومو على الرقيه الشرعيه والصدقه عنها والله يشفيها ويعافيها وخلوها تداوم على اذكار الصباح والمساء
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
داومو على الرقيه الشرعيه والصدقه عنها والله يشفيها ويعافيها وخلوها تداوم على اذكار الصباح والمساء
الصفحة الأخيرة